" بعض الخسّاير الله يامكبر ارباحها "

71

مسكت نفسها لا تبكي نجمه : وربي اندمك واطردك واقتلك واموتك
رفع حاجبه لها
نجمه : ماخفت؟ دخلني يااادمي
اخذت جوالها وانتبهت لسياره الي نزلو منها غزال ومنيف وملاك قربت لهم :   دخلوني معكم
غزال : يخرش عدوك وين دعوتك؟
نجمه : اكلها نايف نصها وهذا حالف انها مزوره
ضحكت غزال : تعالي ندخلك
دخلو للمعرض
ووقفت غزال تشوف نجود تتكلم مع اشخاص وتشرح لهم والقهوجين يدورون بالمكان
ووقفت معها نجمه تناظر بالمعرض كيف كبير والناس كثيرين لفت لغزال : ماشاءلله تبارك الله
عقدت حواجبها من حست بصوت ولفت لها وكانت حنان تسلم على وحده خلفهم ولا كانت منتبه لنجمه
انتبهت غزال لنظرات نجمه وكيف اختلفت تماماً من انتبهت لامها وهمست بداخلها : الله يهديكم
تجمعت الدموع بعين نجمه تناظر بامها مشتاقه لها وحيل وكل ماحاولت تنسى تتذكر كيف انها مافكرت في حياة بنتها الي لولا لطف الله كان ماتت من التسمم وكل هذا بسبب امها اخذت نفس وابتعدت عن غزال وقربت توقف بعيد شوي عنهم عند لوحه كانت زجاج متكسر ومتناثر حول قلب
تكتفت تناظرها وتفكر
قربت لها نجود : ليه يانجمه ماتنسين؟
لفت لها نجمه : كيف بالله كيف نجود وربي عجزت كل ماشفتها انقهر زود امي كانت بتنهي حياتي عشان ايش بزوج صاحبة عمري تزوجها على حياتي اختارت صديقتها على حياتي
مالت براسها نجود : امك عارفه ان مابيجيك شي من بعد الله
رفعت حاجبها : تكفين تسكتين عني هذا اذا جيت بالها ذاك الوقت
اخذت نفس نجود : الله يلم شملكم
لفت وقربت لمجاهد وناد مجاهد شخص من الموظفين يجيب لنجود كرسي تجلس واصر عليها
منيف : ياماشاءلله يامجاهد وربي مبدع
مجاهد : تسلم
منيف : بيجتمعون الشباب الليله وبروح ان شاءلله تخاويني ؟
مجاهد : تممم يمينك
منيف : كفو بعد العشاء ان شاءلله
هز راسه مجاهد وانتبه لحضور عائلته قرب لهم ووقف قدام امه
انهار مسكت اكتافه : ياحبيبي يامجاهد وربي ايش امدح وايش اخلي
دانه : منهاره عليهه مافيه رسمه ماصورتهاز
مجاهد : كل رسوماتي حلال لك
انهار : هذي اميره جت وضحكت من قربت لهم اميره : تحشون فيني حلال لكم بالمعرض
ضحك مجاهد : شرايك؟
اميره : انا منهاره على الي عند البوابه مو مصدقه انت؟ ماشاءلله يامجاهد !
مجاهد : اي والله
-
بيت مجاهد
بعد العشاء وقف عند البوابه يسكر الباب بعد ما دخل الاثاث كامل وبعض الكراتين من التجهيزات للمطبخ
قفله بالقفل وركب مع منيف
منيف : متى بتسكنون؟
مجاهد : ليه تبي الفكه من اختك
منيف : اي ياخي حشرتني بالبيت ابي احط غرفتها لعيالي ان شاءلله
مجاهد : البيت كبيرر والغرف كثيره حطيت عينك على غرفة ام عيالي
منيف : غرفتها قدام غرفتي اعذرني عاد
مجاهد : حط اصبعك فيها بس واكسره لك اذا رضت ذاك الوقت حلال عليك
منيف رفع حاجبه : ترا بطردها الحين حقدت عليكم
ضحك مجاهد وحرك منيف للاستراحه
بالاستراحه
كانو منتشرين والضحك عالي من فهاوتهم بالطبخ
بالمطبخ بالاستراحه
واقف عمار عند القدر وحاطين البطل علبتين بدون زيت واقفين يتهاوشون حول القدر وكل واحد يعطي فكره
عماد : ياحمار الزيت الزيتت
عمار : شعرفك انت
سلمان : تشغل على النار وانت ماحطيت غير البصل ليه قفل النار سلمان
ضربه بالملعقه على يده عمار : تمد يدك على النار
صرخ سلمان من الضربه ومسك علبة البهارات ورماها على عمار وصارت حرب بينهم بالمطبخ يرمون على بعض اي شي قدامهم وقفو من انتبهو ان المبطخ انقلب قدرو وعلب وملاعق كان اي شي قدامهم يرمونه غير النعمه
سلمان : المطبخ
عماد : نظفوه انتم اول من بدا
دخل مجاهد وانصدم من الحوسه وخلفه منيف واقف عند الباب مصدوم
عمار: تعرف تطبخ؟
مجاهد : وش
عماد : كبسسه لحم
منيف : اعرف عطوني بس نظفو حوستكم
عماد اشر عليهم باصبعه : هم الي بدو
عمار : ومن رما القدر !
