بغات تعاود تسولو و تقوليه فين شفتو؟ وفين شافني؟ ولكن غير سمعات اللخر ديال هضرتو حسات براسها تبلوكات .. أحاسيسها ومشاعرها تشللو لفترة زمنية ، كانت بحال شي مݣانة كاتتعلق فالحيط ودوك الارقام ديال السوايع ليها هما المشاعر والاحاسيس ديالها في حين الموري كان هو الدماغ لي بقا حابس لها فرقم واحد و إحساس واحد لي هو الصدمة
دماغها لتاني مرة كايفهم ولكن قدرة الإستيعاب لي مابقاش كايستوعب ، رجعات سولات تاني باغا تتأكد وداخليا كاطلب ودعي الله ماتكونش الهضرة لي فهماتها هي لي كاينة
فيروز : [ نطقات بصوت واهِن قريب للوَشوَشة ] هداك ا با سيدي جا اليوم يخطب ختي غزلان يمكن بغيتي تقول لي خاه لي غاندزوج بيه [ زيرات بيديها على حوايجها ] ياك ا با سيدي
عضات شفايفها بسنانها باش مايبقاوش كايرجفو ليها ، لسانها طرح عليه السؤال ولكن عينيها كانو كايترجاوه باش يجاوب ب" أه "
الحاج الرحماني : لا الياقوتة ديالي مُصعَب مزوج والايني عِز مرتو ماتت شي 5 سنين دابا
ماقدراتش تزيد تصبر من ورا هضرتو اللخرانية ، النوضة لي ناضتها رجعو تأكتيفاو فيها كاع الاحاسيس لي تشللو يلااه هادي شي دقايق .. وقفات بزعاف
فيروز : [ شافت فيه بتعابير غاضبة وعابسة متخللينهم تعابير خيبة الامل لي شافتها منو ] شني انا فهادشي كامل [ غرسات صبعانها فكفها مبردة فيهم حر الغدر لي حسات بيه ] غي قوليا شني ا با سيدي؟؟
الحاج الرحماني : رجعي جلسي ا بنتي فيروز ندوي معاك باقي ماساليتش هضرتي
هضرات بنبرة صوت اول مرة تهضر بيها مع جدها وهي متناسية الاحترام ومتناسية كلشي حيت ببساطة ماكانتش كاتخاف منو بقد ماكان عزيز عليها وكاتحتارمو
حسات بينابيع دموعها غاينفاجرو
فيروز : علاش شني باقي عندك مادقول ا با سيدي؟؟نتينا دزوجتي المرا لي بغاها قلبك وماراعيتيشي لصاحبك وتاا رشقات لك باش ترجع لصحبتو عاد بديتي دشوف بيمن ضحي ياك؟؟ عاد بديتي دقلب على شي واحيد يهز عليك تقل عمايلك ومالقيتي تا واحيد من غير وحدة باقي تا ماضرب فيها الهوا دهاد الدنيا
الحاج الرحماني : غلاوتك عندي ا بنتي فيروز حد ماعارفها ، والايني القلب مايشاور
تفجرو ينابيع عينيها و نزل منهم أنهار دموع دايرين ميعاد باش يطلاقاو فمنتصف اسفل فكها .. ولكن هاد المرة نزلو وكان مرافقهم الغوات ديال صوتها لي تعلا وتعالا بالاعصاب والحكرة والذل لي حسات بيه
فيروز : القلب ماكايشاورشي ياك؟ نتينا دزوجتي وعشتي حياتك وانا عطيتيني لواحيد الهيماجي [ سكتات وعضات شفايفها باش تسيطر على رجفتهم عاد كملات ] هيماجي لي تا هو دزوج وعاش حياتو تا لنهار ماتت مراتو عاد جا بغا يدزوج بيا ياك ا با سيدي؟؟ انا رويضة دسوكور عاندو ياااك؟ [ بدات كاتمسح دموعها ] نتينا لي راابح فهادشي كامل بالحَق مارابحشي بالنية والقلب لبيض ، رابح بالضلم لي ضلامتينا انا و صاحبك ... رابح على ضَهري انا لي عاطيني ليهم باش دحزرهوم وتصلح غلطتك لي نتينا لي غلطتيها ماشي انا ، رابح على ضَهري انا من ورا ما ماتت مراتك .. رابح على ضهار صاحبك لي غدَرتيه وطعَنتيه فضَهرو [ رجعات هزات يديها كاتمسح بضهر يديها دموعها لي مابغاوش يحبسو وغي ماكايزيدو ] شكون بحالك ا با سيدي؟ ربحتي المرا لي كنتي كادبغي وربحتي تا صاحبك
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
