ထာ၀ရနဂါး တန်ခိုးရှင် ( လုမင် ) (Ch 1 - 985 ) Book 1

881 - 885

ထာဝရနဂါးတန်ခိုးရှင် ( လုမင် )
မူရင်း စာရေးဆရာ - Mu Tong Ting Zhu
ဘာသာပြန်သူ      - ထာဝရ
အပိုင်း ( 881 ) အားလုံးကို ရှင်းလင်းခြင်း။

ကျောက်စိမ်းပြားပေါ်တွင် ထျန်းယွမ်၏အမည်နောက်ကွယ်ရှိ နံပါတ်များက ဆက်တိုက်ခုန်နေပြီး လုမင်ကို အနည်းငယ်မျှ ရပ်တန့်နိုင်ပုံမရပေ။

လုမင်က အထပ်နှစ်ဆယ်သို့ အမြန်ပြေးသွားချိန်တွင် ဒုတိယ အမြန်ဆုံးက ဆယ့်နှစ်ထပ်သာ ရောက်သေးသည်။ သူတို့ကြားတွင် ကွာဟမှုက ကြီးမားသည်။

ရင်ပြင်တစ်ဝိုက်ရှိ အခြားလူများလည်း ပါးစပ်ကို ပိတ်ထားကြကာ ဘာစကားမျှမပြောတော့ပေ။ လုမင်က သူ့မျက်လုံးအမြင်ကိုသာ အားကိုးသည်ဟု ဆိုသူများသည်လည်း ပါးစပ်ပိတ်သွားကြသည်။

အမြင်အာရုံကို ရိုးရှင်းစွာ အားကိုးသူက ဤမျှ လျင်မြန်သောအရှိန်ဖြင့် ဝင်္ကပါများကို ဖြတ်ကျော်နိုင်ပါ့မလား။ သူတို့ပြောတာကို သူတို့ကိုယ်တိုင်ပင် မယုံပေ။

"မဟုတ်ဘူး"
လူအုပ်ကြားတွင် ရှရီက ဟိန်းဟောက်လိုက်သည်။ လုမင်၏ ရိုက်နှက်ခြင်းကိုခံခဲ့ရသော တခြားပါရမီရှင်များလည်း မျက်နှာများ အကြည့်ရဆိုးကုန်ကြ၏။

လုမင် ဖြတ်သန်းခဲ့သော အလွှာအရေအတွက်ကလည်း လျင်မြန်စွာ မြင့်တက်လာဆဲပင်။

မကြာခင်မှာပဲ လုမင်ဟာ ​​နှစ်ဆယ့်လေးထပ်ကို အောင်မြင်စွာ ချိုးဖျက်ပြီး နှစ်ဆယ့်ငါးထပ်သို့ ပြေးသွားခဲ့သည်။

ဤအဆင့်တွင်ကား... နောက်ဆုံးမှာ လုမင်၏အရှိန်က အနည်းငယ် နှေးသွားသည်။

ယင်းက လူတော်တော်များများကို အသက်ရှုချောင်စေခဲ့၏။

လုမင် ဤအဆင့်မှာပင် ဝင်္ကပါကိုဖြိုခွင်းသည့်အရှိန်က ရူးသွပ်နေသေးပါက လုမင်သည် လူသားဖြစ်ဖြစ်ကြောင်းကိုပင် အမှန်တကယ် သံသယရှိလာမိလိမ့်မည်။

ထို့ကြောင့် လုမင် နှေးသွားတာက ပုံမှန်ဖြစ်သည်။ သူက အနည်းငယ်သာ နှေးသွားလျှင်ပင် အားလုံး၏စိတ်ထဲမှာ သက်တောင့်သက်သာရှိသလို ခံစားရပေမည်။

ဝမ်ကျန်းမျှော်စင်အတွင်းမှာတော့ လုမင်ဟာ သဲကန္တာရထဲ၌ ရပ်နေသည်။