ထာဝရနဂါးတန်ခိုးရှင် ( လုမင် )
မူရင်း စာရေးဆရာ - Mu Tong Ting Zhu
ဘာသာပြန်သူ - ကိုခန့်
အပိုင်း ( 56 ) သွေးမျိုးဆက် ပြောင်းလဲခြင်း
လုမင်က မျက်လုံးဖွင့်လိုက်ပြီး သူ့မျက်လုံးထဲမှာတောက်ပသောအလင်းများ ဖျတ်ခနဲလက်သွားပါသည်။
"အဆင့်လေး သိုင်းသခင်! ဝါးမြိုခြင်းဝိညာဉ်ပိုးကောင်ရဲ့ သွေးအဆီအနှစ်သန့်စင်နှုန်းကတော့ ကြောက်စရာပဲ… တစ်ရက်ပဲရှိသေးပေမယ့် အဆင့်သုံးသိုင်းသခင်ကနေ အဆင့်လေးသိုင်းသခင်အစောပိုင်းအဆင့်ကို ရောက်သွားပြီ"
"ဒါပေမယ့် ဒါက မလုံလောက်သေးဘူး… နင်းဖန်က အဆင့်ခြောက် သိုင်းသခင်ကို နှောင်းပိုင်းအဆင့်ကို ရောက်နေပြီ… ဒီအတောအတွင်း သူက နောက်ထပ် အဆင့်မတက်ပါဘူးလို့ မပြောနိုင်ဘူး… ငါပိုပြီးတိုးတက်အောင် လုပ်ရမယ်"
ထို့နောက် လုမင်ဟာ ထည့်ဝင်မှတ်ခန်းမကို ဦးတည်လိုက်ပြန်ပါသည်။
ဒီတစ်ခေါက်တော့ သူက သွမ့်မုကျူးထံမှ ရခဲ့သော ငွေရှစ်သိန်းကို ထည့်ဝင်မှတ်များနှင့် လဲလှယ်လိုက်ပါသည်။
ငွေရှစ်သိန်းဟာ ထည့်ဝင်မှတ်ရှစ်ရာနှင့် ညီမျှသည်။
သူ့ရဲ့ မူလထည့်ဝင်မှတ်က ခုနစ်ရာရှိပြီး မူလန်ထံမှ ထည့်ဝင်မှတ်သုံးထောင်ရခဲ့ပါသည်။ ယခု လဲလှယ်လိုက်သော ထည့်ဝှင်မှတ်ရှစ်ရာနှင့်ဆိုလျှင် သူ့တွင် ထည့်ဝင်မှတ် လေးထောင့်ငါးရာရှိနေပြီဖြစ်သည်။ သူက ထိုထည့်ဝင်မှတ်အားလုံးကို နတ်ဆိုးသားရဲ သွေးအဆီအနှစ်နှင့် လဲလှယ်လိုက်ပါသည်။
သူက ဒုတိယတန်းစား အဆင့်ငါး နတ်ဆိုးသားရဲ သွေးအဆီအနှစ်ဆယ့်ငါးပိုင်းနှင့် ဒုတိယတန်းစား အဆင့်ခြောက် နတ်ဆိုးသားရဲ သွေးအဆီအနှစ် ဆယ့်ငါးပိုင်းကို လဲလှယ်ခဲ့ပါသည်။
ယခုအခါ သူ့တွင်ရှိသမျှ ထည့်ဝင်မှတ်အားလုံး ကုန်ဆုံးသွားခဲ့ပြန်လေပြီ။
"အား… ငါလေးက ဆင်းရဲလိုက်တာ!"
လုမင် သက်ပြင်းကိုသာ ချလိုက်မိသည်။
အခန်းထဲကို ပြန်ရောက်ပြီးနောက် လုမင်က ဆက်လက်လေ့ကျင့်လိုက်ပါသည်။
YOU ARE READING
ထာ၀ရနဂါး တန်ခိုးရှင် ( လုမင် ) (Ch 1 - 985 ) Book 1
Adventureမူရင်းစာစဉ်အမည် - Everlasting Dragon Emperor (ထာဝရနဂါး တန်ခိုးရှင် ) အဓိကဇာတ်ကောင် - လုမင် အမျိုးအစား - ကျင့်ကြံခြင်း၊လှုပ်ရှားမှု၊စိတ်ကူးယဉ်၊ ရွှမ်ဟွမ် မူရင်း စာရေးဆရာ - Mu Tong Ting Zhu ဘာသာပြန်သူ - ထာဝရ လူငယ်လေးလုမင်ဟာ သွေးကြောလုယူခြင်းခံရပြီး အသ...
