° بدات كاترجع للوعي ديالها .. كاتحل عينيها و كاتسمع حداها شي ضوضاء لي بشوية بشوية عااد بدات كاتفرزها او بالاحرى كاتفرز فيها صوتو
كان كايهضر فاللاسلكي مع مراد لي كانت قادرة تسمع حتى صوتو
مراد : والا عليك شوية و غايشدو الطريق لعندك ݣلتي خاصك غير 2 دراري والبالة و الفاس؟
عِز : [ ببحة رجولية ] مايتعطلوش [ جبد المݣانة من جيبو ] مابقاش الوقت وهادو ماشي ديال يتلاحو فالواد
حلات عينيها مزياان وسترجعات الوعي ديالها كيفما سترجعات أخر الاحداث لي وقعو لها كانو بالنسبة ليها بحال شي كابوس من مور العصر .. بدات كاتقلب بعينيها باغا تتأكد من داكشي لي شافت واش كان بصح طرا و ماطاحت عينيها غير عليهم مليوحين بطريقة عشوائية، صدق نقلهم من العَراء لجهة الشجر كيفما هزها حتى هي و نقلها لحدا واحد الشجرة .. باقا ماقادراش تستوعب اش وقع ولي خالعها كتر ومجننها هو كيفاش مبرررد .. كانت باقا حاسة برجليها خاويين عليها ماقادراش تنوض ومع تحركات و تتسمع صوت ديال ورقة يابسة من الشجر تهرسات تحت يديها و هو يدور لعندها .. رمقها بشوفات صادمينها و يصدموها ل1000 مرة ايلا تعاود هادشي و شاف فيها بيهم
هي لي ماحطاتش يديها فيهم والدم نشف من وجهها في حين هو لي زهق رواحهم واقف بثبات وعادي عينيه عليها مازعزعهومش .. ماكانش كايبان فيهم و لو ذرة ندم بحالا ماشي هو لي عاد دابا زهق 3 ديال الرواح بلا رحمة بلا شفقة
مشاو عينيها ليديه لقات الدم بدا كاينشف فيهم .. بدات كاترجع باللور و هو كايقرب منها بخطاوي تقال حتى وصل لقبالتها .. جلس جلسة القرفصاء قدامها لايح يدو قدامو و مميل راسو شوية لواحد الجنب .. بدات كاتتراجع للور بخوف و ذعر و عينيها مركزين غير على يديه لي باقيين عامرين بالدم
مسح شنوفتو بيديه الملطخين بالدم و مد يدو قربها ليه من حوايجها .. خرجات شِبه ضحكة مُظلِمة من ثغره
عِز : كاتغدري؟! قباحيتي و طوالو يدك على حاجة غيرك
بغات تجبد راسها من يديه و هي عاايفة منو و عايفة من راسها لي تسببات فمقتل 3 ديال الناس اما هو فهاد الاثناء ناض ونطق بلا مايبعد عينو عليها
أشار لها بيديه باش تنوض في حين عينيه كان كايشوف فيهم فبلاصة خرا كايتفحص واش شافهم شي حد .. غمضات عينيها وقفات على رجليها و هي ضاغطة على قلبها المشروخ لي عاطيها الحريق و ذابـ/حها بتأنيب
عِز : اجي عاونيني
وقف قدام الراس ديال واحد من دوك 3 شدو من يديه في حين هي كانت مصدومة، مشدوهة شوية و تولي تضحك كي البوهالية ... رجعات بخطاويها اللور و هي كاتحرك راسها بالنفي
فيروز : مانقدرشيي مانقدرشيي نعملهاا
حطات يدها على وجهها ودموعها لي مابغاوش ينزلو فاش فاقت رجعو نزلو دابا .. ماغطاتهم غير بكفوف يديها
فيروز : نموت ومانعملهاشي
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
