مُراد : وا ماكرهناش ، بنادم نهار كامل راسو كايطبخ بالصداع وفريع الراس كايبغي يجلس فدارو يتسنط لعضامو ماكايخليه حد
مُصعَب : [ شاف فعِز ] صافي غاتمشي تنعس؟ حتى حلات القصارة رييح نبرم لك شي واحد قاد بيه الراس
شاف فيه لقاه جابد الماطيريال و بااقي عوال يزيد يسهر
عِز : برم وخليه لي فجنب ، الصباح ونولي ندوز ليه
جبد التيليفون يشوف شحال الساعة ورجع شاف فمُصعَب
مراد : الفجر ا صاحبي وراه أدن فين باقا شي قصارة
خلاهم وهبط للتحت مخليهم قصارين ب2
مُصعَب : وا هانتا على بّا عِز هوود غي مساري ورجع شاري ، وا زرب عليا فهادي المعلم المرا لي طاح فيها هاد المرة فين تباان اللولانية
مُراد : قلب الهضرة ا صاحبي نتا عارف عِز كي داير ، غايولي مقربلها معاك غير على سيرة المرا لي جابدها ليه
مُصعَب : وا غير داويين واش دويت فيها بالخايب ماتزيدش فيه ا ز••بي
مُراد : ماعارفش نتا خوك ا صاحبي؟ راك شفتيه من نهار ضرب العقد ماجبدش سيرتها قدامنا .. صافي جمع ك••رك ا صاحبي بلا ماتبدا تهبش عليه غايولي مقربلها معاك على ود الهضرة فيها ... داها الله يكمل عليهم بالخير
مُصعب : وا كاتكبر الفيلم على والو ، مالنا باش داويين؟ البنت مرت خويا وغاتجي لعندنا للدار اش ݣلنا ݣاع؟ شحال من خطرة كانجبد سيرة المرا عندي معاكم وعادي اش فيها؟ الهضرة غاتغززهم ولا؟
مُراد : كترتي جوانات فهاد الليل ، دخانهم بان ليا بلوكا لك داك الدماغ نتا عارف خوك من نهار نهارو ماعزيزش عليه يهضر على مرتو ولا يسمع سيرتها وسط المجمع يا بالخايب يا بالمزيان صافي ا ز••بي قلب وشقلب ونسا هاد الهضرة الصباحاتو الله عوال تق••ود معاه السوايع ولا مالك؟
ناض من تم مخليه جالس بوحدو ، فِعلا ماكايعرفش عِز من يامات كان كولونيل ولكن هضرة الحاج المرتضى على ولدو عطات النص والنص التاني هو لي عرفو منين عاشر عِز .. ماكانش شي واحد لي كايجبد سيرة مراتو فشي مجمع مع صحابو والمعارف ديالو و ماعندوش مع لي يجبد ليه سيرتها ولا يشكرها عساااك يدوي فيها بالخايب
الخلاصة كان كايعاشر بنادم وكايخلي الموضوع ديال العيالات بعييد ، هو مايدوي ليه على مراتو والا يسول فيها والطرف الثاني مفروض عليه يدير المَثَل مدام معاشرو عشرة الرجال ... كان طبعو وااضح من هاد الناحية بحال وضوح الشمس لي راها بدات كاتبزغ فالسما دابا وتهرس بالضو ديالها ضلام الليل وهي كاتعلن بداية يوم جديد
يوم ماشي كأي يوم ، العرس لي كايتسناه الحاج الرحماني من زمن الزمانين ولي كايتسناوه أمة ديال البشر لي معروضين سوا من المعارف ديال الكولونيل سوا من معارف عائلة الأنصاري لي كاين فيهم شي وحدين كانو قااطعين معاهم الهضرة من زماان على ود فيروز لي ردوها لهم فوجههم ومابغاوش يعطيوها لهم
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
