زوجة الكولونيل / COLONEL'S WIFE

PART 85

بقات غادا و باقا لدابا مابان ليها حد حتى بدات كاتسمع صوت شي رجال قراب ليها كانو كايهضرو بشي لغة مافهماتهاش عكس ديك المرا لي كانت كاتهضر باللهجة اليَمَنِيَّة .. رجعات اللور بخطاوي مزروبين و مشات فيسارها فين كان الشجر، زادت دخلات ولكن ماتعمقاتش بزااف كان جهد فين تقدر تخبع البلاكة على ماتشوف كي دير تتفاوض معاهم ايلا كانو كايفهمو العربية
ردماتها وطلقات القنفوذ يمشي فيحالاتو ماكانتش عارفة واش هادشي لي غادير فيه صحيح ولكن حريتها كانت أهم من أي حاجة هاد الساعة ... وهاد الساعة كان خاصها حوايج تدعم بيهم مصداقية هضرتها، بدات كاتوسخ فحوايجها بالتراب من اللور و القدام، وسخات معاهم حتى وجهها غببراتو وزادت وسخات سبرديلتها باش تأكد لهم بلي كانت هاربة من مسافة بعيييدة .. ناضت من تم وخدات نفس عمييق و زفراتو و عاودات العملية كتر من مرة حتى مابقاوش أنفاسها منتاظمين و فنفس الوقت كانت كاتحاول تتعصصر و تخرج دموعها، حكاات عينيها مزياان حتى حمارو لها وتتنفخو فيهم جفونها و خرجات من تما كاتجري و تلهت و تتلفت موراها بحالا شي حد تابعها .. صدرها كايطلع و يهبط بسباب طريقة التنفس ديالها لي تعلماتها من دوك نوبات الهلع لي كايجيوها مرة مرة فاش كاتبغي تضبط تنفسها وماتتخنقش غير دابا دارت العكس
خرجات من وسط داك الشجر متبعة صوت دوك الرجال لي سمعاتهم و بقات كاتجري موراهم و تلهت حتى لقات قدامها 3 ديال عوازة غاديين كايتمشاو وواحد منهم هاز صاك فوق كتافو، ضار لعندها واحد كان سامع صوت الجري موراه خلعااتها كماارتو وزاد نغز دوك 2 لي معاه على الاقل كان واحد كايبان ليه من الملامح ديالو شوية ضريف
وقفات مقابلة معاهم واحد الراس كايلوومها على التسرع لي دارت .. الخلعة شدااتها منهم وخلاتها تبكي نييت فبلاصة ماتتصنع الدموع كي كانت كادير و هادشي ساعدهاا
فيروز : [ بعيون مدمعة وصوت كايرتاجف ] يرحم يمااكم ا خااي ما عاونوني نخروج من هنا
عنقات لحمها بيديها و بدات كاتتلفت فبلاصتها بحالا شي واحد تابعها اما قلبها فالحقيقة راه ربيي لي عالم بالخلعة لي شاداه لايصدقو مااتايقينش بيها
بقاو دوك 3 كايشوفو فبعضياتهم حتى بدا تاني واحد كايهضر بالكوشية في حين واحد منهم جاوبها باللهجة اليمنية
----1 : [ الحوار باليمنية ] منين نتي؟ واش كاديري هنا؟؟
نطقات بنبرة توسل
فيروز : [ بدات كاتبكي بالصوت مقوسة حواجبها و عيونها الزبرجدية ] يرحم يمااك ا خااي راهم تابعيني مشا يقت/لوني [ شافت فداك لي كايبان ضريف ] يرحم يماااكم
---- 2 : [ الحوار باليمنية ] بانت ليا مغربية واقيلا [ شاف فيها ] شكون تابعك و اش كاديري هنا؟
