سكتات لثواني ولي كان كايضور فراسها ماعالم بيه الا الله
فيروز : وهادشي نتينا غاضمنو ا رائد؟
رائد : مضمون 100٪ لا تخافي حبيبتي الرجّال عِندو اشخاص يشتغلو معو خِبرة ، أكد لي الموضوع
بقات كاتفكر وتضورها فراسها ، لي فراسها فراسها ولي على لسانها كان غييير
فيروز : ايلا كان هاكا واخا ، دابا قول ليا غي ايمتا غايوجدو ليلنا الباسبورات والوراق؟
رائد : لازم بس تِجين انتي وصديقتك عشان تتصورو صور تليق بهوياتكم والاوراق وبعدها انتظري مكالمة مني
فيروز : اممم واخا وكاين شي واحيد معاك في الدار؟ ولا غي نتينا بوحديتك؟
رائد : ومين راح يكون يا حبيبتي ، انا والحيطان والمنحوتات وبس
فيروز : سقسيت باش نشوف وصافي المهم ا سماع راه خاي فاروق اليوم غايعبيني للسوق انا و نورة وغي غانجبرو كي نعملو نجيو غا نجيو
رائد : فيروز تمزحين صح؟ بلشنا من جديد؟؟ من الاول قلت لك الله يخليك خليني بعيد عن هاد اخوك و عيلتك ، اذا كان معاك اخوك بس خليك بسوقك لا تجي اليوم .. بكراه بكون منتظركم
سمعات الدقان فالباب
فيروز : ا صباارو هانا ماجا [ هضرات بشوية ] شوف غانعياط لك من بعد
قطعات عليه ومشات حلات الباب
غزلان : اجي ا فيروزة مولات التواب جات وراها لتاحت كادسناك هي ويما باش دختار التواب لي دفصلوم
فيروز : قولوم هانا ماجا
مشات ختها وخلاتها كاتفكر فحريرة رائد والسعودي لي كايتعامل معاه بلا شوار بلا ستة حمص ، واش هاد السعودي ماباغيش يعطيها بالتيساع؟؟ عاطي زبالة ديال الفلوس على نمرتها ودابا كايعاونها باغي يقاد لها وراق مزورين؟؟
فايت ليه شد الفلوس على نمرتها وماقالش ليها بلي غايعطيها حتى تتصرف منو لراسو ، شكون عرف يكون شدهم حتى دابا وماباغي يقول والو؟ فاللول واللخر السيد كايخاف من خوتها ونورمالمون ماغايبغيش يخشي راسو وسط الصداع ومن الفوق فابور !!!
من جهتها وي فابور وماغاتعطيه والو ولكن حتى حاجة ماضامنة لها بلي ماغايشد حتى ريال من عند السعودي وشكون عرف يكون شد و سالا.
° هبطات للتحت وجلسات تختار فالتواب مع لالة فخيتة لي كانت كاتشوف لها غير التواب الفريع ديال الفريع باغا بنتها تمشي لدارها بأحسن الحوايج و أفخرهم
شافت مولات تواب ففيروز وغمزاتها ولكن فيروز حركات راسها بمعنى لا ماباغاش تواب باش تخيط كساوي جداد
سالات من تم من ورا ماختارت التواب ومشات طلبات من ماماها وجدها باش تخرج تمشي لعند نورة وداكشي لي دارت ، غير مشات لعندها خرجو ومشاو لدار رائد وحتى بغات فيروز تدق وهي تنطق نورة
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