سلمان : يعنني اخوي وبالاخير تجحده
عماد : ماجحدته دافعت عنه بدون ما انتبه ولا ماعلي اكسر راسه الحين بناظر واضحك
اعتدل عمار يناظره
مجاهد : اطلعو اطلعو بس
صرخ منيف ينادي العامل الي يشتغل بالاستراحه يرتب
وبدا منيف يسوي الكبسه ومجاهد يساعده ويسولفون مع بعضهم
-
بالحوش بيت غزال
نجود : مدري الصدق امي دخلت الثامن الحين واحسني خايفه عليها
ملاك : ليش تخافين وانا عندها ماعليك بنتبه لها
نجود : ياعمري والله تسلمين
ابتسمت لها ملاك
وطلعت لهم من باب المطبخ غزال: ورا ماقلتو لي اجيكم وجلست بتعب على الكرسي
وقفت ملاك : بسوي شاهي وبجيب مكسرات وتركتهم
نجود : يمه احس بثقل مو طبيعي بطني
غزال : كيف الثقل توك بالبدايه
نجود : اي هذا الي مخوفني لي شهر واسبوعين تقريباً واحس بثقل مو طبيعي من يوم اكتمل لي شهر
غزال : بكرا روحي انتي ومجاهد بس ماعليك شي بسيط ان شاءلله
-
عند العيال
قفل غطا القدر منيف وناظر بمجاهد الي شغل على الماء بالنار وقرب بالسكر
منيف : قصر على النار بيفور الماء
سفهه مجاهد وقرب بسكر صارخ منيف : يفور يفور ياحمار كب السكر على كلام منيف مجاهد وفار الماء وتسكر النار
مجاهد : ما انتبهت
منيف : بالله؟ اصارخ عليك ماتسمع وش تبي اضربك تفهم
مجاهد : لاتكبر الموضوع ترا نار
منيف : اكبره طلقني يامجاهد طلقني اشق هدومي ؟ اموت تبي اموت انا يكفي مت بحبك
دخل عماد على كلامه وصدمة مجاهد يناظره
عماد : شفيه انفجر ذا
ضحك مجاهد يناظر بمنيف الي يمثل لهم
عماد : هدي يامره
منيف : ماراح ارضى ولا راح اهدا الين تجيب لي شغاله وطقم ذهب وبيت باسمي وسياره
عماد : ماجبتها لي اجيبها لك
كان مجاهد يضحك وساكت عليهم
-
الصباح
بالمستشفى
نجود : الثقل ليش كذا ؟
الدكتوره : طبيعي الثقل
نجود : انا بشهر الاول توني دخلت الثاني
الدكتوره : برضو طبيعي
نجود : كيف طبيعي ؟
الدكتوره وهي تحرك السونار : انتي حامل بتؤام ماتدرين؟
انصدمت نجود تناظرها همست : تؤام؟
الدكتوره : اي تو تعرفين
رجعت براسها ورا وحطت يدها على راسها تستوعب : تؤام
بالممر
جالس ويناظر بالرجال من حوله لف من سمع صوتها تناديه ومشى معها لبرا وقفت نجود ووقف معها : مجاهد ماني مصدقه احس ببكي خوف
مجاهد : شفيك بسم الله
نجود : انا حامل باثنين حطت باصابعها اثنين !