كانت باغا تجاوبهم ولكن الشوفات ديال 2 منهم وخاصة الثالث لي كان كايطلعها من رجليها حتى لراسها بشي شوفات كون كانو عندهم اليدين كون عرااوها خلاوها ترجع باللور حاضنة الذات ديالها و بدات نوعا ما كاتبان لها الفكرة ماهيااش .. شافت فداك اللول و نطقات بالعربية الفصحى كاتحاول تخليهم يفهموها
فيروز : [ بصوت مرتعش مرافقينو تنخصيصاتها ] انا مَغربية [ بتوسل ] ساعدني رجاءً هناك أشخاص كانو يختطفونني ، رجاءً لا تتركني بين أيديهم [ غمضات عينيها كاتعصرهم و تبكي ] سَيَقتلونني
---- 1 : [ الحوار باليمنية ] و اش جيتي ديري هنا؟؟ كيفاش حتى وصلتي لهاد البلاصة؟؟
---- 2 : [ الحوار باليمنية ] شكون هدا لي باغي يقتلك؟؟
قوسات عينيها وحجبانها وشافت فيه لنظرة كلها ضعف و قلة حيلة
فيروز : أنا وَ صَديقتي نَمتَلكُ منظمة خيرية تقدم المساعدات لأفريقيا و تُساعد الأطفال هنا في تلقي الرعاية الصحية [ مسحات عينيها الحومر ونطقات بصوت مرتجف بالبكا ] لقد جئنا هنا فقط من أجل عمل خيري و بعدها وجدت نفسي مختطفة من قِبل أشخاص مجهولين لا أعرف من هم و ما السبب الذي جعلهم يفعلون هذا [ شهقات شهقة قطعات بيها كلامها ] انا حقا لا أريد شيئ أريد فقط أن أعود إلى دياري إلى موطني و عائلتي
تلفت كايقلب و يشوف واش كاين شي حد ونطق
---- 1 : [ الحوار باليمنية ] واش معاك شي حد؟ هادو لي كانو خاطفينك عاقلة فين كاينين؟
شافت فيه بعيون ساردين بالدموع
فيروز : ذاكرتي لا تساعدني في هذا ولكن كل ما أعلمه أنني ربما إبتعدت كثيرا عنهم
ميل راسو كايعبرها شبر بشبر .. حط يدو على حجرو وشاف فصاحبو
---- 3 : [ الحوار بالكوشية ] ماتݣولش ليا غانعاونوها؟؟ واش شفتيها ا صاحبي كي دايرا؟ پياااسة صحييحة
---- 2 : [ الحوار بالكوشية ] انا ماعرفتش علاش ماتقتش فيها [ شاف فواحد منهم ] اش بان لك نقلبوها و نديوها معانا؟ ماطالعاش ماطالعاش
مافهمات والو فديك اللغة ولكن كانت فاهمة من الشوفات ديال دوك 2 ماكانوش ناويين لها على الخير .. قررب منها داك لي كان كايبان لها قبيلا ضرييف حتى بعدوو عليها داك لي خلعاتها كمارتو فاللول
---- 1 : [ الحوار بالكوشية ] خليني نفهم البلان ديال هاد خيتي، بان ليا يا موراها شي بلان يا موراها مصيدة [ نطق باللهجة اليمنية ] باش غانعرفك ماكاتكدبيش؟
مسحات وجهها بيديها .. كاتحاول تلقا شي طريقة تقنعهم وماتخليش دوك 2 يقربو لها عل الاقل هدا كايهضر بالعقل
فيروز : إسمعني فقط لَدي عرض لكم أظن أنكم ستهتمون به [ عضات باطن حنكها كاتراجع اش غاتقول ] سأعقد معكم صفقة
بدا كايضحك
---- 2 : [ الحوار باليمنية ] هادشي ولا بالصفقات
حببس صاحبو وشاف فيها بتركيز
---- 1 : [ الحوار باليمنية ] هضري كانسمعك
فيروز : [ نطقات بدون تردد ] أستطيع أن أعطيك كيلوغرام من مخدر الكوكا/يين الأن وعندما تساعدني بالوصول إلى المدينة أستطيع أن أدلك إلى مخزن الأشخاص الذي تم إختطافي مِن قِبَلِهُم فقد رأيت بأم عيناي الكم الهائل من ذلك المخدر هناك
