حسات بيه دخل وسمعات خطاويه وهضرتو ولكن ماشافتش جهتو ، حدها سمعات خوها كايقول لها تنوض ناضت ومشات هي ونورة معاهم للمكتب ديال داك الراجل لي عرفات بلي هو العدول
كان كلشي واجد .. جلسو ب4 بيهم قدامو ومرة ومرة كانت نورة كاتقرب لودنيها وتهمس لها باش تصبر ولا كاتدوز لها يدها على ضهرها باش تصبرها .. بقاو هكاك حتى نطق العدول وهاد المرة كان موجه هضرتو لفيروز
العدول : هاد السيد ا بنتي باغي يتزوج بيك على سنة الله ورسوله واش ا بنتي قابلة بهاد السيد؟
هدا ماكنش وقت الضحك ولكن لا اراديا خرجات من شفايفها إبتسامة فشكل .. على اساس ايلا قالت لو لا غايتسنط لها؟ غايرضخو لمطالبها؟
قلبات وجهها للجهة الثانية وحركات غير راسها بمعنى اه
العدول : واش ا بنتي خديتي صداقك؟
بلا مايتسنا جوابها نطق فبلاصتها
فاروق : صداقها شديناه ، ها هو امانة عندي حتى نعطيه لها
بقا كايسول أسئلة لي كانو غير إشكاليات اما هو فالاساس راه جوابها كان زايد ناقص ، ولكن سينياتور ديالها لي كانو كايتسناوه ، عِز سينا من جهتو وبقات من جهتها هي لي بقات شحاال وهي كاتشوف فديك الورقة لي غاتجمعها معاه ، شدات الستيلو وهزات راسها ففاروق ونطقات
فيروز : انا غانوقّاع ا خاي بالحَق عمَال في بالك عومرني نسماح ليك فحياتي كولا
سينات على الورقة وكيما توقعات العدول سمعهااا اش قالت ودار راسو ماسمع والو ... بقاو تم حتى تعاودات تهزات الفاتحة وغير سالاو وهو ينطق وديك التبسيمة مقبححة وجهو
العدول : الله يكمل عليكم بالخير ويرزقكم بالبنين والبنون [ شاف فعِز ] ا مبروك عليك الكولونيل
تزيير خاطها تزييرة ديال العاداو مابقات كاع قادة تجلس تما ، ناضت باغا تمشي للطوموبيل وهو ينطق
فاروق : فين غادا؟
قلبات وجهها
فيروز : ماشا نطوموبيل مابقيتشي قادرة نتنفَّس هنا
فاروق : ماشي وقت الطوموبيل جلسي لرض حتى نساليو وغانمشيو كاملين
عِز : داكشي لي خصو يتقضا قضيناه والامور رصيناهم
هز السوارت ديال الطوموبيل والتيليفون لي كان من فوق الطبلة ورجع كمل هضرتو
عِز : ها هي معايا ا بّا فاروق ، غانديها واحد الساعة نشريو شي حوايج ونوصلها لكم للدار
فاروق : ماغانوريكش ا بن عمي فلي خاصو يدار ولي ماخاصو مايدار ، العرس باقي ماشفناه والناس باقيين ماعرفوها مرتك [ تفكر لي وقع لبارح ومسح وجهو بيديه ] الدار باقا مرونة ماكاين لاش نعاودلك لي طرا البارح كلشي راه فراسك وفراس حتى مالين الدار .. غانديها معايا تشوفهم ويشوفوها ومن بعد و اجي ليها حتى واحد ماغايشدك على مرتك
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
