الولد : خالتي فيروز [ مد لها التيليفون ] هاكي تيليفونك عمو بغا يهضر معاك
مع عطاه ليها مع عطى رجليه للريح عارف راسو اش داير و عارف الى مشات حتى قالتها لمو غاياكل ماكلة الطبل نهار العيد مكانش كبير كفاية باش يقدر يفهم حركات جسدها و يعرف بلي متقدرش تحل فمها ولا تتشكى ولا يشوف بعدا غير ديك الصدمة لي شداتها
خلات المكالمة داايزة ومشات بزربة طلات على خوها لقاتو بااقي جالس وكايهضر فالتيليفون ... وعلى رااحة هبطات لها على قلبها ماحسات براسها حتى ضحكات ضحكة خفيفة ديال الراحة
تحركات من تما باش تتخبا وهبطات عينيها للتيليفون كاتشوف شكون كايصوني عليها لقاتها نفس النمرة وعاوتاني طاح فبالها رائد ولكن مابغااتش تزرب حتى تزييد تتيقن
فيروز : الو؟ شكون معايا؟
تقنتات وبقات حاضية جنابها مزيااان وعينيها غير كايضورو هنا ولهيه حتى سمعات صوت رجولي لي كان غير مألوف .. أول مرة تسمعو
عِز : تيليفونك نتي ديما طايح؟
تعجبااات من الصوت لي جاها فشكل بحروشيتو مافكرها غير فصوت خوها فاروق فاش كايضور فيها ... ولكن هدا ماكانش كايضور فيها و انما هضر معاها عادي بالبحة ديالو العادية .. زادت تعجبات كتر بالطريقة بعدا لي هضر معاها
فيروز : كيفاش تيليفوني دايمان طايح؟ شني كادقول نتينا عاود وفاين كادعرفني ا خاي؟ وعلاش كادغوت عليا اصلا؟
شافتو سكت حتى قالت راه قطع .. حيدات التيليفون من ودينها لقاتو باقي دايز فلابيل
فيروز : واش كادسمعني ا خاي؟
عِز : تيليفونك غاتجي نتي تديه ولا ندوزو لخوك؟
بدات كاتندم على النهار لي شرات فيه داك المشقوف و كاتندم على النهار لي خرجات فيه والنهار فكرات فيه دير هادشي من الاساس ... واش الخلعات هاد النهار ماغايتقاداوش؟؟ صدمهاا وفشلها بهضرتو خصوصا فاش عرفاتو كايعرف خوها وعرفات بلي هدا لي كايهضر معاها عندو التيليفون ديالها
حنحنات وبغات تقاد صوتها باش تطرد ديك الرنة ديال التوتر لي مرفوقة مع صوتها
فيروز : ماكانطلاقاشي بالرجال ماكانعرفهومش وزايدون ا خاي انا ماعارفاشي علاياش كادَهضَر شمن تيليفون؟ واقيلا راك غالط فالنيميرو انا ماعنديشي خوت رجال وماكانطلاقاشي حِتة بالرجال ماكانعرفهومش
• موقف الطوموبيل قدام واحد البلاكة مكتوب فيها [ الحسيمة - كتامة - الخلالفة ] جالس نص جلسة على القدامي ديال الطوموبيلة و كايتسناااط لهضرتها
عِز : واخا ا كحلة السالف ، بّاك حداك؟
فيروز : الله يا خاي اشمن سالف كادهضَر عليه؟ انا قولت لك راك بااينة غالط فالنيميرو
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
