" بعض الخسّاير الله يامكبر ارباحها "

70

صحت ودخلت المطبخ تسوي لها فطور ولاهيه بالمطبخ
يحوبي نايف يبلغ من العمر سنه وشهور على ركبه متجهه لمكتب ابوه لانه كله طاولات واوراق واقلام ملونه تلفته فتح الباب بيديه وضحك من انفتح ضحكة الاطفال الحلوه دخل وحوبا بسرعه للاقلام الي بطاوله الصغيره تمسك فيها ورقى عليها ومسك القلم يلون بالورقه ويضحك وكتب على يديه ومص القلم
طلعت نجمه من المطبخ ماسكه الكوب والصحن بيدها شهقت من صراخ نجم وركضت للمكتب ووقفت عند الباب تناظرهم : ييووه نايف نسيتتته
لف لها نجم ووده يمسكها ويمسك ولدها ويذبحهم : وش قلت لكك؟؟ هالحيوان لا اشوفه
نايف ولا كأن حوله صراخ يلعب بالقلم
نجمه : نسيته طيب
نجم : احد ينسى ولده لاحول ولا قوة الا بالله لف يناظر باهم ورقه لعب فيها نايف لعب
مسكه وشاله يضمه : ليه يابوي ليه ؟
نجمه : طيب انا ؟ شدخلني يوم تهاوشني ماكانه ولدك
سفهه نجم وطلع برا الغرفه وجلس على الكنب بصاله يبوس نايف
نجمه مالت على باب الصاله تناظره : نجود واصله امس بروح لها شوي
نجم : تمام بس لاتطولون
نجمه: بقعد لليل كذا
نجم وقف  : تبين شي ؟
نجمه : ابي تستاذن لي من دوامي ماني ناقصه دوام
هز راسه ونزل نايف على الارض ومشى للمكتب يتشغل
-
واقفه بوسط المعرض تدور فيه وتناظره وتفكر وش تخطيطها وكيف بتصممه وقفت وحست بدوخه وتجاهلتها لانها كانت تدور مسكت بطنها من حست بالاستفراغ لفت تناظر بمجاهد الي يشوف المسااحات
نجود : مجاهد
لف لها وناظرها منحنيه وماسكه بطنها مشى لها بسرعه : وشفيك
نجود : كنت ادور ودخت مجاهد احس بستفرغ
لف بسرعه وركض للكيس الي راميه يوم شرا المتر واخذه وقرب لها واستفرغت وتصارخ : تحملي
جلست على الارض متقرفه ومد لها علبة مويا تشربها مسحت فمها بقطره من الماء وجهها صفّر بتعب
مجاهد : مو طبيعيه
نجود : ابي ارجع البيت بس وراي شغل
مجاهد : بكرا اجيبك
هزت راسها ووقفت تروح معه وركبو السياره
-
بالصاله
جالسه غزال وقدامها نجمهه وولدها نايف يلعب حولها
وملاك جالسه بجنب غزال وتصب لهم القهوه
دخلت نجود عليهم : سلام عليكم
وقفت نجمه وحطت ايدها على فمه : اي ميسوووووو
اندهشت نجود تناظرها : وربي اكثررر ياحيوانه ركضت لها وقبل توصلها وقفت تناظر بنايف : نيوفي انحنت تحمله
ونجمه واقفه وفاتحه يدينها : يعني احترميني اول
نجود : الحين الحب نيوف ياربي ياحلوه نجمه الله عليك جبتي مزيون
نزلت يدينها نجمه وتناظر بملاك : ذي سفهتني وربي ماقوم
جلست وضحكت نجود وانحنت تسلم عليها وتحضنها بقوه وحضنتها نجمه بشوق : وربي اشتقت لك ياربي مطوله علينا
نجود ابتعدت : اي والله طولنا هالمره نبي نخلص بسرعه وخلصنا
نجمه : وين الشهاده ؟ لازم اصور معها
ملاك : وش بتكذبين ؟
نجمه : مشكله الاسم ماعليه اشطب عليه واقول اني اخذت شهاده من الخارج
ملاك : المشكله بيصدقونك وانتي مقابله وجههم بالجامعه
نجود : لاتقولينها توظفتي بالجامعه؟
نجمه : تخيلي بس ! توظفت بشركه
نجود : حلو
نجمه : ماصدقت اخلص من هالجامععه
وقفت نجود بتعب : بروح ابدل وباخذ شور لي واجي
رقت لغرفتها تحس بثقل وقرف دخلت الغرفه وسكرت الباب نزلت ملابسها ودخلت تاخذ شور
بعد مده طلعت وانتبهت لجوالها يرسل قربت تناظره وكان مجاهد يقولها بكرا بياخذها تسلم على اهله
ارسلت له تمام ونزلت جوالها تتعطر وتلبس شي خفيف نزلت تحت لهم ناظرت فيهم طالبين عشاء وييسولفون وامها يالله تقوم ويالله تجلس من التعب والثقل جلست بجنب امها وتقرب لها الاكل وتهتم فيها
-
دانه : توني ماخلصت !
