ختيمة : باغاني نتيق بيك و الكحول جا من عندك؟؟ و شكون غايديرو من غيرك؟؟ كاينين فهاد الدار غير حنا مال هادشي عمررو وقع حتى جيتي نتي؟؟؟
فيروز : و باش انعرف انايا؟ و قولتاا و انعااود نقولالك يانا ماحوطيتشي الزاج فالكحول و بحالي بحالك باغا نعرف شكون مول الفعلة [ شافت فعينيها ] كون ماكانوشي مراط و عرفتك دابا ماين رفدتي الكحول كونت انقول نتينا 100%
ختيمة : [ ضحكات و نطقات بإستهزاء ] و منين ماشي نتي ا زينة البنات شكون؟ مريم؟ ولا اسماء؟ ولا ياكما يما حنو؟ لا لا قولي راجلي ولا راجل مريم هو لي طلع و دارها [ بعصبية ] والااايني راك واحد اللفعى و شمن لفعى
خرجات من عندها و هي طالع ليها الخز و الخزوز للراس .. اش دااها لهادشي كامل؟ ندماات منين ماخواتوش فالقادوس و لاحت القرعة من السطح على الاقل هاكا ماغايشوفها حد و هي كاترميه .. على الأقل ماغايجيش مُصعَب و تضطر تعاود ليه على الكحول لي هزاتو لها من وسط حوايجها و هي فبالها غير تكحل بيه .. ماتنكرش كاتعجبها التكحيلة لي كادير و من الاساس هادشي لي خلاها تهز الكحول بالمرود ديالو
تأفأفات بعصبية .. خرجات تلوح القرعة باش تتفادا يلقاه عندها هاد زين اللانسبيكتور و يلبق فيها التهمة ديال الفعلة ايلا لقاه عندها حتى صدقات كانت على بوونت مايلصقوها فيها
_____ عندو _____
كان واقف قدام الشرجم كايتكيف و يخلي الدخان يخرج لبرّا و عاطي بالضهر لحنّاه لي كانت جالسة و كاتتنسا معاه الحاج المرتضى يجي و ما هي إلّا لحظات حتى تحلّات الباب و تم داخل الحاج
الحاجة هنية : ها بّاك جا ا وليدي قولينا شكاين من البارح ماكان عاجبني حالك
سد الحاج الباب و فوق واحد الكرسي من وجهو بااين عليه مااشي هو هداااك .. مسح وجهو بيديه و سكت كيفما كانو حتى هما ساكتين ، الحاجة بقات غير كاتشوف فيهم و فالسكات لي ضاير بيهم و علاش باقي عاطيهم بالضهر .. اش واقع؟ حتى بغات تهرس داك السكات و هو يتهرس من جِهة خرا بصوت مولاه كان مبرررد و مهدن
" باش وصلاتك "
شافت فيه و عاودات شافت فولدها
الحاجة هنية : [ قرنات حجبانها الشايبين ] علاياش ا وليدي كاتهضر شوصلنا
مسح وجهو بيديه و شاف فيها و هو مارااضيش على هاد الوضعية نطق بصوت
الحاج المُرتضى : [ نطق بصوت وَقور ] واش الحاجة بحال هادشي كايدّار؟ باش ضرّاتك البنت تا توصلي معاها لدوك المّاصل؟ العينين؟؟
الحاجة هنية : [ شافت فولدها و قطبات جبهتها المكمشة ] العينين؟ اشمن بنت ا ولدي الله يهديك و اشمن عينين كاتهضرو عليهم [ شافت فضهر عِز و زاادت كمشات جبهتها ] ياكما كاتهضرو على الكحول
سف اخر سفة ولاح الݣارو من الشرجم .. بقا سـاااكت شحال ومزيير على واحد البلاستيكة فالشرجم بوااحد الجهد حتى بياضو يديه و مشا منهم الدم
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
