" 'ජ' අකුර හරි."
"ජ!"
මම කපාපු අකුර අතට අරන් හැඩ බලන පොඩ්ඩි දිහා මං බැලුවා.
"මොකද්ද කිව්වෙ?? ආයෙ කියන්න"
"ජ!"
පැත්තක කපන්න තියෙන ලේසිම අකුරක් මම පොඩ්ඩිට පේන්න ඇල්ලුවා.
" 'ම' කියන්න 'ම' "
"අ"
" 'අ_ම්_මා' ....අම්මා කියනකොට එන්නෙ....
...'ම' "
"අ"
එයා උත්සාහ කරනවා ඒත් කටින් පිටවෙන්නෑ.
"සේරම එකපාර ඕනියෑ නේද.ආයෙ කියන්නකො අනේ 'ජ' "
"ජ"
'ජ' විදියට උච්චාරණය වෙන අකුරක් හැකි වෙයිද දන්නෑ.
"ච"
"අ"
"ච.දිව මැද්ද තල්ලෙ වද්දන්න ඕනි.'ච' "
"ජ"
"ඇති එක්කො.බලෙන් ඕන නෑ.හෙමීට ඉගෙන ගමු. ම්ම්ම්??"
මම කප කපා උන්න අකුර පොඩ්ඩි ගාවින් තිබ්බාම එයා ඒකෙත් හැඩ බලන්න ගත්තා.
අපි මේ මිදුලෙ පැදුරක් එලං බිම අකුරු කපන්නෙ මඟුල් තොරණට ගහන්න.කට්ටිය තොරණ් ගැහුවට ඒවයෙ අකුරු ලියලා තියෙනවා මං දැකලා නෑ.
වෙනසක් වෙනසක්.දන්නවනෙ ඉතිං සංසක අයියගෙ වැඩ.අලුත් අලුත් දේ නොතනන ජාතිය ලොව නොනගී කියනවනෙ.ජාතියේ උන්නතියට මං මේ අකුරු කපන්නෙ.
"මේ අකුරට කියන්නෙ 'ය' කියලා."
ඔලුව වනලා තේරුනා කීවා.කටින් කියවන්න බැරි උනාට අඩුම හිතින් හෝ කියවයිනෙ.
" 'ජ' මේක 'ය' ...
ජ_ය .එකතු උනාම 'ජය' "
"ජා!!!!!!!!"
පොඩ්ඩි 'ජා' කියලා බෙරිහන් දෙන්න ගත්තම මම කම්මුලක් මිරිකුවා.
"පැහිච්ච ආච්චි! විරිත්තන්න විතරයි දන්නෙ "
"නිලමෙ මේ කොටං "
"පෝරුව හදන උන්ට දීහල්ලකො....
පුවක් මල් ගෙනාවෙ නැද්ද??"
ජාසොං දාඩිය පෙරන පපුව ඇගිල්ලකින් කසන්න ගත්තා.
"පුන්කලස් වලට දාන්න ගේන්නය කීවෙ"
YOU ARE READING
|| දෑල ||
Historical Fictionගතින් ගත සිතින් සිත එක්කල ආත්මගත ප්‍රේමණීය බැඳීමක පුරාවත 🕊️ ආරම්භය : වෙසක් මස පළමුවැනි දා (2024)
