° عند فيروز °
كاتتمشا فالسطح ودور فيه .. عينيها غير مع الديكور لي بدلوه، لمحات واحد الجلسة داروها فبلاصة خرا كانت صغيرة يلاه كاتكفي ل2 ديال الناس ولكن زوينة و خصوصية
فيروز : [ بنظرات بإعجاب كايتفحصو الجليسة ] مزييون الديكور لي عدلتوه هنا حمّاااقني
جلسات وضورات عينيها عليه
أسماء : ختاريناه انا و يما حنو
تفكرات شي حاجة ونطقات بتردد كاتحاول ماتبانش مُتَطَفِلة
أسماء : واش واقع شي مشكل بينك وبين خويا؟
فيروز : لا لا شني عاندو ما يوقع تا نتينا [ جلسات حداها و شافت فيها بحجبان مقرونين ] علاش كاتسَقسي؟
أسماء : لا لا والو غير سولتك
بقات ساكتة من مور جوابها في حين كان فبالها سؤال ضارها فراسها من ناحيتهم و طمساتو بإعتبارو مانافع فوالو بلا ماترد البال بلي لي جالسة حداها ملاحظة علامات التساؤل لي مرسومين على وجهها إبتداءً من حواجبها المُقتَضَبين
فيروز : ادا كونتي كاتساقسيني علاش خاك كان مشبرني من يدي حدا الباب غي حِقّاش كان كايوصيني باش نسلم عليكم و نطلع هدا علاش غي سلمت على عمي طلَعت
هزهزات لوستها راسها بتفَهُّم في حين هي كانت كاتحمد الله غير منين ماخلاهاش تتعايب معاهم وخلاها على الاقل تسلم عليهم عاد تطلع .. كانت حاجة لي بسيطة وصغيرة ولكن كان ممكن تخصر لها علاقتها مع ناسها .. خرجها من سهوتها صوت أسماء لي حاولات تنتاقل للموضوع المهم
قرربات لها و نقصاات من الڤوليم رادة البال لايسمعها شي حد ونطقات بواحد الفرحة بدات كاتبري فعويناتها
أسماء : مانزيدش ندخل راسي فشي حوايج بحال هادو ولكن على الاقل نقولك هاد الخبار لي مزال مافخبار حتى واحد من غيرك و نجية
تقادات فجلستها و تنات رجل في حين الرجل الثانية خلاتها مطلوقة .. نطقات بفضول
فيروز : كانمووت يانا على الخبارات جداد [ تبسمات حماس ] قوليا قوليا
ناضت من بلاصتها كاتطل واش كاين شي واحد و غير تأكدات بلي ماكاين حد رجعات جلسات حدا فيروز ونطقات بصوت سمعوه غير ب2
أسماء : هاد الايام ان شاء الله غايجيوني الخطاب دابا منين خويا رجع لينا سالم صافي السيد لي انا معاه غايجي باش يهضر مع بابا و خوتي
حطات يديها على فمها بفررحة وعلاش لا و هي كاتحمااق على العراسات و كايعجبها كتر الرجال لي كايطلعو رجال مع البنت لي كاتكون معاهم عكس الشماتة ديال عتمان لي من اللول ماكانتش مرتاحة ليه يبقا مع صاحبتها نورة
فيروز : [ بحماااس ] ايييي ا يمااا على فرحة [ قرنات حجبانها بإستفسار ] واش متأكدة ياكي؟؟
ضحكات ضحكة خفيفة على فيروز لي بانت ليها شاركات معاها فرحتها
أسماء : متأكدة 100٪ كون ماكنتش متأكدة ماكنتش غانجبد لك الهضرة ا مرات خويا معاذ ولد الناس
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