شافو فبعضياتهم وبقاو كايهضرو بالكوشية ب3
---- 1 : [ باليمنية ] باقي ماقادرش نتيق بيك فين هاد الكوك/ايين لي كاتهضري عليه؟ باغي دليل يوريني بلي ماكاتكدبيش و بصح كاين هاد المخزن لي كاتهضري عليه
فيروز : [ مسحات عينيها ] هل تعدني أنك ستساعدني؟
---- 1 : [ الحوار باليمنية ] برهني ليا هضرتك وغانعاونك
فيروز : حسنا إنتظرني قليلا فقط
حرك ليها راسها بمعنى تقدر تمشي و ماتعطلااتش، مشات كاتجري من تما لحهة الشجر مخلية 2 من دوك 3 متبعينها بعينيهم و كايتناقشو مع داك لي سيفطها .. كان باين من هضرتهم ماعاجبهومش الحال اما هي فهاد الاثناء جبدات ديك البلاكة و حسات براسها بحالا سمعات شي صوت ديال الكلب.
وقفات فبلاصتها مسمرة كاتتسنط و تشوف واش هادشي لي كاتسمعو كاين منو ولا ماكاينش ولكن ماعاوداتش سمعاتو
فيروز : [ حطات يدها على قلبها ] ياربي الحبيب
قربات لعند دوك 3 وعاودات سمعات صوت الكلب نبح و زااد أكد ليها بلي ماكاتتخيلش، قلبها بدا كايضرررب بالخلعة لي بدات كاتسري معاها وكاتحاول بجدها وجهودها تجري عليها ... عطاتو ديك البلاكة و بان ليها جبد واحد بونقشة حل البلاكة و دخل صبعو كايدوق فنقاوتها اما هي فهاد الاثناء بقات كاتتسنا بتوتر كاتحاول تطردو بهضرة " مايمكنش يكون وصل للهنا " " ايلا وصل للهنا هادو ب3 ماغايخليوهش يديها " " ممكن يتحركو قبل مايوصل وهادشي ايلا كان من الاساس جاي
كانو عينيها كايشوفو بعييد و يديها كانت كاتفركهم كاتساين غير هاد خونا يجاوبها ... مادازش بزاف حتى حسات بتصرفييقة هبطات عليها للحنك زعزعاتها خلاتها غير شاادة فحنكها مصدومة مافاهمااش اش واقع حتى عاود شدها من شعرها هدااك لي من الصباح و هو كايهضر بالعقل
شدها من فولارها مغزززف كايبانو فيه غير السنان و بياض العينين .. دااها و جابها بيدييه مخلط لها الفولار مع الشعر حتى رييشها ونطق
---- 1 : [ اللهجة اليمنية ] كانبان لك دري صغير؟؟ دوي؟؟؟؟؟ [ ضرب لها البلاكة مع كماارتها ] جايبة ليا الطحيين و كاتݣولي الكوكا/يين؟؟؟
قرربات طلقها فسروالها بالخلعة كيفاش ضربها؟؟؟ كيفاش الطحين؟؟ اش وقع؟؟؟ مافهمات والو
فيروز : والله ا خاي تا جيبت ليك ديكشي لي جبرتو و ربي الحبييب ماكانكدب [ غمضات عينيها وهضرات بجهد ] اييييي شعريي شعريي
ماجات فين تستوعب اش واقع حتى جمعها واحد منهم بنص خلا الغبرة تتنفض من تحتها
---- 1 : [ باللهجة العمانية ] دوييي؟؟؟؟ شكون مسيفطك لينا؟؟؟ كنتو عارفينا فين كاينين ياك؟؟؟
ماجات فين تجاوبو حتى جمعها معاها بتصرفيقة خلاتها تشوف النجووم فعزز النهار
---- 3 : [ الحوار باللهجة العمانية ] وا ݣلنااها لك ݣلت لك هاد خيتي قلللعتها من اللول وحدة من دوك خوتنا لي طلقو السينيال فالسما ديك الليلة هاد البلانات غير ديال هادو
