• رجعها للبيت و مشا يقضي شغالو في حين مراد وهناء كانو فالكوزينة ديال الباخرة
هازة فيديها بانيو ديال الخضرة وغادا بيه جهة مراد لي كان واقف حدا واحد الطبلة طويلة و عريضة مفيكسية وسط الكوزينة
هناء : دراري يستاهلو الصراحة هاد الوليمة من مور هاد السفرة [ حطات البانيو وتعلقات من فوق الطبلة حتى جلسات ] غايفرحو ويعجبهم الحال بهادشي
حاط واحد القرطة ديال الخشب فوق الطبلة قدامو وشاد مقدة فيديه كايفصل بيها اللحم بطَريقة تحلف عليه شيف خدام فشي ريسطو سانك إيطوال .. نطق بصوت رجولي بلا مايبعد عينيه على اللحم لي فيديه
مراد : باقا تابعانا طريق خرا [ كايقطع و يلوح فالبانيو ] والايني هاد المرة غانمشيو ديريكت
جالسة مقابلة معاه وكاتنقي الخضرة
هناء : [ بإستفسار ] علاش فين غانمشيو؟
مراد : باقي عندنا واحد من دوك لي جاو فالباطو
حط داكشي من يديه من ورا ما سالا و داز وقف حداها كايعاونها فالخضرة مستأنف هضرتو
مراد : غانرجعو للصومال ونشدو الطريق لعند رباعتو
هناء : ااااه داكوغ ألوغ باقا تابعانا الطريق موحال واش نرجعو للمغرب فالعيد
مراد : هادشي لي بان ليا العيد غاندوزوه مجموعين
هناء : [ بتأسف ] دوماج فيغو كانت كاتتسنا دوز العيد فالمغرب تكرفصات مسكينة فهاد السفر كنت قلتها لكم، قلت لك هادشي صعيب عليها
مراد : [ نطق و هو حادر عينيه على بانيو ديال الخضرة ] باقا معمرة راسك بهاد الضومين؟
هناء : وي بيان سيغ ، ديجا قلتها لك خاصني غير الفاينانشل سوپورت - Financial support اما ليكسپيغيونس جو پونس نتا تقدر تعطيني دي كونسيي ولا لا؟
مشا لجهة البوطة كايوجد الطواوي ونطق
مراد : الكونسيي لي غانعطيك هي ماتلعبيش بزنطيطك مع عِز
هناء : [ قرنات حجبانها ] واش كايسحابلك انا كانعض اليد لي تمدات لي؟ كون ماعيطش لي الكولونيل باش نجي على ود فيغو ماكنتش غانجي [ تأفأفات ] جوسي پا علاش نتا مشكاك بحال هاكا
رجع لجهتها هز داك البانيو وحتى كان غايمشي من تم و هو يرجع ... حط البانيو حداها و حط يديه من فوق الطبلة على جنابها ب2 محاصرها فيها
مراد : [ قررب لها ونطق بصوت سمعو غير هو وياها ] ماشي بوحدي لي شاك فيك باغا شي كونسيي خرا؟ غانݣول لك نقصي اللغو مع مراتو ماتتصاحبيش معاها وديريها طريق بنية الغدر هي يقدر يدوزها لها والايني نتي غايدوز عليك كيما كان الحال كاتبقا مراتو هادي هي النصيحة لي غاتحتاجيها هاد الساعة
بعد من حداها ومشا هز الخضرة يكمل اش كايدير في حين هي مشات تكفلات بالحوت .. مازادتش هضرات معاه اما هو كان عندو عادي ايلا حتاج شي حاجة كايهضر معاها تعطيها ليه ولا بغاها دوق كايقولها ليها
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
