غابت ضحكتو و إكتسى صوتو نبرة جليدية بلاصة ماتخفي داك الغضب المستعر لي شااعل فيه ، زااادت برزاتو
عِز : [ شدد على هضرتو بنبرة جلييدية وهو باغي يبخ الدمممم ] شكون انا؟؟ أنا لي غانسيني لعدوو الرب دمك الورقة ديييريكت لعند عزرائيل ، ماتصدعش كرك بديك لادريسا انا جاي نردم عدو ربك فالبلاصة لي راك حاط رجليك عليها
كانت هاديك أخر هضرة تقالت قبل مايقطع رائد لابيل
• بدا كايقلب على شي ݣارو ولا شي ويل كحل يكميه مابقا ليه تم والو ، هز داك التيليفون وخبطو مع لرض حتى تبومبا على 2 خطرات جااب الله داك التيليفون غير عضم " نوكيا بيل " اما كون رجع فتات وشتات.
اما عند فيروز كان عندها تقدم ملحووظ فالبلان لي مبلانيااه ، هاد الدقائق لي دازو دارت فيهم شلاا خطوات لي كان منهم " هزات التكشيطة ولاحتها من الشريجيم الصغير ديال الدوش ، وزادت لبسات الحايك ديالها وطلات واش كاين شي حد ... بانت لها اميمة واقفة مع زبيبة لي بدورها واقفة مع الطيابة ... تسلات من تم وخرجات بخطاوي مزروبين وقلبها كايزدددح كاتتسنا غير شي وحدة تعيط ليها من وا ضهرها ... بقاو كايفصلوها على الباب الدخلانية خطوااات قلااال وقلبها كايضرب فالتسعيين مارتاحت شوية حتى قدرات تخرج بنجاح ... مشات بزرربة لجهة الكوري وهي كادعي وتطلب تكةن عتيقة تم ومن زهرها لقاتها كاتتسناها بالكروسة
عتيقة : ختي فيروزة فاين تعطّلتي؟ تا قولت ماغادجيش
فيروز : غي سكوت يرحم يماك تا نخرجو ونهاضرو تا تشباع
سدات الباب ديال الكوري وتخشات فالكروسة بزربة حيدات الحايك ديالها باش تغطي راسها من دوك الخروان ديال البهايم عنقات ذهبها وحاولات تنعس نعسة لي تقدر تتنفس فيها فاش تتخنق وهي عااارفة راسها غاتتوسخ وهادشي لي كايقززها ولكن داارتها الضرورة لي حتمات عليها بهاد الطريقة هي لؤ تكون وسيلة نجاتها
عتيقة : واش متيقة من هادشي باغا دعمال؟؟
فيروز : غي حوط عليا يرحم يماااك بالحق ماتحوطش بزاف د تقل عليا لانمشي نموت لك
تنهدات وحلات الخناشي لي عمروهم لها وبدات كاتردمها بداكشي لي فيهم بالبالة وحتى هي الخلعة لي شادااها ماقليلااش ... ماحبسات حتى حسات براسها غطاتها بشكل كافي عاد تمات جارة الكروسة لي كانت تقييلة ... خرجاتها من الكوري وهي كاتدعي وتطلب الله مايعيق بيها حد ... بدات كاتعرااق بالتوتر وهي عاارفة مزيان كيفما كان الحال فيروز راه بنتهم ومنهم وفيهم ايوا وهي؟ ولا عاقو بيها اش غايوقع؟؟
سرطات ريقها وزاادت دفعات ديك الكروسة حتى خرجات من الباب البرانية و اخييرا
ضارت لجهة اليسار باغا تتحرك وهو يوقفها صوت فاروق
فاروق : باقي ماسالاوش لفيروز؟
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