ابتسم مجاهد ؛ صادقه انتي؟
نجود ضربته على كتفه : اكذب يعني صدق مجاهد انصدمت من الثقل وطلعو اثنين كيف يطلعون ذولا
ضحك مجاهد وقرب يحضنها من كتفه : بتكبر عائلتي
-
سلمان: والله ماعليش حبيتي اجلته اسبوع عشان معرض مجاهد غيره لا ان شاءلله هلاسبوع
دانه : اكرهك صدقني بسوي الي براسي قريب
سلمان : مدري وش بس الله يقويك سكرت دانه الجوال بوجهه
-
بعد اسبوع
"يوم زواج سلمان & دانه"
رقت نجود الدرج ودخلت الغرفه الي موجوده فيها دانه بالقاعه كانت نجود لابسه فستان احمر وكعب احمر خياللييي
اخذت شهيق وزفير برعب : ييمه كنسللو خلاص وربي مااخذه
ضربتها نجود على فخذها : بنت سلمان بيلعنك لو سمعك
دانه : خليه يلعني اصلاً برفع عليه قضيه الليله
نجمه : وش قضيته حسبي الله اخوي ماعرف يختار
دانه : انا ماعرفت اختار كنسلو امزح وربي امزح
نجمه وقفت : وش تمزحين وربي ازفك وانتي تصيحين
دانه :  اكرهكم
نجمه : اكرهك انا بعد
بكت دانه بتوتر
وضحكت نجود ونجمه بعدها
-
نزلت نجمه من الدرج وناظرت بامها كيف محتاسه تشتغل وباقي هي ماخلصت تجهيز لنفسها
اخذت نفس نجمه وقربت لحنان : روحي تجهزي انا بشوف شغلهم
انتبهت حنان ولفت بسرعه ودها تطول بالكلام معها: يبي لهم شغله
لفت عنها نجمه ووقفت تتكلم مع وحده من الموظفات
ابتعدت حنان ورقت تتجهز
دعت بقلبها غزال لهم تشوفهم من بعيد : يارب الطف بهم
نزلت نجود من الدرج بهدوء وقربت تجلس على نفس طاولة امها : بتقومين ترقصين؟
نجود : بس بوقف اشجعهم ولا مافيني حيل لرقص
غزال : سبحان من فرق ابي ارقص واناقز بس اعرف نفسي تلقيني اولد بينهم
ضحكت نجود : امسكي ارضك وضحكت غزال
-
اميره: مجنونه انتي وش الي بدون زفه؟
دانه : كيفي ياخي مابي انزف وربي رعب كيف انزل لهم يناظروني مااااابي
انهار : دانه بلا دلع عازمه كل الناس تبين نقولهم ملغين الزفه؟
دانه : بالله عليكم الناس جايين عشان وجهي ترا جايين يبلعون
ضحكت نجمه من سمعتهم وودخلت لهم : مو طبيعيه دانه بنهاررر الليله منك
دانه : ما فيه احد فاضي غيرك يضحك
اميره : قومي البسي فستانك وامي بتضبط لك الطرحه وبعدها تصورين مع رجلك
وقفت دانه تناظرها : رجلي وش انتظري
نجمه : ماتعودتي انا اقول يخلف الله على اخوي بس
اميره : ظلمناه اعذريني
نجمه : ماعليه
دانه : هو يحصل له مثلي ؟
-
عند الرجال
ناظر عماد بسلمان الي واقف ومتحمس بالاستقبال والمفروض المعرس يجلس ويكون راكد الا سلمان واقف بالاستقبال يستقبل المعازيم
عماد من بعيد وهو يناظره : مجاهد كيف نصارحه انه بيندم
مجاهد : يندم على وش ؟ دانه!
عماد : اي تخيل انه كنسلت وتبكي
مجاهد : ياخوك لو مااخذته كان تلقاها منهاره
عماد : شدراك
مجاهد : احيان اشوفها طالعه من غرفتي والاقي البلكونه مفتوحه تراقبه الاخت
عماد صغر عيونه : انا ولد مساعد
مجاهد : سر امها يقالك ما وراك بلاوي اختي اطهر منك
عماد : وش شايفيني بالحرام
عمار قرب لهم يشوفهم من بعيد يتكلمون : عندكم اسرار وماتقولون لي هذي مشكله الكبير
مجاهد : اسرار وش وحنا نتهاوش على ماضيه
عماد : بالله يابو ماضي زين وانت تراقب نجود بالبكلونه قبل
فتح عينه مجاهد بقوه : وش اراقبها احترم نفسك
عمار : مجاهدوه ترا قد كشفناك
مجاهد : وش كشفتوني شمسوي
عماد : قد شفناك تناظر لبيتهم يوم ساكنين قدامنا وغمز بعينه كلنا لنا سوابق ابو مساعد
مجاهد : حسافه تربية ابوي
عمار : اي والله ماعرف يربيكم
عماد : خف علينا نسينا يوم نسحبك من بيت اهل اريج؟ ولا نسيت يوم ام فهد ان كان البنات يوم السوق اوصلكم؟ ضحكو مجاهد وعماد على عمار الي انهار من تذكر ماضيه المضحك