سلمان : كملي عندي مو طبيعي سنتين انتظرك ولهلحين ماخلصتي
دانه : انتظر بعد وش وراك؟
قرب سلمان السماعه لفمه : ابي ولد
فتحت عينها بصدمه وسكرت الجوال بوجهه : انت لو تدري اني برفع عليك قضيه وتبي ولد مني
ضحكت من تخيلت كيف بتكون ردة فعله
وقفت من سمعت طق الباب وتعرف انه مجاهد فتحت الباب وناظرت فيه
مجاهد : ادعوك ياختي العزيزه الي العشاء
دانه : دام فيها اكل اجيك الان مشت معه ونزلو تحت ناظرت فيهم كلهم على الطاوله ويتعشون كل واحد وزوجته جنبه واميره وعيالها
جلست وجلس بجنبها مجاهد وبدو يتعشون معهم
مساعد بعد مده : دانه يابوي
دانه : سم ؟
عماد : سلمان حدد الزواج
ناظره مساعد : لا احسن اخذها بعد وحطها باسمك وبنتك!
عماد : صدقني لو تعطيني اياها بلاش ماخذتها
دانه : وجع توجعك
مساعد : ظلمناك ياشيهانه سامحينا
شيهانه بهدوء : مسامحتك ياعمي
عماد : سبحان الله قلبتو علي بثاانيه
سفهه مساعد وناظر بدانه : حدده بعد شهر عادي ياوليدي ؟
ناظرها مجاهد : وافقي
دانه هزت راسها بنفي
مجاهد : ليش شعندك؟
دانه : ماعندي شي
مجاهد ناظر بابوه : وافق يبه والله يوفقهم يارب
ناظرت فيه دانه : شدخلك؟
عض شفته مجاهد يناظرها
-
اليوم الثاني الصباح ٩:٣٠
بالمستشفى
غزال : روحي ريحي يامي ماعليك انا بخير
نجود : لا ابي اقعد معك تغيرت ملامح وجهها من حست بتستفرغ ناظرت بامها بلعت ريقها ووقفت تدخل دورة المياه بسرعه وتستفرغ بقرف - يكرم القارى -
غسلت وجهها ومسحته ناظرت بنفسها باالمرايا وجهها مصفر رغم انها اكلت اليوم مسكت بطنها بخوف ولفت تفتح الباب ووقفت تناظر بامها واقفه عند الباب : ماحللتي ؟
هزت راسها بنفي بتوتر
غزال : امشي معي
نجود : خايفه
غزال: ليه تخافين لو تعرفين انك حامل الحين بتنهارين فرح اساليني انا يوم حملت فيك بالبدايه خايفه لكن الحين اسعد انسانه
نزلت راسها نجود بتوتر
مسكت كفها غزال ومشت معها تطلع برا الغرفه ويروحون لقسم التحاليل والولاده
بعد ماسجلت اسمها وفتحت لها ملف
جلست بالانتظار وناظرت بامها الي ماسكه ظهرها وواقفه : روحي ارتاحي
غزال : الراحه معك قربت وجلست بجنب نجود
تخيلت نجود كيف بتكون ردة فعل مجاهد لو طلعت حامل ماحست بنفسها ومبتسمه طول الوقت وقفت من سمعت اسمها ووقفت معها غزال ودخلو للغرفه
بعد كم سؤال وقفت نجود وجلست بسرير وغزال مايله بوقفتها تناظرها ومبسوطه غزال ومتاكده هي ام وتعرف
انسدحت نجود ومسحت الدكتوره الكريم وبدت تمرر السونار على بطن نجود
تناظر نجود بالجهاز ولفت من نطقت الدكتوره : مبروك في جنين
لفت تناظر بامها الي فرحت وحطت يديها على وجهها تبكي ودمعت عيون نجود تناظر بالدكتوره وضحكت بوسط دموعها من المشاعر الي داهمتها هي الان ام هي فكرت ف كل شي بحياتها ومع مجاهد بس ماجاء بالها يوم انها بتكون ام ومنه ناظرت بامها: اووه امي
هزت راسها غزال : ماني قادره اصدق اكبر فرحه لي تحمل اكبر فرحه لها
ضحكت الدكتوره : هي بنتك؟ انا توقعت خوات
ضحكت غزال : عشان كرشتي هههههههههه
ابتسمت نجود بفرحه
بالبيت العصر بعد ماصحت