---- 2 : [ الحوار باللهجة العمانية ] صدقااات مصييدة بنت القح/بة حاطينها فالطريق باش يعرفونا فين مخيمين حنا و دراااري
فيروز : والله ماعارفة شني كادقولو وربي الحبيب ماعاملة لكوم شي مصيدة، ماعرفتشي شنيي وقاع [ غمضات عينيها و خلات دموعها يسيلو ] يانا بيدي عاقلة غي خبيت ديكشي تحت التراب ودابا جبرتو هايداا
هز واحد من دوك 3 راسو كايشوف واش كاين شي حد و بدا كايفسخ سروالو .. كانت حركة وحدة كفييلة باش تخلي قلبها يتنفض من بلاصتو و ترجع باللور باغا تتفك منهم .. باغا غيير ترجع منين جات ولكن شكون يخليها ... بدات كاتترطاا و تتفنض من بلاصتها و تغوت لاربما يسمعها و يعتقها حتى جمعها معاها واحد بتصرفيقة سكتااات لها الحس
[ الحوار باللهجة العمانية ]
---- 3 : مصيدة مصيدة ارا نوريو لهم المصيدات كي دايريين [ شاف فيها و ضحك ] بالمصيدة ولا بلا مصيدة ماكان حد غاي..
---- 1 : جمع ك/رك و سد داك السروال هادو لي جات من عندهوم ماغايكونوش بعاد من هنا
طلق ودنيه كايتتسنط لصوع الكلب لي كان قريييب بزااف و نطق
---- 2 : واش سمعتو صوت شي كلب؟؟؟
فيروز : يرحم باباكم ما خليوني نمشي فيحالاتي [ شدات يد داك لي شاد لها شعرها و عصراات عينيها ] والله عمرني نطوف بهاد الموطع والا بيكم
ناض داك لي كان شادها من شعرها و شاف الجهة لي سمعو منها صوت الكلب و نطق
---- 1 : شي واحد جاي خلينا نتحركو من هنا
---- 3 : [ حط يدو على وجهها حتى تتنفضات ليه من يدو ] ماشي مشكل ايلا مافرݣعتكش هنا نفرݣع لك الوالدة لهيه
هضرتو عيفااتها ... خلعاااتها .. خلات قلبها يتهز و يعاود يتحط فبلاصتو ماقادرااش تتخيل شي حاجة بحال هادي طرا ... وماجات فين تهضر حتى حسات بواحد منهم كايجرها من دراعها، بدات كاتتمرررغ فالارض و تجرر دراعها من يدو ماباغاهااش يديها، قرربات ليدو و عضااتها عضة وحدة حتى طلق منها
---- 1 : [ شد يدو عندو و شاف فيها بحقد و غضب عاارِم ] بنت القح/بة على سنااان عندهااا
هربات من تما كاتزحف على يديها و رجليها حتى عاود شدها واحد منهم من رجليها و جررها .. بقات كاتحاول تضربو برجليها ثوااني قلال حتى تتسمع صوت القرطاس، قرطاسة لي ماخرجاتش فالخوا و إنما جات دييريكت فالمِعصم ديال هداك لي كان شاد لها رجلها .. حتى طلق منها بلهلا يطرييه ليه خلا غير دماياتو طبعو لها السبرديلة و رجلين السروال لي لابساه .. من الزحيف وصلات لولات كاتحبو حتى وقفات على رجليها و رجعات باللور كاتلهت بالخلعة شادة فركابيها و عينيها فالارض
هزات راسها جهتهم لقاتو هو وشكون من غيرو ... تخلطو عليها العراارم ماعرفات واش تفرح حيت جا وعتقها منهم والا تندب زهرها على المحنة لي طيحات فيها راسها ... على الفرصة لي عطاتها ليه بيديها
