[ زاوطت : رميت ]
الذهايبي : [ شاف فنورة ] وشكون ݣال لي مشفراه ولا دهبها ، زاوطت رجلي فالغيس معاها ا ولدي وصافي البنية ماعطاتني لا ورقة لا توصيل ݣالت لي باغا تبيعهم وباغا فلوسهم فالبلاصة ݣلت واقيلا شافراهم
جبد من الصاك 8 ديال المليون وخلا 7 ديال المليون فالصاك
فاروق : الغيس تعرف تخشي فيه رجلك غير فوقت الفلوس [ دفع ليه الفلوس ] النصيب كاتعطيوه 10 للضص شايفها ولية وعاطيها فداكشي كلو 8 ديال الملايين؟ ديك المضمة لي تم هداك هو تمنها؟
الذهايبي : حاشا ناكل فلوس عباد الله ا ولدي ولا ندخل لداري فلوس الحرام ، والايني انا ماكانعلمش بالغيب شعرفني هاد الولية ماشافراش الدهب ومن بعدا يجيو ماليه ينوضو معايا المشاكل؟
فاروق : حتى دابا ماݣلناش ليك شي حاجة ، جيب دوك القجاقل وها فلوسك
بقا كايشوف فيها وكايشوف ففاروق .. رجع شد الفلوس و دخل للداخل جاب ليهم ذهبهم ، خلاها تتأكد واش داكشي هو لي باعتو وغير تيقنو بلي ماناقص منو والو رجعو ركبو فالطوموبيل .. وحتى ݣالت ها هو غايتحرك وهو ينطق
فاروق : علاش كاتكدبي
كانت عارفة بلي باقي فالصاك الفلوس زايدين وهداك اكبر دليل بلي لتاجئو لشي حاجة خرا من غير الدهب لي باعوه
نورة : يانا ماكدبتشي ، عارفة كاينين الفلوس فالشاكوش بالحق هادوك نتاع فيروزة هادوك نتاعي [ بدات كاتلعب بصبعانها بتوتر ]
فاروق : ونتي منين جاوك؟
نورة : هاديك امانة كان خصني نلحقها نرباط عاند عمتي
فاروق : ماݣلتيش كاينة شي بلاد تباعت؟
نورة : [ هزهزات براسها ] واه قولتا وهادوك فلوس التسبيق نتاعا
فاروق : وشكون باع ديك البلاد؟ نتي لي بعتيها؟ البيع والشرا ماباينش ليا ديال وجهك 8 ديال المليون عاطيها لك دهايبي فعلاين كيلو ديال الدهب وكاتݣولي نتي لي بايعة وشارية فالبلاد؟
تزيرات ومابقات عارفة ماتقول ولات باغا غي تخرج من هنا ، بان ليها ماعوالش يعطيها الفلوس لي باقيين فالشاكوش وواحد الراس كايقول لها تقنع بالفلوس لي لقات فالصويك الصغير ديال فيروز لي كان فيه كارط ناسيونال ، 3 ديال المليون كافياها باش تسافر وترصي امورهم فمدينة خرا ولكن بقات فالسفر خارج البلاد ايلا بغاو يخرجو 3 ديال المليون ماغادير لهم واالو برا المغرب
نورة : صافي ا خاي لامابقيتيشي باغي ترَجّاع لي فلوسي خليهم عانداك
بغات تخرج من الطوموبيل وتتفك من هاد الكدوب ولكن رجع سد الباب مامخليهاش تخرج ، مع شافتو قرب منها باش يسد الباب لصقااات مع الكوسان مبعدة باش مايقيسهاش
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
