" بعض الخسّاير الله يامكبر ارباحها "

69

عضت شفتها بفرحه: بالله صدق ؟ ياربي لك الحمد
عمار : اي والله كثرو العيال ههههههه
ابتسمت : الله يكتب لنا الي في خير ويسر لنا
-
بريطانيا
الليل
طلع من غرفة الرسم يناظرها جالسه وتذاكر للميد
جلس قدامها وصب له قهوه : متورطه
نجود وهي تناظر الايباد : لا توني فهمت كثير
مجاهد : عن وش بكرا
نجود : مسافة الزاوية والخطوط واشياء كثير سخيفه
مجاهد : اي سخيفه بكرا تجيك اسئله من حيث لاتعلمين
هزت راسها بضيق وكملت مذاكره
انتبه لرسايل العيال مجاهد بانهم بيجتمعون بشقه راكان وقف : بروح مع العيال تبين شي ؟
نجود : لا سلامتك
وطلع وسكر الباب خلفه وكملت نجود تدرس
-
جلست نجمه قدام نجم يتقهوى
نجمه : انا مستغربه من شي
انتبه لها : ايش ؟
نجمه : ماتجيب لي طاري امك ولا حتى قلت بنروح نسلم عليها وابوك تزوج غزال ولا جاء طاري لها ولا انت رحت لها عسى ماشر ؟ تراها امك
سكتت يناظرها وكان واضح على وجهه انه مصدوم اخذ نفس وشرب فنجاله
نجمه : بالله فيه شي ؟
نجم : مافيه الا كل خير
نجمه : وش صاير ليكون بينكم مشاكل يعني اكيد فيه بسبب غزال بس ترا امك
نجم : هو اذا صارت على الاسباب والمشاكل ف وش نعد وش نخلي بس الموضوع غير الي مايخليني اروح لها
اخذ نفس شوي وناظرها : من قالك ماودي اروح لها؟ ودي ابيها بعد مشتاق وحيل بس اعرف لو رحت وخليتك بتستغربين وبتصير بينا مشاكل وانا ماني ناقص ابد
نجمه باستغراب عدلت جلستها : طيب ليه ماتبي تاخذني نسلم عليها
نجم : نجمه ترا التسمم الي جاك من امي هي الي سممتك عشان موضوع مالك خص فيه
لانت ملامحها بصدمه رفعت راسها بقوه تناظره : شلون منها !
نجم : اي هي تبي تنتقم لهم
نجمه : غزال انا مالي دخل فيها يعني لو بتضر تضر نجود بسم الله عليها
نجم : قلت موضوع ماتدرين عنه ولا يحتاج
رفعت حاجبها : اها موضوع ثاني قولي وش صاير بعد ليش سممتني !
نجم : تبين عشاء وقف ووقفت معه : وربي لو ماتقولي اني اجهض الطفل
انصدم يناظرها دفها بخفيف الين جلست وعصب عليها : وقسم بالله لو ماتعقلين وتثمنين كلامك اني لاندمك يانجمه تراك مب بزر ولا انا ناقص بزر سمعتي
ابعد عنها وطلع برا البيت معصب
-
وقفت نجود بالايباد وتمشي حول الغرف تراجع مرت من عند غرفة الرسم وميلت راسها تناظرها عضت شفتها تفكر نزلت الايباد عند الطاوله القريبه ودخلت غرفة الرسم تناظرها وتناظر برسومات مجاهد الي كل منها فيه رساله ورساله حلوه ميلت راسها تمسك لوحه بحار ولو احد غيرها شافها بيقول صوره مب رسم ابتعدت عن اللوحات تناظرها وتهمس بداخلها : لازززم حالاً
اخذت جوالها من جيب بنطلونها : مجاهد اذا جيت ابي اكلمك ورد بسرعه : قريب انا
ابتسمت وركضت تسوي كوبين قهوه تروقه قبل لا تعطيه الخبر
ضحك بعالي صوته وانصدمت من ضحكه : شفيك وربي صدق ياخي فكر وربي حلو
