حتى بغات تخرج لالة فخيتة هي وختيمة من الباب وهي تنطق أميمة وعينيها مع فيروز ولكن الهضرة كانت باغا تسمعها لختيمة
أميمة : حبيبتي خاصك تهضري مع راجلك على السوارت ديال هاد الطبقة ديريهم من تحتك ، البيت ديال النعاس كاتخليه محلول وهداك ماكايدخلش ليه من والا ، كايبقاو فيه حوايج كايخصوك نتي وراجلك
شافت فيها بإستغراب مافاهماهاش حتى بدات كاتنعت لها بعينيها جهة الباب ، بانت ليها ختيمة تقلاات فالمشية
ختيمة : [ ضارت شافت فيهم ونطقات بإبتسامة ] هانا غانصوني على راجلي ونقوليه يهضر مع لوسي على الساروت ايلا بغيتي
جاتها من الجنة والناس نيت ماغاتحتاجش تهضر معاه وطلبو .. فعلا مامرتاحاش لختيمة ولكن كاتشوفها أهون بالنسبة ليها منو ، يلاه تبسمات لها باغا تجاوبها وهي تسبقها مرت خوها
أميمة : مانعدبوكش معانا ا حبيبة ها راجلها جالس غير لتحت مع خوتها ، دابا تهبط وتهضر معاه منها ليه على الساروت ديال طبقتهم
ختيمة : [ تبسمات تبسيمة صفرا ] نتوما تعرفو ، انا غير قلت نعاون مرت لوسي وصافي مع بان ليا مامفاهمينش قلت نحيد عليها هادشي
أميمة : [ رجعات لها ضحكتها الصفرا ] بلا ماتهزي لها الهم ا حبيبة ، لاماتفاهموش دابا غدا تلقايهم مفاهمين [ غمزاتها ] بيت النعاس كايلاقي ويفاهم [ دارت رجل على رجل ودوزات يديها على ضهر فيروز ] كاتتساليني كادو ديال الصباح ديالك غير خليه حتى للمرة الجاية نكون جاية ونجيبو لك معايا
ختيمة : [ رجعات حتى هي تبسمات لها ] ايوا يصبح ويفتح ويكون خير
أميمة : ماغايكون غير الخير ا حبيبة غير تسنايه هاد الليلة غايخرج لكم مع السروال ماشي حتى يصبح الصباح
ختيمة : ايوا يكون خير يكون خير
خلاتها ومشات تابعة لالة فخيتة لي سبقاتها اما أميمة ضارت نيشان لعند فيروز
أميمة : شفتيها بنت الحرام كي كاتهضر بالدارجة صحيحة؟ وفاش تهضري معاها تقلبها لك ريفية
فيروز : بالحَق اشمن بيت دنعاس نتينا ادهضار عليه ا مرت خاي؟؟؟
مشات سدات الباب ورجعات جلسات حداها
أميمة : كانهضر على بيتك نتي وراجلك ، واش ماكاتشوفيش السيدة كي كاتتپوزا؟ الخصامة ديالك مع الكولونيل ماغاتخرجك فين هي داكشي لي باغا ، شفتيها فاش هضرت على الساروت كي مابغاتكش تهضري معاه وتشدي الساروت منو؟؟
فيروز : ا مرت خاي انا ماباغاشي نهضار معاه ، افهامني مانقدرشي نقول لو يَعطيه لي كون غي خَليتيها دهضار هي مع راجلها يقولو يَعطيه ليلي
أميمة : الساروت ديالكم هداك ونتي لي غاتمشي تطلبيه منو وتحتاجي شي حاجة نتي لي غاتمشي تطلبيها منو ، ماتخليش ديك الفجوة منين دخل لك ، واش ناوية تولي تطلبيها هي ايلا حتاجيتي شي حاجة منو؟ بأشمن صفة تطلبيها؟؟ علاش لي تخلي طاسيلتو كلها يسيقو الخبار راكي محتاجة الحاجة الفلان فلانية منو؟
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