مشاو عينيها لداك الكلب لي بان لها نقز على واحد من دوك 3 و ننعسو فالارض ماقدرااتش نهائيا تشوف الحالة و الدمايات لي كانو فوجه داك خونا ... حرفيااا هنشروو قلبها ضرها حتى مابقات قادرة تزيد تشوف تما ... عارفة مزياان بلي ضربها و عارفة يلااه نتفها ولكن باش تشوفو هكاك ماقدرااتش كيفما ماقادراش على ديك الاحتمالية ديال يموت قدام عينيها و هي مادارت والو باش تعتقو .. قلبات وجهها للجهة الثانية لجهة صاحب دعوتها و تما كانت حالة خااصة و منظر اخرر خلا القشعريرة تسري فذاتها
• ديك الرعادة لي شداتو فيديه والحالة لي موالفة تجيه فوقما كايتعصب خوااها فيهم و مابرردش .. دمو كان كايغليي وهاد الضرب كامل ماشفاش ليه الغليل ديالو، كانو مضورينها ب3 و كانت هي من الأساس فخلوة مع 3 ديال الرجال؟؟ 3 ديال الرجال لي كانو حاطين عينيهم على السلعة ومن الفوق شافو الحُرمة ديالو وهي مامغطية ماساترة راسها، سورفيط وفولار؟؟ هاديك ماكانتش نهائياا سترة بالنسبة ليه .. نقاابها و حتى عينيها لي ترمق بيهم بنادم تغطيهم النهار اللول جراتو بيهم و شكون عرف شحال من واحد غاتجرو بيهم؟؟ رجال عائلتها بفمهم قالو ليه على مسألة الخطاب لي كانو كايجيوها وتجي دابا تبغي تهرب بسورفيط؟؟
بررد فيهم سمو على ديك اليد لي تهزات عليها و ديك اليد لي شداات فيها و ديك اليد لي ضرباتها حتى وصل غواتها للمسامع ديالو فاش كان جاي مع الكلب لي متبع ريحتها من حوايجها .. بررد فيهم الحرر و الحرور لي شعل فيه على بكاها لي وصلو ولكن هادشي ماكانش كافي.
° تراجعات اللور بلا ماتبعد عينيها من جهتو .. كانت من ديما عاارفاه واحد هماجي برباري يدو سابقاه و يمكن واحد كايلقاها غير هي ضعيفة عليه و كايبغي يحݣر عليها ولكن عممرها شافتو فهاد الحالة، عممرها شافتو بهاد الوحشية ديالو
خلللط داك لي كان فيديه تخليييطة ديال العااداو هلكوو حتى ما خلا ليه لا وجه صحيح لا صحة، الحالة لي كان فيها و كيفاش كان كايضرب فاللول و يرجع لداك التاني خلاتها تفكر 1000 مرة واش فعلا خاصها تبقا هنا و تتكمش ولا تهرب ... لمحو عينيها الدم لي كان كايسيل من الكمامر ديال هادوك ب3 غير واحد هنشر ليه الكلب وجهو والتاني والتالت هنشرهم هو نيت بيديه بواحد الهيستيرية فالضرب برردات لها الما فالركابي
اش غايدير فيها؟؟ واش حتى هي غايضربها بحال هاكا؟؟ واش هادو ناوي يقت/لهم؟؟ راه غاايقتلهم بداك الضرب .. اش خاصها ديير واش تخليه يزهق روح خرا وهي كاتتفرج؟؟ ولا زهق لها هي روحها؟؟
ديك النّوبة ديال الخلعة بدات كاترجع لها وبدا تاني نفسها كايضيق عليها .. حطات يدها على عنقها ورجعات باللور كاتحاول تتنفس وكاتتسنط لهضرة واحد منهم كايقول ليه بصوت ضعييف باللهجة اليمنية " هي لي قالت لينا خاطفينها و بغاتنا نعاونوها " " حنا ماكناش غانقربو لكم هي لي قالت لينا غاتورينا الكوك/ايين فين كاين "
