° هبطات للتحت وهي عوالة تهضر مع الحاجة هنية حتى سمعات صوت أسماء كاينده عليها
أسماء : ختي فيروز عاد دابا شوية صونات عليك العائلة ديالك ، قلبت عليك نعيط لك باش تهضري معاهم مالقيتكش
فيروز : شكرًا ا ختي اسماء شكون عيّاط لي؟ واش مّا؟
أسماء : جدك هو لي هضرت معاه و قال ليا نقولك عيط لك
فيروز : [ تبسمات لها ] اه صافي شُكرًا
بغات تمشي للكوزينة و ماباغاش تهضر معاه كيفما ماكانتش غاتهضر لا مع بّاها لا خوتها على هاد التزويجة لي زرفوها فيها وحتى بغات تدخل للكوزينة وهي توقف كاتفكر ، محتاجة شي حوايج وهي عارفة مزياان ماكاينش لي غايسلكها فيهم هاد الساعة من غيرو
قلبات الدورة لجهة الفيكس و دوزات النمرة ديال جدها .. ثانية و 2 و 3 دازو و ها هو جاوب
فيروز : بّا سيدي؟
الحاج الرحماني : [ نطق بصو باين فيه كبر السن وقور وممزوج بالحنية ] الياقوتة باقا هازة فقلبها على جدها؟
فيروز : الياقوتة بقا فيها الحال حِقّاش كانت دايمان اتشوف جدها هو لي ايحامي عليها وتتحاما فيه
سكت لثواني وتسمعات تنهيدة خارجة من الأغوار ، كان عند بالو الكلمة ايلا وفا بيها غايتهنا و يرتاح ماغاتبقاش متقلة عليه .. من ديما معروف بكلمتو وحتى دابا معروف بيها واخا تكون على جال دمو وقطيع راس\و يوفي بيها و ها هو وفا بيها ولكن راحة البال فين هي؟
واش ناسها مهليين فيها؟ كان عارف بلي غاتلقا مشكل معاهم بسباب داك الهروب ولكن فنفس الوقت عارف الكَرم ديالهم وغايعيشوها ماناقصها فيها خير خاصها غير دير بلاصتها وسطهم .. واش راجلها مهلي فيها؟ عارف مزيان بلي الهروب ماكانش بالحاجة لي غادوز لها وهادشي قالو ليه هو نيت بفمو ، بلا كدوب بلا تزواق الهضرة
و كيما قال ليه ، صبرو عليها سالاه فليلة العرس لي هربات وفالشهر لي دوزاتو برا الدار بحالا قاطعة يديها من يديها من يدهم بحالا ماعندها لا دار لا دوار
الحاجة لي هنات قلب الحاج الرحماني و ريحات ليه البال هي أنه عارف عِز ماكايظلمش
نطق بنفس الصوت الوقور الممزوج بالحنية
الحاج الرحماني : تسانستي شوية مع ناسك الياقوتة ديالي؟ العواشر هادو و ما ݣلتيش لجدك شنو باغا يجيب لك وشنو محتاجة هاد العام [ سكت لثواني ونطق ممازحها ] ولا بدا راجلك ياخد بلاصتي؟
فيروز : ناسي ا بّا سيدي هانا ماشا معاهم الحمد الله باقا حية أُرزق [ نطقات بصوت بدا كايبهات بالتقليقة ] تينا عارف ا بّا سيدي يانا كونت موالفة مع مّا وفدارنا ، اما موطعك فقلبي ماكاينشي لي ياخدو
الحاج الرحماني : [ تبسم إبتسامة وقورة و نطق ] مامخصوصة من والو؟ مابغيتي نسيفط لك والو فهاد العواشر ا ياقوتتي؟
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
