زوجة الكولونيل / COLONEL'S WIFE

PART 21

طلات على خوها ورجعات شافت فنورة ومن وجهها باين طاحت فبالها شي حاجة ، رجعات جلسات حداها ونطقات بنبرة هادئة

فيروز : نورة ايلا كان قلبك غايتفش ايلا كلاها داك الحيوان فعضامو انا نقدار نقول لخاي فاروق عليه بالحَق مانقولشي هادشي عليك نتينا

قاطعاتها بزربة وعيونها باقي عليهم اثار البكاء
نورة : واااياك ا فيروزة ماتعملهاشي ، انا ماجيتشي نهنا باش نتفضاح مابغيت لا خاك فاروق لا تا واحيد يعراف شي حاجة [ ناضت من بلاصتها ودوزات يدها على وجهها ] لمهم انا غانرجاع ندارنا ا فيروزة قبل مايشك بّا فشي حاجة

فيروز : فاين ماشا؟ واش بعقلك غادمشي ونتينا فهاد الحالة؟ خليك معانا تا نشوف شي حل و انا غانهضار مع با سيدي يقول لباك شي حاجة

نورة : واش ا فيروزة يتسحابلك بّا كاتعجبو المبياتة ديالي عَندكوم؟ ديك النهاريات من ورا العُرس دزبيبة خاصم عليا على المبياتة وقال ليا مانبقاشي نطلب منك تهضر مع حنينك باش يقولو يخليني نبات معاك ، هو ماكايرجعاشي فوجهو بالحق انا كايهضار معايا على هادشي [ بدات كاتلبس عليها الحايك ديالها ] اصلا طال زمان ولا قصار غانرجاع غانرجاع اللهم نرجاع دابا و نشوف شي حل نراسي

رجعات تفكرات اش وقع لها البارح وبداو دموعها كايطيحو .. ماقداتش تزيد تبقا واقفة ورجليها ماساعفوهاش

جلسات فالارض وهي حرفيااا ماعارفة مادير .. تلفات لها الجرية وغير فكرة باها وجيرانهم وعائلتهم يسيقو الخبار و يبداو ينعتو بصبعانهم ليها كاتخليها كاتعيف راسها ، رجعات فيروز كاتهدنها وعلى كل دمعة كاتشوفها من صاحبتها كاتزيد تحقد على داك الكلب كتر وكتر

فيروز : مادبكيش يرحم يماك ا نورة ، ايلا كادأمن بالله وربي الحبيب تا نخرجو من عين يبرا على هاد العملة

سمعو الدقان فالباب وعلى إثر هادشي ناضت نورة بزربة وهي منتافضة من بلاصتها وكاتقاد حايكها وتمسح دموعها

فيروز : ا صباار هانا غا نحول الباب

نورة : [ بعدات عينيها من فيروز وبدات كاتمسح وجهها ] لمهم هانا مشيت ا فيروزة

فيروز : صبار نشوف خاي فاروق يوصلك .. مادمشيش بوحديتك قلبي ماغايهناشي عليك هايدا

مشات باش تحل الباب في حين نورة جاوباتها بالرفض التااام
نورة : لا ا فيروزة غا خليني نمشي بوحديتي يرحم يماك ، باغا نشم شويش دلهوا ونبقا بوحديتي

غزلان : [ شافت ففيروز ] الفقيه عيّاط لينا و قال لينا على نورة خاصا دمشي ندار حِقّاش عمها فالطريق نعندهم

خرجات نورة بلا ماتشوف فغزلان والا تودعها في حين فيروز هزات السبنية ديالها وتمات خارجة وهي كاتهضر مع ختها

فيروز : صافي راها نيت ماشا ندارهم

- عند نورة -

كانت باغا غير تخرج من الدار ، عارفة مزيان بلي فيروز باغا تعاونها ولكن مابغاتش شي حد يزيد ينبش فهادشي وخصوصا خوتها .. خايفة لايمشيو ليه ويصدق قايل لهم شي هضرة وداكشي لي خايفة منو هو لي طيح فيه