ထာဝရနဂါးတန်ခိုးရှင် (လုမင် )
မူရင်း စာရေးဆရာ - Mu Tong Ting Zhu
ဘာသာပြန်သူ - ထာဝရ
အပိုင်း ( 746 ) ဆုံမှတ်။
"ဟူး…"
ဖက်တီးခုန်းကျင်းလည်း အသက်ပြင်းပြင်းရှူလိုက်သည်။
ယခုလေးတင် သူက ပြိုင်ဘက်ကင်းအသွင်ဖြင့် ဝမ့်မိသားစုမှ ကျွမ်းကျင်သူရှစ်ယောက်ကို သတ်ပစ်ခဲ့၏။
သိထားရမည်မှာ ထိုသူများက အလွန်အစွမ်းထက်သော ကျွမ်းကျင်သူများ ဖြစ်ကြသည်။ ၎င်းတို့ကို အဆင့်တူများက တစ်ချက်တည်းဖြင့် သတ်ဖြတ်ပစ်ရန် မလွယ်ပေ။
ထိုလူတိုင်းသည် ချင်ချင်းရှန်ထက် သန်မာသည်။
ဖက်တီးခုန်းကျင်းအနေဖြင့် ဤအကျိုးသက်ရောက်မှုကို ဖန်တီးကာ ကျန်းထိုက်ရှနှင့် အခြားလူများအား အံ့အားသင့်သွားစေရန် စွမ်းအင်များစွာ သုံးစွဲခဲ့ရသည်။ ထို့ကြောင့် ထိုကြောက်မက်ဖွယ်ကောင်းသော တိုက်ခိုက်ရေးစွမ်းအားကို ကြာရှည် ထိန်းထားနိုင်မည် မဟုတ်ပေ။
ကံကောင်းထောက်မစွာဖြင့် ကျန်းထိုက်ရှနှင့် အခြားလူများက အလွန်ကြောက်လန့်သွားကြသည်။
"အီး၊ ဒီဦးလေးက တကယ်ပင်ပန်းသွားပြီ။ တိုက်ခိုက်တယ်ဆိုတာ အရမ်းပင်ပန်းတဲ့အလုပ်ပဲ၊ ဒါ မကောင်းဘူး"
"ညီမလေး၊ ယောက်ဖလုမင်ကို အမြန်ရှာပြီး အဖွဲ့ဖွဲ့ကြသင့်ပြီ၊ ကျန်းထိုက်ရှနဲ့ တခြားသူတွေက လုံးဝလက်လျှော့မှာ မဟုတ်ဘူး"
ကျန်းထိုက်ရှက သိုးခြေထောက်ကင်ကို ကိုက်ရင်း ပြောလိုက်သည်။
"နင့်ကို ရှင်းရှင်း ပြောထားမယ်နော်၊ ငါက နင့်ညီမ မဟုတ်ဘူး၊ လုမင်လည်း နင့်ယောက်ဖ မဟုတ်ဘူး"
ရှဲ့နျန်ချင်းက ဖက်တီးကို အံကြိတ်ပြီး စိုက်ကြည့်လိုက်သည်။
"ယို့ ယို့၊ ကြည့်စမ်း၊ မင်းက ရှက်နေတာပဲ။ မင်းနဲ့ လုမင်က အခုမဟုတ်ရင်လည်း အနှေးနဲ့အမြန် ဖြစ်လာမှာပဲလေ၊ မင်းအမနဲ့ ငါကလည်း အနှေးနဲ့အမြန် အတွဲတွေ ဖြစ်လာမှာပါ၊ စိတ်မပူနဲ့"
ဖက်တီးက အဆီပျံနေသော သိုးခြောက်ထောက်ကင်းကိုစားရင်း ပြောလိုက်၏။
ရှဲ့နျန်ချင်းလည်း အံကြိတ်ကာ ဖက်တီးကိုမပြောတော့ဘဲ နေရာမှ လှည့်ထွက်သွားတော့သည်။
YOU ARE READING
ထာ၀ရနဂါး တန်ခိုးရှင် ( လုမင် ) (Ch 1 - 985 ) Book 1
Adventureမူရင်းစာစဉ်အမည် - Everlasting Dragon Emperor (ထာဝရနဂါး တန်ခိုးရှင် ) အဓိကဇာတ်ကောင် - လုမင် အမျိုးအစား - ကျင့်ကြံခြင်း၊လှုပ်ရှားမှု၊စိတ်ကူးယဉ်၊ ရွှမ်ဟွမ် မူရင်း စာရေးဆရာ - Mu Tong Ting Zhu ဘာသာပြန်သူ - ထာဝရ လူငယ်လေးလုမင်ဟာ သွေးကြောလုယူခြင်းခံရပြီး အသ...
