အခန်း ၁၃၄၆
မုန့်ပြားကိုစားလိုက်ပါ စမ်းချောင်းဝါအစ်ကိုကြီး
ဓားနတ်ဆိုးမျိုးနွယ်ခေါင်းဆောင်လား...
ကောင်းကင်ပေါ်တွင် ဓားပျံစီးကာရပ်နေသည့်ပုံရိပ်တစ်ခုကို မြင်သည့်အခါ ပုဖန်နှင့် စမ်းချောင်းဝါမဟာပညာရှိတို့ ကြောင်အသွားသည်။ စမ်းချောင်းဝါမဟာပညာရှိ၏ပါးစပ်ထဲတွင်စားလက်စ ကြက်ခြေထောက်တစ်ချောင်းရှိသည်။ နှုတ်ခမ်းတွင် ကြက်ခြေချောင်းသုံးချောင်းထွက်နေသည်။ ၎င်းတို့ကို ဝါးလိုက်သည့်အခါ အသက်ရှင်နေသကဲ့သို့ လှုပ်ရမ်းနေသည်။
" သူရောက်လာတာ မြန်သားပဲ..."
စမ်းချောင်းဝါမဟာပညာရှိက တအံ့တဩဖြင့် ပြောလိုက်သည်။ ငရဲအကျဉ်းထောင်က လျင်မြန်စွာတုံ့ပြန်ပြီး ဓားနတ်ဆိုးမျိုးနွယ်ခေါင်းဆောင်က မြန်မြန်ရောက်ရှိလာမည်ဟု သူ မထင်ခဲ့မိပေ။ ပို၍ထိတ်လန့်စရာကောင်းသည်မှာ ဓားနတ်ဆိုးမျိုးနွယ်ခေါင်းဆောင်က ဤနေရာကိုတစ်ယောက်တည်းရောက်ရှိလာခြင်းဖြစ်သည်။
အုပ်စိုးသူမျိုးနွယ်ခေါင်းဆောင်ကတောင် ကျရှုံးခဲ့တာကို ဓားနတ်ဆိုးမျိုးနွယ်ခေါင်းဆောင်က သူတစ်ယောက်တည်းနဲ့ သူတို့ကို ဘယ်လ်ိုတားမယ်တဲ့လဲ...
ပုဖန်နှင့် စမ်းချောင်းဝါမဟာပညာရှိက အကြည့်ချင်းဖလှယ်လိုက်ကြစဉ် တစ်ယောက်၏မျက်လုံးထဲမှ အံ့ဩမှုများကို တစ်ယောက် မြင်လိုက်ရသည်။
ဝုန်း...
ကောင်းကင်မှ ဓားနတ်ဆိုးမျိုးနွယ်ခေါင်းဆောင်၏ အော်ရာမှာ ကတ္တီပါနီရောင်အရည်ကိုသောက်ပြီးနောက်တွင် ပေါက်ကွဲသွားသည်။ သူ့ခန္ဓာကိုယ်ထဲမှ သွေးများဆူပွက်လာပြီး တစ်ကိုယ်လုံးလည်း ကြီးထွားလာသည်ဟု ခံစားရသည်။ ကောင်းကင်ဖီဆန်ကံကြမ္မာဝိုင်က ထိုလူ၏ ပြောင်မြောင်သောလက်ရာတစ်ခုဖြစ်သည်။ ၎င်းက ကောင်းကင်ဘုံကိုပင် ဖီဆန်နိုင်သည့် ကံကြမ္မာတစ်ခု ယူဆောင်လာပေးပြီး သူ၏ကျင့်ကြံဆင့်ကို ကြောက်မက်ဖွယ်ရာအဆင့်တစ်ခုအထိ ရောက်သွားနိုင်သည်။
လက်ဖျောက်တီးလိုက်သည့်အခါ ဓားက အော်ဘက်မှ မဟူရာဘုရားကျောင်းကို ဖျက်ဆီးတော့မည်ကဲ့သို့ အရှိန်မြင့်မြင့်ဖြင့် ပျံလာသည်။ ပျံသန်းနေသောအရှိန်က အလွန်ပင်ကြောက်စရာကောင်းလှပြီး တဝုန်းဝုန်းအသံများထုတ်လွှတ်နေကာ ကြားရသူတိုင်၏ ဦးရေပြားများကို ထုံကျင်သွားစေသည်။
YOU ARE READING
အချက်အပြုတ် နတ်ဘုရား ( ပုဖန် ) Book 2 ( Ch 996 - ) (ခွင့်ပြုချက်ရပြီး)
Adventureအဇူး လေးမှာပြောစရာရှိပါတယ်။ ဒါလေးကတော့ လူတိုင်းသိကြမဲ့ IQ team လေးက ဘာသာပြန်ခဲ့တဲ့ အပုဒ်တွေထဲက တစ်ပုဒ်ဖြစ်ပါတယ်။Completed ဖြစ်ပြီးသားပါ။ ဒါလေးကိုကြိုက်လို့ IQ Team က အရှင်းလေးဆီကနေ တင်ပြဖို့ခွင့်သွားတောင်းလာပြီး ဒီမှာပြန်လာတင်ပေးခြင်းဖြစ်ပါတယ်။ ဒီ၀တ...
