အချက်အပြုတ် နတ်ဘုရား ( ပုဖန် ) Book 2 ( Ch 996 - ) (ခွင့်ပြုချက်ရပြီး)

1436 - 1440

အခန်း ၁၄၃၆
ခွေးဘုရင် ဘယ်မှာလဲ

သူတို့က နတ်ဘုရားစားဖိုမှူး ဘုရားကျောင်း၏ သီးခြား ဧည့်သည်မျှော်စင်ဆီသို့ ပြန်လာခဲ့သည်။ ပုဖန်က သခင်ချန်းကို ချက်ချင်း လိုက်မရှာပေ။ အဘိုးအိုကြီးက သူ့အားသတ်ဖြတ်ရန် လျှို့ဝှက်ကြံစည်ခဲ့သော်လည်း သူက အလွန်စိတ်မပူပေ။ သူ့၏ အတွေးထဲတွင် စီမံချက်များအားလုံးမှာ ပကတိစွမ်းအား၏ ရှေ့မှောက်တွင် အသုံးမဝင်လှပေ။

တခြားသော အကြောင်းပြချက်မှာ သူက ပန်းပွင့်လေးကို တွေ့ရန် မစောင့်နိုင်တော့၍ ဖြစ်သည်။

သူက သူ့၏ ဇိမ်ခံအခန်းဆီသို့ ပြန်သွားလိုက်သည်။ ပုဖန်ကို နှုတ်ဆက်ပြီးနောက် လော့စန်းနျန်က မဲမှောင်နေသော မျက်နှာဖြင့် ပြန်သွားလေသည်။ သူမက သခင်ချန်းနှင့် စာရင်းရှင်းရန် သွားပုံရပေသည်။

ပုဖန် တံခါးပိတ်လိုက်သည်။ အတွေးတစ်ခုနှင့်အတူ သူက ကောင်းကင်ဘုံ ကမ္ဘာမြေလယ်ယာမြေဆီသို့ သွားလိုက်သည်။ သူက ဘုရင်မင်းမြတ် ဖျင်ယန်၏ နေအိမ်တွင် ရှိနေစဉ်က ပန်းပွင့်လေးအား လယ်ယာမြေဆီသို့ ပို့လိုက်ခြင်းပင်။ ထိုသည်ကြောင့် သခင်ငယ်လေးက သူ့အားမရှာနိုင်ခြင်း ဖြစ်သည်။

ထိုသို့ပြုလုပ်ခဲ့စဉ်တွင် ထိုသည်မှာ မဟာလမ်းစဉ်၏ ဆန္ဒမှာ ပြင်းထန်သော အတက်အကျကို ဖြစ်စေပြီး အလွန်သိသာမည်ဖြစ်၍ ထိုသည်ကို ဖုံးကွယ်ရန်အတွက် ပေါက်ကွဲခြင်းကို အသုံးပြုရမည်ကို သိပေသည်။ သူ့အစီအစဉ်မှာ သခင်ချန်းကြောင့် ဖွင့်ဟလုနီးနီးဖြစ်သွားသော်လည်း အဆုံးတွင် ကောင်းမွန်စွာ အဆုံးသတ်သွားသည်။

လယ်ယာမြေထဲတွင် လေပြည်ညင်းလေး တိုက်ခတ်နေသည်။ လေထုမှာ အသီးနံ့များဖြင့် မွှေးပျံ့နေလေသည်။ ထိုသည်က လယ်ယာမြေထဲတွင် ရိတ်သိမ်းချိန်ဖြစ်သည်။

ပုဖန်က နူးညံ့သော မျက်ခင်းစိမ်းပေါ်တွင် ဆင်းသက်လိုက်ရာ မြက်ခင်း၊ သစ်သီးများနှင့် မြေကြီး၏ ရနံ့များဖြင့် ကြိုဆိုခြင်း ခံလိုက်ရသည်။ သူက လက်နောက်ပစ်ကာ အသက်ပြင်းပြင်း ရှုသွင်းလိုက်လေသည်။

ပန်းပွင့်လေးမှာ ခပ်ဝဝ သွင်ပြင်နှင့် မိန်းမငယ်လေးတစ်ဦးအသွင်ပြောင်းသွားပြီးဖြစ်သည်။ သူမက သစ်သာတဲလေးရှေ့မှ နျိုဟန်ဆန်း၏ သစ်သားထိုင်ခုံပေါ်တွင် ထိုင်ကာ ဝိညာဉ်သစ်သီးတစ်လုံးကို စားနေသည်။ နျိုဟန်ဆန်းက သူမဘေးတွင် ထိုင်နေကာ ဝိညာဉ်သစ်သီးအပြည့်နှင့် ခြင်းတစ်ခုကို ကိုင်ကာ ပြုံးနေလေသည်။ သူက ပုဖန်ကို မြင်သောအခါ ခြင်းကို ချလိုက်ပြီး သူ့ဆီသို့ လာရောက်ကြိုဆိုလိုက်သည်။
"ဟေး... ပိုင်ရှင်ပု ဒီကို ဘာကိစ္စရှိလို့လဲ..."