¶ عند غزلان ¶
كانت واقفة و كاتقاد الشدّة ديال فولارها فالمرايا وكاتوجد راسها للدبيـ/ـحة ديال اليوم و مع سالات و بغات تمشي لعندهم و هو يوقفها التيليفون لي كايصوني فجيبها .. مشات بخطاوي مزروبين سدات الباب عاد جاوبات بشوية
غزلان : [ نطقات بنبرة هادئة مع إبتسامة دافئة ] صباح الخير
عدنان : صباح النور [ سمع صوت السهات عندهم ] عاد فقتي؟
غزلان : [ جاوباتو بنفس نبرتها الهادئة ديال ديما ] لا قبيلا بحال دايمن وصافي
عدنان : عواشرك مبروكة عاد بديت كانسمع صوت الأمداح مطلوقين عندكم فالدار
غزلان : المهم دعيد و دعاود بالهنا و الصحة و السلامة وطول العمر إن شاء الله ماكايناش معاووم ديكشي علاش ماكايتسماعش الصوت واضح
عدنان : كي خرجات ضوارتكم دبحتو ولا باقي؟
غزلان : باقيين مادبحنا و نتا؟ ماش دعيد هنا ولا مع العائلة ديالاك؟
عدنان : راني مع مالين الدار هاد الساعة باقي عاد عوّال نمشي ندبح صونيت غير نبارك لك العواشر و بصحتك القطبان ا غزالي كولي و قيسي
غزلان : [ قطبات حجبانها ] غزالي؟
عدنان : ماعجباتكش؟
ماعجبهاش الحال للدلع ديالو ليها لسبب لي هي بوحدها لي عارفاه .. مفضلة يبقاو بيناتهم حدود حتى حد مايفوتهم
غزلان : لا قوليا غير سميتي عادي
عدنان : [ بصوت رجولي ] واخا ، نخليك على خاطرك هاني مشيت ردي البال لراسك [ ضحك ضحيكة خفيفة رجولية ] ا غزالي
زادت عقدااات حجبانها و حتى بغات تهضر و هي تسكت ... قطعات عليه فالبلاصة و مشات تخبع تيليفونها عاد خرجات تشوف فاش تعاونهم كانو العيالات وجدو البانيوات كايتسناوهم غير يد//بحو اما الرجال لي كايتسناوهم حتى هما كانو كايتسناو عِز و فاروق و سعد يجيو
الحاج قاسم : طارق عيطتي لخوتك ا ولدي؟
طارق : راهم فالطريق عاد دويت معاهم دابا
الحاج قاسم : [ شاف فصاحبو و نطق بصوت رصين ] وعِز باقي ماغايجي واقيلا ا المرتضى؟
كان جالس و حاط التيليفون على ودنيه كايصوني على ولدو ولكن لقا نوامرو ب2 طافيين ... عاود صونا على مراد و حتى هو نفسي الشي لقا نوامرو طافيين
الحاج المُرتضى : راك عارف شكاين ا قاسم علمني بالتعطال قبل بيامات الله هُما [ حط التيليفون فوق الطبلة ] هاد العيد جاه فنهار مامساليش فيه الخدمة فوݣ راسو [ قاطعهم صونيط التيليفون ] غايكون غير هو لي كايعيط
هزو باش يشوف شكون كايصوني و هي طلع لو نمرة ماداخلاش عندو
الحاج المرتضى : السلام عليكم [ شاف فقاسم و الحاج الرحماني لي حاضيين معاه ] شكون معايا؟
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
