غمضات عينيها وعضات بااطِن حنكها .. بغات تاكل رييتها بالفقصة " كان نااعس شني باغي دابا عاوتاني "
فيروز : [ تلفتات لعندو ونطقات ] واخا هانا انفتش عليه ونجي
مشات للبيت لي قالها لها كاتقلب على هاد زين الزيت لي باغيها و كاتمتم من تحت فمها كانت عااارفاه غايطلب شي حاجة هاد العسل و الزيت مابقاتش كاتيق فيهم معاه
لقات اش بغات فواحد البلاكار و رجعات لعندو .. لقاتو ناعس على كرشو و عاطيها بالضهر
" هاا ما قالت الشوافة كونت عارفة ماش يطلب شي حاجة وحداخرا "
حطاتها ليه قدامو ونطقات بصوت مسموع دايرا راسها مافاهمة ماعارفة
فيروز : ها هي لي قولتي لي المهم هانا ماشا البارح شوفت خالتي عيانة شويش انمشي نشوفا كي بقات قبيلا جات عندي نجية وقالت لي ننزل حِقّاش خالتي بغات تهضار معايا
كان ساد عينيه بالعيا وحريق ديال الراس .. ماكانتش عندو الݣانة ديال الهضرة و ديك مني منك وتجاحيد
عِز : أجي مسدي لي معاك عاد سيري
ماكايبانش معصب يعني تقدر دير بناقص و تتهرب هي ݣاع من هاد المساج اصلا من صوتو كايبان عيان و باغي غير ينعس
فيروز : وخالتي؟
صوتو كون كانت طاايحة فيه كانت غاتقول عليه عَذااااب عميــــــق خاصةً فاش كايكون مخلط بالبحة ديال العيا والنعاس والحروشية المعتادة مع ديك الهداوة لي مهرساها شوية ديال القصوحية
عِز : عوالة تولي تقطري ليا من وقتك؟!
ميقااات فيه بعينيها و مشات بزعاف هزات ديك الزيت و نطقات فنفسها
" حُّووو فيا نستااهل يانا لي ماخروجتش فاش شوفتو باقي واقف بالحَق هانياا بغيتي غي المَسااج هانا انوريك المَساج "
خوات شوية فيديها كانت فيها رويحة خفيفة و زوينة كاتهدي النفس و الأعصاب .. بدةت كاتدفيها بين كفوف يديها و حطات صباعها على كتفو بدات كاتمسد غيير بشوية راااخية راسها و كاتملس بيديها حتى قاطعها صوتو
عِز : راني ݣلت لك مسدي ماشي دهني
من صوتو حسات براسها بدات كاتلعب ليه بأوتار العصبية ديالو ... بقات غير كاتملس ليه ضهرو بلا ماتبدل الطريقة ولا دير حتى شي مجهود و نطقات برِقّة و دلع مناقض لصوتو
فيروز : هايدا؟
جاوبها بالهدااوة ما مقصح صوتو غير ديك البحة الفِطرية لي فالنبرة ديالو الطبيعية
عِز : ورركي بصبعانك
كملات تملاسها بصبعانها ونفس الشي ماضغطات ما زعترات ونطقات بدلع كاتستفزو بيه باش يجري عليها
فيروز : واخا هاكدا؟
جاوبها ببرود و هداوة مغلفة نبرة صوتو
عِز : [ ساد عينيه ] هكاك
عقدات حواجبها " كدااااب فاين زييرت عليك؟؟ " .. جمعات عندها يديها كاتشوف فضهرو ونطقات
فيروز : علاش كاتكدب؟ يانا اصلا مازيرتش يدي
أنت تقرأ
زوجة الكولونيل / COLONEL'S WIFE
عاطفيةهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
