[ الحوار بالدارجة ]
الحاجة هنية : قولي لي ا بنتي [ حطات قطبان الكروشي من يديها ] تا فدار واليديك كانت عندك عادة تجيبي النقاشة خزنة على ماماك وخواتاتك
فيروز : مادفهمنيش غلط ا خالتي يانا ماشي جبتا بالتخبية عليكم ، يانا قولت فاش غادجي النقاشة نتينا غاتشوفها ولا كونتي باغا تا نتينا شويش دالحنة هي ماش دنقش لك
مريم : [ شافت فحناها نطقات بالريفية ] كون ماكنتش شايفة التاويل لي عند مها وخواتاتها كنت غانقول غير موالفين بهاد الروينة ، مافهمتش انا واش كاديرها لينا بلعاني؟
الحاجة هنية : [ شافت ففيروز ونطقات بالدارجة ] سمعيني ا بنيتي ، نتي ماساكناش هنا بوحدك كاينين لوايساتك وكاينة مرت لوسك ، تبغي ديري حنينة مافيها باس ا بنيتي تقوليها لي نوجدو جليستنا ونهضر مع فاضمة تجي تحني لك وليهم
شافت فختيمة وطولاات فيها الشوفة وعاودات قلبات عينيها لجهة الحاجة هنية وضحكة خفيفة مزينة وجهها
فيروز : عاندك الحق ا خالتي يانا غلَطت حِقّاش ماكونتشي عارفة وفعيواط نسَقسي ختيمة واش تا عاندكم ادعدلو جلسة بتاويلا وقواما [ تواليها وقوامها ] نسيت وسقسيتا [ سقسيتها ] غي على النيميرو دالنقاشة ، بالحق هاد المرة مانعاودشي هادشي
الحاجة هنية : ماشي مشكل ا بنتي مع ليام تعرفي وتولفي [ شافت فختيمة ] ولي توريها الله يرضي عليك البنية باقا جديدة وماعارفاش ، ماتساينيهاش تا تسولك واخا ا ختيمة؟
ختيمة : مرحبا ا يما حنو ، راها غي لقاتني قبيلا مشغولة هدا علاش نسيت مانقولش ليها هادشي
فيروز : [ شافت فمريم بإبتسامة ] يمكن كاينين شي حويجات هنا مبدلين على دارنا وماعارفاهومشي ، ماش نكون فرحانة لاقولتيهم لي ا ختي مريم وهايدا نتفاداهم وراه ربي لي شاهد عليا ماكانتش نيتي قبيحة ماكونتش ناوية نخزن عليكم النقش
مريم : نيتك عالم بيها غير ربي ايوا المهم نديرو لي علينا ونشوفو تالية هادشي ديالك
الحاجة هنية : [ شافت فالنقاشة وهضرات بالريفية ] شوفي اش بغات العروسة والله يرضي عليك حني لها حنينة خفيفة ماتعمريش ليها اليدين والرجلين
فاضمة : [ جاوباتها بالريفية ] مايكون غير خاطرك ا لالة هنية
ناضت ختيمة ومريم يطيبو اتاي بقوامو ويوجدو جليسة خفيفة على ود ديك الحنة اما نجية مشات كاتوجد لهم البلاصة لي غايحنيو فيها .. في حين فيروز جالسة مع الحاجة هنية وأسماء لي كادور دور وتشوف فديك الكدمة لي كاينة فوجه فيروز
أسماء : واش درتي شي حاجة لوجهك باش تخفاف لك ديك الضربة لي فوجهك؟
حطات يدها على حنكها وتبسمات ابتسامة باهتة
فيروز : عطاتني الطبيبة البارح بومادا انبقا نحوط منا كولّا مرة فاش نبغي ننعس
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