مجاهد : مجنونه تحسبيين كذا من الله اسوي ؟
نجود قربت تمسك يده : وش ناقصك بالله كل شي يمدينا نسويه ارجوك ابي اقول لكل الناس ان انا زوجة الرسام مجاهد مساعد
مجاهد : انسي صدقيني ماحب
نجود : ياخي حتى الاسم فكرت فيه
مجاهد بضحكه : وش تبين اسم ؟
نجود رفعت يدها تشرح له : جي دي GD وررربي خيالل
سكتت وهدا كانه جازت له الفكره يناظرها
ابتسمت تناظره : الله يخليك رسوماتك لازم يشوفها الكثير ويمدحونها بعد
مجاهد : بفكر
نجود : تراني بذكرك كل يوم
مجاهد هز راسه بالايجاب وشرب من قهوته
-
انصدمت حنان : نجمه وش هالكلام مو منها هي
نجمه : قالي نجم ومستحيل يكذب بس وش دخلني انا
حنان : وش قالك هو ؟
نجمه : قالي عشان موضوع غزال وقلت مالي دخل قالي موضوع يخص ومدري ايش يامي
مسحت على وجهها حنان وقفلت الجوال
تفاجاءت نجمه وابعدت الجوال : شفيكم ياخي
نزلت راسها تفكر وقفت ودخلت الغرفه وطلعت شنطة سفر وبدت ترتب اغراضهم فيها : يعني ماتبي تشوفها اخليك تشوفها غصب
دخل نجم وانصدم يناظرها : وش له شنطه هذا هم تحت
وقفت نجمه وناظرته : لامك بنروح لها ان شاءلله بكرا ولانه ويكند
نجم : على كيفك هو ؟
نجمه : امك ياخوي امك بتروح تسلم عليها وبتقولها عن حفيدها
نجم : مايحتاج ومانيي فاضي بكرا
-
مساعد مسوي عزيمه صغيره جامع فيها بناته وعياله واحفاده
بالحوش جالسين بالجلسه ويسولفون ويتضاحكون العيال على ماضيهم قدام زوجاتهم
اميره ميته ضحك : يعني قسم بالله اتذكر عمار الين تزوج وانا استر عليه قدام اريج ياني تعبت معه هههههههه
ضحكت دانهه من تذكرت موقف اريج من كشفت ان عمار يفحط وهي كانت حامل بماهر : يارب موقف التفحيط
عمار ناظر باريج : صدقيني تبت والله
ضحكو عليه وضحكت دانه تناظر بعماد : شيهانه ماقلت لك
وقف عماد بسرعه يمسكها تحت ضحكهم وضحك دانه المفرط
شيهانه : وشوووو
عطت رند جدتها ووقفت تبعد عماد : وربي تقولي
دانه بصراخ ابعدت يده: تراه يدخنننننن
ضحكو كلهم
وضحك مساعد وناظر بعماد من جلس : بس ماعليك يابنتي عطيته ضرببب خليته لسبوع مايمشي من الالم
عماد : اي ماقصرت
ابتسمت شيهانه تناظر فيهم كيف يتضاحكون على بعضهم ومبسوطين
انتبهت لرساله نجم : مساء الخير شيهانه كيف حالك وكيف رنوده بغيت اسالك اذا تقدرين بكرا ولا الي بعده نروح نمر امي نسلم عليها نجمه مزعجتني ولا قلت لها شي غير ان امي سممتها ومزعجتني تبي تروح ابي تروحين تكونين معها"
اخذت شوي وردت : بفكر اشوف اذا يمديني
-
الصباح
" بريطانيا"
وقف يسكر جاكيته ودخلت لابسه الجاكيت وجاهزه وبيدها مق وقفت قدامه ؛ بشر فكرت؟
مجاهد : ترا مو شي بسيط
نجود : ياخي نبدا انا وياك سوا ويصير شي بسيط
مجاهد : الحين وش الهدف من المعرض ؟
نجود : ابي الكل يشوف ابداعات زوجي ورسوماته ليش بالله تخبيها كذا !
مجاهد : الله عليك
-