#جاموفوبيا
-لان الحلقة قصيرة ضفت الجزء هذا" تابع 6" ||
-بعنوان " عُقد "||
-كتابة : أم أمـن||
الصلاة على الابراهيمية مفتاح للأبواب المُغقلة ميسره لكل عسيّر
"إقتباس لحلقة الليلة ...ينجو المخذول غالباً ، شرط أن لا يكون من العائلة "
" أنا من تعنيّ لي الالوان ...الآن لا أرى شيئًا "
- - - - - - -
في البيضاء >>
أوه شن هالزحمة...الله يبارك ...شغل !
الزباين مترددين على المحل الي له فترة كبيره سوقه راقد !
زعما شن السبب ... ذكر الله عامة ...التسبيح ...الاستغفار
قال تعالى: «فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُمْ مِدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا» (سورة نوح من 10 - 12)
واقفه قدامه ...تناقش فيه ...وهو رغم انها بعيدة عن صنعته وحرفته ...ويا نا يا نا يا قاسم كان يعرفوك شن تخدم بس !!
تشوفله ...وهو منزل راسه ...طبعه جدي : هذي كويسة خامتها إن شاء الله
: أصلاً أنا عندي فرح بنتي معاش عليه شيء والعريس مش هنا في ليبيا ...بعثلنا المبلغ نشرو من المحل هذا ديما وحتى هما عارفينا لكن انت جديد على الشغل
ابتسم بود : جديد مازال اليوم كيف مسكت
قاعده جنبها بنتها العروش والبنت الثانيه ...وشنو مؤهلك العلمي انت
: لا مش مكمل تعليم
لوت فمها وتظاهرت انها عادية ! : عادي مش مهم الراجل رزقه تحت قدمه
حك حاجبه ...آه هي هذي والارزاق على الله
عجبها : ونعم بالله ...انت لعيت من في العرب
عبس وجهه : مش من هنا انا من منطقة ال ***
(قال هكي لان المنطقة هذي ماتسكنها غير قبيلة معينه في الشرق الليبي ...لذا هي خمنت اسرته ...بينما هو لف الموضوع !)
: اها بالجودة
: بيك اجود
: وشن جيبك للبيضاء ؟!
مكمل بجديه : الشغل ...تعرفي الخدمة في البلاد مش زي المناطق فرص العمل واجد
: عندك خوت وخوات
بلع ريقه وغمض عيونه ...تلفت عليها مبتسم بمجاملة رغم النار الي بصدره : لا معنديش خوت ...ولاخوات
خش صاحب المحل تلفتت المرأة :السلام عليكم
اهلا اهلا ابله ندى كيف حالك
