زوجة الكولونيل / COLONEL'S WIFE

PART 6

قطعات عليه وبدات كاتفكر فشي حل لحريرتها ونسات نورة لي كانت كاتهضر معاها فاش كانت كاتهضر معاه

نورة : [ خافت عليها وتشوشات ] فيروزة شني واقع؟؟ ليمن عطا نمرتَك؟؟

شافت فيها فيروز وهي مخلوعة ومعصبة ... حاسة بمصارنها تلواو عليها بالخلعة ومابقات لها شهية وهي كاتتفكر بلي ايلا مشا حتى طاح التيليفون فيد واحد من خوتها وصونا هداك خونا ونطق سميتها غاتقودها .. وكيفاش لا وهما عارفين مزيااان طينة سواعدة

فيروز : [ شافت فنورة ونطقات بنبرة باااينة فيها الخلعة ] قفاارتااا ا نورة [ قفرتها ] قفااارتاا وهادي اللخرانية ليا .. [ حطات يدها على كرشها كاتكالمي الوجع لي شدها ] قفاااارتا ا نورة وموحال واش نفلت منا [ منها ] هاد لمرة

نورة : تهدني ا فيروزة وقولي لي غير شني قالك ونجبرو شي حل

فيروز : اشمن حل ا نورة كاين اشمن حل؟؟ التيليفون ماعرفتشي فاين ونمٓرتي خرجات نعند الرجال .. التيليفون غايبقا كايصوني من عند لي يسوا ولي مايسواش وانا ربي لي شاهد عليا ماكانعرف حِتة واحد من غير رائد .. قفااارتا ا نورة

بغات تهدنها ومالقات ليها جهد .. هاد المجي وديالها فبلاصة وحدة دار لها القوق فالراس وهي عارفة بلي ماغايفيدهم والو والحل اللول هو تتكالما باش يعرفو كيفاش يتصرفو

نورة : هاد المشي والمجي ديالك ا فيروزة مافايدكشي .. داك الكلب عمل لي عملو خالينا نفكرو فشي حل نهاد الموصيبة .. انا كانقول خالينا نعايطو لنمَارتك بنمرة مخبعة ونشوفو ادا جاوبنا شي واحيد

فيروزة : هادشي لي ماشاا نعمل داابا وايني ا نورة ادا كان شي واحيد كايعرافني يقدر يعراف صوتي

نورة : [ سكتات شحااال كاتفكر ورجعات نطقات ] جباارت الحل .. عطيني التيليفون انا نصوني و ادا جاوبني شي واحيد نقوليه هدا تيليفوني .. هايدا ماغايعرفك حد

فيروزة : وايني ادا كان شي واحد كايعرف باباك شنس غادعمل؟ غايدجبد لك الصداع ا نورة

نورة : [ شدات من عندها التيليفون ] غا خلينا نفكو مشكلتك وماتهزشي الهم ليلي .. انا بابا عارفة شني غانقول ليه وزايدون انا بابا كايتاقي فيا الله ماشي بحال عيلتك [ دوزات النمرة وشافت فيها ] يحسن عوااانك معاهم والله العضيم

دارت هوت باغلوغ من مور مادوزات النمرة وبقات كاتتسنا شي واحد يجاوب حتى صدقو لاقيين التيليفون طاافي

رجعو صوناو باش يزيدو يتأكدو ولقاوه فعلاا طافي .. بقات كاتڤيبري غيير بوحدها .. كاتحاول تتفكر غيير فين خلات التيليفون وفين طاح ليها باش تتأكد واش يكون طاح فيدين خوتها ولكن ماعرفاتش فين وكيفاش غاتعرفها و هو فاش طاح لها كانت ملاهية مع الشبّيك ديال الشرجم