فيروز : اه فهامتك [ بدات كاتقاد شالها ] ماكتابشي ليه مسكين [ شافت فمريم ] ونتينا ا ختي مريم؟ تا خاي إسماعيل ايتخناق منوم؟
طوات القندورة وحطاتها حداها
مريم : لا عندو عادي ، كايلبسهم على حساب البرد ديال الليل
فيروز : [ زفرات براحة وهي كاضحك ] الحمد الله ياربي ، صافي تا قولت هاد الكاشكولات ما ايلبسوم حِتة واحيد
جبدات كاشكول وحداخر وعطاتو لمريم ، حطاتو مع داكشي لي عطاتها ليها ولولادها
° كانت صافي باغا تجمع الصيكان حتى طاحت عينيها على شي حاجة فيهم ، دارت راسها ماشافتهاش وهزات الكادو ديال الحاج المرتضى باش تعطيه ليه من بعد بيديها حتى نطقات الحاجة هنية
الحاجة هنية : و وراجلك ا بنتي؟ واش غاتعطيه شي حاجة ولا ماجبتي ليه والو؟
ختيمة : لاكنتي نسيتيه غي عطيه الكاشكول بعدا ماتكونيش تعدبتي فيه على والو غايبقا غير كايتلاوح
هزات الكاشكول لي مابغاتوش ختيمة وعطاتو لنجية بضحيكة خفيفة مزينة وجهها
فيروز : ااه ضروري ا خالتي راني جيبت ليلو واحيد غي تهنا
الحاجة هنية : هكاك الله يرضي عليك يوا طلعي لعندو وتصالحي نتي وياه عافا بنتي ماتخليهش يبات غضبان عليك
جمعات الصيكان ونطقات
فيروز : هادشي لي كونت ماش نعمَل ا خالتي
تحركات من حداهم و تمات طالعة فالدروج وفكرة كاتديها و فكرة كاتجيبها .. عارفاه مايستاهلوش من الاساس ولكن عارفة مزيان كون جابت غير للوسها وشيخها وراجل لوستها و هو ماتجيبش ليه غاتولي عاوتاني هي لي غالطة
خرجها من تفكيرها صوت أسماء من اللور
أسماء : فيروز واش غاتهضري مع خويا دابا؟
فيروز : [ أومأت براسها ] يلا جبارتو فايق انهضار معاه
أسماء : [ حطات يديها على كتافها ] كنت بغيت غير نقولك ماتتقلقيش من ختيمة راه هدا ماشي طبعها
فيروز : ماتقلقتشي منها ا ختي اسماء بالحَق كونت باغا نعرَف واش انا اديتا بشي حاجة بلا مانحس؟
" اديتا : أذيتها "
أسماء : لا لا ماشي هكاك ماعرفتش كيفاش غانقولها لك والايني المهم هي عندها مشكل و هداك المشكل هو لي مقلقها كون ماكانش داك المشكل يمكن كنتو غاتفاهمو كتر
فيروز : ماشي مشكل ا ختي أسماء الله يفرجها عليها
أسماء : ايوا مانشدكش كتر [ بتاسمات لها بتلقائية ] و شكرًا على الكادوات تا نجية مسكينة فرحات بزاف المهم سيري مانزيدش نشدك حتى لبلاتي و اجي جلسي معانا
فيروز : [ نطقات بتردد ] ختي أسماء نطلب منك طليبة؟
أسماء : مرحبا طلبي ا مرات خويا
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