بزز بااش فررزات هضرتو ولكن غيير شافتو هز عينو فيها و شاف فيها بشي شوفات عممرها عممرها شافتو شاف فيها بيهم .. كانو ديال واحد قت/ال باغي يفتك بيها .. شوفات ختارق بيهم روحها
عرفات راسها دارت إثم عظييم لي موحال واش يدوزو لها هاد النهار، بدات كاتحس بالضييق .. الخنقة تزااادت و مابقاااتش نهائيا قادرة تتنفس قلبها كايضرب بشكل عنفوانيي و الشمس من فوقها زاادت طنطناتها ... بدات كاتحاول تفك سنسلة الفوقي ديال السورفيط لي لابساه و تحلو باش تقدر تتنفس بشكل طبيعي ولكن تعكساات لها، مشاو عينيها لجهتو لقاتو مغغط دوك 2 حتى مابقاو قادرين يهزو الراس اما الثالث الكلب داار فيه خدمتو و مابغاش يبعد منو .. شوية لقاتو هز ديك الكلاطة فيديه
حساات و إحساسها ماخابش .. حساات بالبطانة غاطيح هنا و زاد عطاها اليقين بلاصة شكوكها، قلبها بقا ليه شوية و يسكت مايمكنننش تخليه يقتل شي واحد مايمكنش من الاساس شي حد يموت بسبتها هي
مدات يديها فالهوا كاتحاول تسايس و تهدنو و كاتحاول تنطق بشكل صحيح
فيروز : [ كاتتصارع مع ضيق التنفس وكاتناظرو بعيونها المتوسلة ] لا ما دعـمـ لـهاش ير حم يمـا ك الله يـر حـم لـك الـوا لـي ديـن...
قاطعها صوت القرطاسة لي ختارقات راس واحد من دوك 3 و مبااشرة تبعو صوت غوااتها و هي مغمضة عينيها ماقادرااش تيق اش كاتشوف .. سدات ودنيها و باقا مصدوومة و قبل ماتستوعب بلي قتـ/ل عاد دابا إنسان آدمي قدام عينيها تتسمع صوت قرطاسة خراا ختارقات راس التاني فيهم .. مابقااتش قادرة توقف على ركابيها خواو بيها و طاحت فالارض مزييرة على ودنيها و عينيها كايتسمع غير صوت بكاها بالصووت
فيروز : لاا باراكاا عاافاك بااراكاا [ بدات كاتبكي ] مانقدررشي نسماع
السكات و السهات كان كايتسمع فيه غير صوت غواتها و بكاها مع صوت الطيور و تيار الما لي كايجري حداهم .. مع حلات عينيها تعاتبو مع تيرا فراس التالت قدام عينيها حتى طووش الدم ديالو على حوايجها بحالا تعممد يخليها تشهد على منظر غايرافقها لمدة طوييلة .. مشهد لي غايبقا مترسخ لها فبالها

غمضات عينيها كاتبكي بحرر حررها .. اخر حاجة كانت كاتتوقعها هي 3 ديال الناس يموتو بسبابها و تحضر لموتهم ، نفسها زااد ضااق حتى مابقاش عندها الجهد لي تبقا جالسة بيه على ركابيها .. حطات يديها على الارض بحالا غاتحبو ولكن مشكلتها فالتنفس حااسة بالرية مابقاش كايوصل لها الاوكسجين .. بدات كاتشهق وتحاول تدخل النفس و عقلها فحاجة وحدة .. كيفاش غاتقدر تتعايش مع هادشي؟؟ فين غاتهرب من واحد قااااتل 3 ديال الرجال قدام عينيها و مارحمهومش واش غايرحم ضعفها هي؟؟؟ واش غاتجيه صعيبة يدير لها كي دار للاخرين؟؟
بدات كاتحس بالبروودة فأطرافها .. شوية بشوية بدات كاتظلام الدنيا فعينيها حتى فقدات الوعي ديالها من إثر الصدمة لي تعرضات ليها هاد النهار.