جالسه بسريرها وتخطط على مفاجاءه بتسويها لمجاهد
حجزت كيكه حلوه وكتبت عليها انا بطريق انتظرني  ورسمت عليها جهاز حمل وقفت تناظر لو عندها ثوب وردي او ازرق وللاسف كلها فساتين جهزت عباتها بتطلع لسوق لفت من سكرت عباتها على امها الي دخلت وبيدها صحن فواكه : صحيتي تعالي مسويا خفايف
نجود : ابي امر السوق ماني مطوله
غزال باستغراب : ليش؟
نجود : ابي اسوي لمجاهد مفاجاءه
طلعت ومشت تركب سيارتها وناظرت بان مجاهد ناظر برساله اعتذارها اليوم ان مايمديها تمر اهله ولا قالها شي وقفت عند السوق ونزلت تختار لها فستان رفعت جوالها على رساله امها بان الكيكه وصلت وسلمان عندها اخوها
دخلت عند محل للبيبي وشرت لبس صغير للبيبي لونه بني وطلعت دخلت بمحل ثاني شرت فستان وردي ناعم وركبت سيارتها ومشت للبيت شهقت من انتبهت لسيارته
عضت شفتها تنزل ودخلت البيت ورقت بسرعه لغرفتها ناظرت بامها حاطه بالونات : اخخ امي نسيتهم وتذكرتي
مسكت البلونات تضحك لبست فستانها الوردي ولبست حلق خفيف وفتحت شعرها ونزلت تحت وطلعت للمجلس وقفت عند الباب تعدل شكلها ودخلت لهم وسمعت ضحك مجاهد لسلمان من شرح له دانه
لف مجاهد لدخولها ووقف يسلم عليها وقرب لاذنه : امس معك واليوم احلويتي
هزت راسها بالايجاب : اكيد
ابتسم لها ولفت تسلم على سلمان وحضنها سلمان مشتاق لها بس يبي يقهر مجاهد بعد
مجاهد : اذا تبي تلحق على عرسك
سلمان ابتعد عن نجود الي تضحك : فكيني منك
ضحكت وجلست قريب من مجاهد
غزال : اي شريت بيت؟
مجاهد : الحين مشغول بالمعرض بس امر البيت سهل اشوف اي عقار يشوف لي
غزال : اشتر بيت كبير لازم
مجاهد : ليه كبير وانا ونجود لوحدنا
غزال : اي صحيح
لفت غزال تسولف مع سلمان
قربت نجود لمجاهد : مجاهد ابيك بموضوع
لف يناظرها : شفيك؟
وقفت ووقف معها بدون تتكلم وطلعو برا المجلس ورقت فوق لغرفتها
مجاهد وهو يمشي خلفها : شفيك نجود !
دخلت ودخل وراها ناظرت بالبلونات ودخلت الخادمه ومدت الكيك لنجود واخذته وقربت له وهو واقف ورفعته قريب له : مبروك ياجمل ابو
نزل راسه يناظر مو مصدق ناظرت فيها بفرحه : انتي صادقه؟
نجود : اي والله ابتسم لها وحضنها بقوه ضحكت : الكيك ههههههههههه
حضنها بقوه : يالله يانجود ماني مصدق
ابتعد عنها وابتسمت له : بنصير عائله كبيره
مجاهد : ان شاءلله ياربي حط يديه على راسه يفكر يحس تلخبط كل شي عنده ناظرها : كنت بشري بيت صغير على قدنا بس لازم كبير ولازم حديقه وين يلعب ولدي ضحك يناظرها بفرحه وهي مبتسمه وطلع بسرعه ونزل يركب سيارته وحرك للعقار
-
ضحكت نجود واقفه على الدرج تناظره من طلع
ودخلت غزال من المجلس تناظرها : شفيه طار
نجود : بيلحق البيت
غزال : تعالي ارتاحي لا توقفين وغرفتك بقول لمنيف ينززلها تحت
نجود : الا غرفتي
دخل منيف وبيده اغراض : وش فيها غرفتك؟
نجود : بتصيرررر خالللللل
وقف وبيده الاغراض يناظرها : شمداك تحملين امس جايه بالشهاده
غزال : ولد ارفع علومك
منيف : والله اطلق بناخي
نجود : اذا ولد منيف
جلست وجلس قدامها منيف : لاتظلمينه
