عِز : حتى دير وسيفط معاك للحسن ولا شي حد غيرو يجي يشوف حالة هدا
مُراد : غايكون مسافر فهاد الوقت من العام ، كايمشي يدوز رمضان مع الفاميلا .. غانصوني ليه ايلا مالقيتوش غانشوف شي حد خور
جبد التيليفون كايدوز النمرة ديال واحد الطبيب بَيطري أما عِز خرج من تما مخلي داك خونا مليوح موراه ومشا للطوموبيل يغسل يديه من أثار الدم.
تضرب راجل بحالك بحالو و هو مربوط كايتعتابر قِمة الضعف ومافيهش شي مُتعة .. المُتعة هي تخوي يدك من الخواتم وتخليه مطلوق عاد تشروطو
ماكاتربيش فيه غير الخوف وإنما كاتربي فيه حتى طاعة وإحترام الأقوى.
• شدو الطريق لبلاصة خرا فين كانو كايتسناوهم وفطريقهم طرݣو على واحد الريسطورا شراو منها الغدا أمپورطي عاد كملو طريقهم لنفس البلاصة لي مولفين يخرجو منها السلعة على شكل بواطات ديال الأسپيجيك غير هو جماعتهم كانت لتحت فلاكاڤ فين كاينة الخدمة ديال الصح .. لتحت كان عالم أخر ، البلاصة وااسعة و بنادم خدام كي النمل ولكن بالسكات كايتسمع غير صوت التحركات والخطاوي والضحك ديال مُصعب و 2 من ولاد عمامهم لي كان واصل حتى لعندو ، دخل عليهم لقاهم كايتغداو
[ الحوار بالريفية ]
مُصعب : زيد زيد دير يدك [ بدا كايضحك ] الطياب ولاو كايصرعووه هنا
وراه الميكة فيديه بمعنى جايب معايا
عِز : بصحتك [ حط الميكة ] راشقة ليك اش تم؟
مُصعب : [ زاد ضحك ] من ديما والايني هاد الغديوة زاادت طلعاتو لي
نطق واحد من ولاد عمامهم كايضحك
- اش طلعات لك؟ الله يهديك اش كاتݣول
خلاهم تم كايتغداو مبعد على داك الهراج ديال هضرتهم و مشا لواحد البيت كان بحال شي مكتب النص التحتاني فيه حيط قصير مبني بالطوب والفوقاني زاج كايخليه حاط العين على الخدمة.
خوا الطبلة ديال المكتب من التخربيق لي كان من فوقها و جبد خريطة حطها من فوقها كايعبر البلايص غير بعينيه بلا ستيلو ولا شي حاجة غاتخلي الأثر.
° فدار عائلة بلحاج °
جالسة ختيمة مع مريم كايوجدو السفوف و أسماء مقابلة إيناس و محمد ولاد ختها
[ الحوار بالريفية ]
ختيمة : سمعتي داكشي لي سمعت البارح فالليل ولا غير انا لي جاب ليا الله
مريم : [ قرنات حواجبها ] اش سمعتي؟
ختيمة : واحد الغوتة جات من الفوق يعلم الله اش دارت ليه عاوتاني [ شافت فأسماء ] نتي لي طلعتي شفتيها اليوم ا أسماء واش ضربها؟؟
أسماء : الله يهديك ا ختي ختيمة واش الغوتة لي خرجات غاتكون ضروري ديال الضرب ، انا ماسمعت والو البارح و مشيت شفتها و لحمها هو هداك غير كان عندها مشكل صغير بسباب الغشا ديالها وصافي جبنا ليها صفاء شافتها
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
