هبطو فواحد البلاصة لي عجبااتهم وبقاو غاديين وكايقلبو على شي واحد يسولوه على شي سمسار ولا غير شي مول الحانوت ، حتى طاحت عينيها على واحد البنت كانت صغيرة راكبة فوق پيكالتها ، هازة كارطابل فضهرها من داك الشكل المربع ، تكون فعمرها ديك 11 سنين ومن الشورط والمايو ديال الكورة كانت باينة عزييزة عليها الكورة
فيروز : نسقسيو هاد العويولة؟ يمكن تكون عارفة شي بقال قريب نسقسيوه ولا هي تقول لينا لاكانت تعرف شي سمسار هنا بلا مانبقاو تانفتشو بزاف ونضيعو الوقت
نورة : نتينا تعرف [ شافت فالبنية ] امشي سقسيها
قربات لعندها غير بشوية وهي كاتتبسم لها باش ماتخافش وتهرب
فيروز : مادهروبش بغيت غي نسقسيك [ تبسمات ] ويا ختي شحال مزيونة شني اسمك؟
- اسية [ ضورات عويناتها عليها وعلى نورة لي كانت حاضية جنابها وعينيها ماشي معاهم ] خالتي نتوما ماشي بنات هنا ؟
فيروز : [ شافت فنورة ورجعات شافت فالبنت ] ومطييورة مع راسك ربي يحفض ليلك عقلك [ تبسمات لها ] اسمك غزيول فحالك ، قول ليا واش ماكادعرش شي واحيد عاندو سكنة كايكريها ولا شي بقال ولا سمسار كاين غي فهاد النواحي
أسية : واش بيتو شي دويرة هنا الخويلة؟ [ هبطات من بيكالتها وبدات جاراها معاها ] غا نديك عند العميم حميد ياك هوا رآه سمسار نتاع الحومة أو هوا نيت لي ورا لماما دار لي ساكنين فيها دابا [ بقات غادا معاهم وهما تابعينها
فيروز : الحبييبة دقلبي يانا ماش تورينا البقال فاين كاين بالحق واش يماك ماغاددخلعش عليك لاماجبراتكش؟ [ شافت فالكارطابل لي فضهرها ] وكونتي ماشا دقرا ياك؟
أسية : لاا ا خالتي انا يلاه خرجت كانخرجو مع 12 ، ها هو الحانوت لي قلت لك [ نعتات لها بيديها ]
فيروز : [ شافت فنورة ] نورة واش عندك تما شي صريف اعطيها مسكينة بقات معانا تا وصلاتنا [ شافت فيها وتبسمات ] مربية وماكادخافش [ ضحكات ] كون كونا باقيين لهيه ودجي دسقسي شي عويول يمشي يهرب ومايعاودشي يشوف موراه
جبدات نورة شي صرف وعطاتو لأسية
فيروز : اعطي اعطي للبنت كتر خليها دمشي دشري شني عجبها وتشهات
نورة : الفلوس لي عندي كولوم ربعالاف ريالات شني غانعمل؟
فيروز : [ قرنات حواجبها ] ايوا عطيها وحدة منهم شني فيها؟
نورة : [ همسات لها فودنيها ] يهديك الله ا فيروزة باقي تابعنا الكرا والمصروف نتينا عارفة خصنا وقت باش نجبرو خدمة هنا ، خصنا نقتاصدو شويش ماتخليش يدك متقوبة
شدات فيروز داك الصرف وتحدرات لعندها عطاتهم لها وباستها
فيروزة : شكرا بزاف الحبيبة دقلبي
أسية : الله اودي اخالتي مرحبا فأي وقت
تحركو من تما ومشاو للبقال لي نعتات لهم ليه ولي هو بدورو نعت لهم لواحد السمسار ومشاو لعندو
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
