خوا الپلاطو من الكيسان لي فيه و قلبو على ضهرو ، مسحو ونقاه مزيااان .. جبد كارط ݣيشي من جيبو
مراد : قصتو بحال قصة واحد ولد شيخ القبيلة [ جبد ساشية ديال الغبرة من جيبو و بدا كايسطر سطر ] من نهار حنو فواحد الكلب هجم عليهم وبنادم زاد زعم وطغا عليهم
تتحدر للطبلة وحط صبعو على جنب نيفو ساد واحد التقبة والتقبة الثانية ستنشق بيها السطر لي سطرو عاد تتقاد فجلستو و بدا كايمسح مناخرو ووجهو عاد كمل هضرتو
مراد : ايلا سديتي عينيك على الصغيرة غايدوزو لك للكبيرة وداك ولد الواسعة باقي مخبي فالغار ديالو غبرر غبرة [ ستنشق النفس بالزايد ]
مُصعب : شي سطر حاار هدا
مراد : غدا عندي خرجة مع السروية لقلعة سراغنة خاصني نتواݣض لها [ عاود مسح مناخرو ] هادي 3 أيام مانعست ماشفتو
[ السروية : الفجر ]
ماجا فين يجاوبو حتى تلفت لجهة الباب ديال الطاحونة منين خرج الغوات
• وسط الطاحونة •
• غوات الولد كايصمك الودنين اما المنظر ديالو كان كايقطع قلب بنادم لي عندو القلب أما لي ماعندو قلب راه جالس فوق واحد الصندوق هاز كاسو ديال أتاي كايتنغم بيه و عينيه على داك دري المربوط لي خشاه فالبرميل ديال الما كايغلي باش يغلي معاه
تحل الباب ديال الطاحونة و تم داخل مراد وعينيه مع البرميل ، مشا جلس حدا صاحبو
مُراد : شغانديرو مع هاد البعلوك؟
عِز : خليه فيه حتى يطيب لحمو و دوزو لحباب الناس يكفنوه ويدفنوه غانفضي الشغال مع هاد ولاد القحـاب [ حط كاسو وناض ] وباقي نطيح فربو شي واحد
غاندبـ/ح دينمو من جوج جوايه على ديك التقطيعة ديال قطاطعية 1999 [ حل الباب باش يخرج ونطق ] عينك عليه
خرج من تم وهاد المرة قاصد الديبو فين كاين واحد من ولاد عمامو وخلا مراد يبقا مقابل داك دريري
مُصعب : [ شافو خارج وهو ينطق ] صافي غادي؟ غادوز للدار؟
عِز : غادي للديپو نطل عليهم فين واصلين
مُصعب : غادوز للدار فالوقت ديال السحور؟ يما حنو عيطات ليا ݣالت ايلا ماكانت خدمة مزيرة ندوزو للدار نتسحرو مجموعين
عِز : [ نطق بصوت متحجر كايناظرو بعيونو الفحمية ] الصحور هو لي غايدخل علينا طرف ديال الخبز؟
مُصعب : راك عارفو النهار اللول هدا وغاتشد فالخاطر ايلا خليناهم ومادرنا قيمة للسحور ديال النهار اللول
عِز : دوز للدار تصحر ، تسالي ورجع شد السربيس ديالك ماتخليش بلاصتك خاوية
بغا يجاوبو وهو يصوني عليه التيليفون ، حتى بغا يدير سيلونص وهو يحبس .. بقا شحال كايشوف فديك السمية حار واش يجاوبها ولا يخليها هكاك كاتصوني .. شي مرات كايشوف راسو ظالمها والكدوب على الله حرام ، كانت ليه الزوجة المثالية .. كاتحس بيه محتاج للحاجة قبل مايحل فمو ويقول لها ها شنو باغي .. نهار تحس بيه جاي عيان للدار كايلقاها موجدة ليه الما سخون يدوش بيه والما بالملحة يكمد فيهم رجليه .. الشهيوة لي يبغيها و يحل فمو عليها كاتوجدها ليه للعشا و من غير هادشي ، محتارمة عائلتو ومهلية فحناه و رادة البال حتى لولاد ختو .. بإختصار الحوايج لي بغاها وبغات عائلتو كاديرهم
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