- فـبـلاصـة خـرا -
داخِل واحد الإسطبل قادر الإنسان يفرز فخامتو و فلوس مولاه من على بعد أمتار قبل حتى مايحط رجليه فعتبتو و باش يستكشف عالم أخر .. تحشم تسميه زريبة كان شبيه بشي معرض ديال الأحصنة ولكن كان شكلو أرقى و حسن من هادشي بأضعاف لا من ناحية الديكور و ديك الترية لي مدلية من فوق السقف لا من ناحية الخيول ... خيول أصيلة عربية ذات دم تقييل بسُلالات مختلفة ماكاتتروض غير على يد الخيّال المُتَمَرس .. كانو منظمين بشكل رهييب
كانو 2 ديال الرجال واقفين واحد كايدوز يدو على واحد الخيل أسود كايلمع .. من ضهرو لي عاطي بيه لداك لي واقف موراه كان باين فيه واحد سپورتيف و موالف بالحديد اما طولتو و تݣضيرتو كانت حدث ولا حرج .. جايين مع داك اللباس ديال الخيّالة لي لابس
طالق ودنيه مع داك لي موراه فصمت حاكم لسانو في حين الشخص الأخر مابقاش من الأساس عارف اش غايدير باقي فهاد الموضوع لي هضرو فيه مِرارًا و تِكرَارًا
رائد : مدري وش اقولك ، ماكو خبر عليها حكيت مع ابو و ام رفيقتها بس من اخر يوم شفتها مافي رقم موبايل وما في اي شي بس والله توقع وهاد شي عادي لسا مانسيت يوم حكيت مع زوجها وهددني
تفكر نهار صونا عليه عِز بدوك النوامر .. باقي عاقل على الخلعة لي ركبها فيه .. ماتكافا مع خوتها لي ديما جابداهم ليه زادتو براجلها
بقا كايتسنا داك لي قدامو يهضر ولا يقول شي حاجة حتى كسر سكاتو بهضرتو بثبات ورجولة فنبرة صوتو
" و معارفها؟ مافي شي...؟ "
رائد : سَيد راكان مع احتراماتي بس انت ماحكيت مع زوجها الرجال متعصب وا ادري شو، من حظي الزفت حكيت معو مرة , و اذا ما خانتي ذاكرتي بظن عيلتها زوجوها لواحِد قريب لهم شغلو مو قانوني في صعوبات كتير عشان كذا صعب احكي معها [ سكت لثواني ] شرايك انحت لك شي منحوتة جديدة يمكن تعجبك
بقا عاطيه بالضهر و كايدوز يدو على الخيل .. ماكايجاوبو على هضرتو حتى كايقول صافي راه غايبقا ساكت ... من طبعو كان واحد الثلاثيني مكالمي ماكايهضر غير على الحوايج لي كايأتيريوه وهاد الحوايج كانو قلااال و معدودين على رؤوس الأصابع .. نطق بصوت رجولي هادئ
" ابيك تحكي لي عنها "
رائد : ما دري وش اقولك على فيروزة، بس راح احكي لك كل لي بعرفو
جلس كايعاود لو عليها ݣاع داكشي كايعرف عليها ولي شافو منها .. كيفاش كانت زعيمة ماكانتش كاتخاف من شحال من حاجة ولكن كاتخاف من خوتها ... كيفاش كان كايشوفها مكيلخة منين كايعطيها غير ديك النسبة فالارباح وكاتفرح ولكن من بعد كايشوف ذكائها فحوايج خرين .. كيفاش كانت كاتتصنع التقزدير و فالواقع هي كاتحشم .. كيفاش كانت كاتحتارم بعض التقاليد و تقاليد ماكاتحتارمهمش
بإختصار جلس كايعاود ليه كلشي في حين الراجل الثاني كان كايسمع ليه بتأني. ... يتبع