نجود : ليش الا ويحصل له بس ؟
غزال : سميه نهار
ناظرت فيها نجود : يجنن
غزال: كنت وانتي صغيره الاعبك واقول حفيدي نهار وحفيدتي غرور يحق لهم عيال نجود
منيف : وانا عيالي ؟
غزال بضحكه: مشعان ومناور  ضحكت نجود وضحك منيف عليها
منيف : والاعياذ بالله
نجود : تبشرين يامي تبشرين
-
حضنت نجمه نايف بالقوه : وربي غصب تنام
يبكي نايف وينفر منها بقوه
نجمه : غصب تنام
طلع نجم من مكتبه يسمع صراخ نايف : وجع ان شاءلله وش هالاسلوب قرب واخذه يمسكه : بسم الله عليك من الوحش وانا ابوك
نجمه : مدلع ولدك
نجم: انتي تحسين بشي وش هالاجبار
نجمه : ازعجني ابي انومه بنام
نجم : روحي نامي عندي هو
وقفت وتركتهم وقفت عند باب غرفتها من انتبهت قربت له ووقفت خلفه: من الوحش قصدك؟
لف لها نجم : انا
نجمه : من فتره اشوفك بس تسبني وتعصب علي
نجم : انا مضغوط وانتي تضغطيني
اخذت نفس تناظره : بدينا ؟
نجم : بوش بدينا نجمه انتي ليه ماتتفهميني ؟
نجمه : انت حاطني انا سبب لكل شي حولنا اي شي يصير لفيت لي وهاوشتني تراني تعبت نجم تعبت
لفت عنه ودخلت غرفتها من سنتين وهي ماتقابل امها ولا تكلمها والمكان الي تكون فيه حنان ماتجيه هي اشتاقتت لامها بس كل ماتذكرت حركة امها تنفر منها حتى ولدها ولدت وهي ماطلبت من امها ابد ولا طلبت تقرب منها
-
جالسه بصاله وتناظر بالاشي
سلمان : يمه على ذا الحال
حنان : وش تبيني اسوي ؟ نجمه ماتفهمني ولا تكلمني
صالح : انتي الله يهديك بس
حنان : اضطريت ياصالح
صالح : اضطريتي وش هذا غزال سوت الي براسها ولا سالت عنك وعن بنتك
حنان : اقول يالله بس لاتروح تظلمها المره حاولت معها وحاولت معي وللان تحاول
وقفت وتركتهم ورقت لغرفتها
-
فرحت انهار نازله من الدرج والكل يضحك على حماس مجاهد وكيف بشرهم بصراخ
انهار: ياحبيبي ياوليدي ياجعلني اشوفك تحضنه وهو بخير بكت تنزل راسها وحضنها مجاهد بفرحه
وقف عماد يناظرهم : غش يامي غش مابكيتي على بنتي اميرتي
ولد عمار : انا بكيت عليها عمي
ضحكت شيهانه تناظر برند الي تلعب
عماد : استح على وجهك والد معها وتكذب علي
اليوم الثاني الصباح
واقفه ومجاهد بعيد شوي لكنه يناظرها ويناظر كيف تخطط ومهتمه للمعرض معهم
لف من ناداه صاحب المعرض : مجاهد
مجاهد : سم
صاحب المعرض : على موعدنا ان شاءلله كل ثلاث اشهر بيكون الدفع
مجاهد : ان شاءلله
صاحب المعررض: ان شاءلله بتشوف اقبال كثير على لوحاتك انت مبدع
ابتسم له مجاهد : تسلم
صاحب المعرض: اول الشارين انا ان شاءلله
مجاهد : ما اتوقع اني ببيعها
صاحب المعرض رفع اكتافه بضحكه
-
"بعد اسبوع طويل بدون اي احداث مهمه "
يمر نص يومهم بالمعرض وصلت لوحات مجاهد واستلمها وحطها بالمعرض بغرفه صغيره الى مايخلص المعرض ويبدا يرتبهم
لف من ركض واحد من الي يتشغلون لنجود وبيده الانوار
واقفه نجود قدام مكان فاضي لكن فيه انوار متجهه لهالمكان لفت له ومشى لها : بيكون هنا لوحه يصير الاضواء كذا على الوحه
مجاهد : احس بنخسر
نجود : مستحيل! وابداً وبعدين ابعد عني دام هذا كلامك
مال براسه يضحك لها ولفت تشتغل ومعصبه منه
-
نجمه : وربي عرفت تختار منطقه
نجم : ابي اريح راسي ونرتب وضعنا من يوم جاء نايف واحنا ضايعين
نجمه : مانفع اكون ام صدقني
نجم : بالله يعني شنسوي نرجعه مثلاً
ضحكت وتكمل تتمشى باراضي بيروت
اخذت صحن بطاطس وتاكل وتمشي معه ويسولفون ومبسوطين
-
غزال : ماكلمتي نجمه
ملاك حاضنه نايف نايم : لا قالت بيطولون
غزال : اجل بقول لحنان تمرني اليوم وتشوف حفيدها من زمان ماشافته
ملاك : اكيد
وقفت غزال من سمعت صوت ابو نجم ودخلت للمجلس تسولف معه
-
"بعد مرور شهر كامل "
مبسوطه وواقفه تناظر بالمعرض كيف ثبتو اخر لوحه لفت له مبسوطه : وربي خيالللللللللللل
ضحك من قربت وحضنته بقوه : انا فخوره فيك
ابتسم لها نجود: الافتتاح بكرا بيكون رهيب ! بتذكر : جهزت الدعوات؟
مجاهد : اي جهزتهم بسياره
ابتسمت بفرحه : وربي سعيدده وانا اشوف هالوحات والرسوماتتتت اخخخ تجنن
مجاهد : في غرفه حطيتها خاصه وحطيت فيها لوحه خاصه وبعد مابيشوفها غير اهلينا
نجود باستغراب : وشهي ؟ مسك يدها ومشى معها لغرفة الخاصة
وقفت قدامها : غريب شايفه كل رسوماتك وش هذي الخاصه
فتح الباب وشهقت تناظر بالوحه الي بالقزاز وحولها اضواء
مجاهد : هذي جوهره ثمينه بالنسبه لي
نجود : لوحتي مجاهد
مجاهد : مارسمتك واخبيها كذا
نجود ضحكت تناظرها : اخخ كيف بتكون ردة فعلهم هههههههههه رسمتي حلوه بس باقي شي
ناظرها وهم قريبين للوحه
نجود : ترسمني انا وطفلي حطت كفوفها حول بطنه وقرب لها مبتسم ومسك كفوفها يبوسهم : من قال مارسمت؟ بس باقي ماخلصت
ابتسمت له وحضنته بشوق
-
"يوم الافتتاح"
من العصر من يوم اعلنو عن موعد الافتتاح والبوابه مزحومه كمية الناس مرعبه ناس كثيرين وجاء اشخاص منهم من كبار الشخصيات مستغربين من انتشار هالمعرض
كانت واقفه ومتكتفه تناظر بالناس حولينها يتفرجون لفت لمجاهد الي واقف مع شخص من كبار الشخصيات ويشرح له لوحه
عند مجاهد
الاستاذ عبدالرحمن : ماتفكر بالبيع؟
مجاهد : لاوالله
الاستاذ عبدالرحمن : واذا قلت بشريها منك بمليونين
رفع حاجبه مجاهد وناظر بالوحه باستغراب الوحه رسمتها اشياء بسيطه وجداً لف لنجود الي جت له وناظرت فيه كيف متوهق ولف لعبدالرحمن : اعتذر منك مافكر بالبيع ابد
عبدالرحمن : مبدع وكلمة مبدع قليله بحقك يامجاهد والاكيد اني بشوفك تنافس الرسامين بمعارضهم
مجاهد : نيتي مو منافسه يشهد الله لذلك ماتدخلت بالمسابقات ولا افكر بيعها
لف عبدالرحمن لنجود وانتبه مجاهد : ماعرفتك زوجتي نجود ال هايل ناظر بنجود : الاستاذ عبدالرحمن
نجود هزت راسها : تشرفت بمعرفتك
عبدالرحمن : الشرف لي واضح من الداعمين له
نجود : اي
عبدالرحمن : في مسابقه لاجمل لوحه واتمنى تبحثين عن الموضوع لف مجاهد لنجود ورفع حاجبه بمستحيل !
ابتعد عبدالرحمن وتركهم
نجود : اي وش اجمل لوحه لك؟
مجاهد : مع نفسك
نجود : انا اقولك الي حطيت الوان عشوائيه المشكله الاحبط باسمائهم ماعليه هي بندخلها
مجاهد : توكلي بس خليني اخلص من هالناس
عند الباب
نجمه : يابن الحلال شقها ولدي وش اسوي
الحارس : اعذريني