حقق فالتصويرة مزياان و زاد طلع عينيه للميساج و فالأخير ستقرو الشوفات ديالو فالنمرة ... ماهضرش ولكن يديه لي زيرااات على التيليفون كانت كفيلة باش تخلي بوبكر يقرب لجهتو و ينطق
بوبكر : [ شاف فخوه ] شكون مولاها؟ [ هبط عينيه للتيليفون و حرك راسو و هو ناااوي على خزيت ] علامن كادويو؟
كان الدم كايغلي فعروقو و من الفك ديالو لي تصلــب كان بااين فيه كــاااز على سنانو بعنف ماراحمهومش اما صدرو لي بدا كايطلع بتقــالة و يهبط بتقالة غير هداك يعطي الخبار على داك القلب لي بلاصة مايكون مدفون وسط القفص الصدري رجع بحالا مدفون فحفرة فجهنم ... شافو بوبكر كاينهج و قبل مايهضر معاه سمع صوت التيليفون تحط بجـــهد من فوق الطبلة و من تم خرج من الدار
الحاج الرحماني : [ شاف فطارق و نطق بصرامة ] نوض تبع خوك لايمشي يهجم عليهم فالدار [ شدد على صرامتو ] نــوض
فهاد الاثناء كان الحاج قاسم هز التيليفون كايتأكد من المَفاد ديال الميساج قبل مايعاود يحطو و هو باقي محافظ على الهدوء ديالو و وقارو
الحاج قاسم : ماغايمشيش لعندو ، خليه يخرج حتى يبرد و غايرجع
كان كايبان الحاج مبررد ولي يشوفو غايسحابلو غير الخبار كان فراسو ولكن فالحقيقة ماكانش فراسو ... الحاجة الوحيدة لي فراسو فهاد الساعة [ الحاج الكبير غايولي بابلو إسكوبار ديال المغرب من مور هاد المشكل لي وقع وولادو غايخرجو على طوعهم ولا ماكانش شي واحد فيهم مبرد و مهدن باش يحافض على السيطرة ديال الأوضاع ، هادشي غايكبر و غايدخلو فيه حتى الاولاد الثانيين ديال الحاج الرحماني مدام الحاج الكبير خسر ليه الخاطر و فالاخير غاتزيد تكبر حتى تسالي بالد/م لي غايسيل بين العائلتين ]
كانت المُعادلة بسيطة ... هاد الراجل لي باغي فيروز خاصو ببساطة مايتعداش عليها باش مايقلقش جدها لي مقطرة ليه من العين حيت ايلا مشا حتى تقلق بكل بساطة حفادو وولادو كاملين غاينوضو القيامة على ودو
مكانة الجد كانت فوق الراس ديال الخُلفاء ديالو و مكانة حفيدتو الرعدة فقلب داك الجد لي فوق راسهم
مُعادلة كان حافضها الحاج قاسم عن ظَهر قلب و رجعات ليه للذاكرة و هو كايشوف ولدو بوبكر كايشوف فالفيرمة لي عارف غلاوتها عند جدو كيفاش كاتتحرق ... إيلا غير الكشاكش هما لي بقاو ماخرجوش لولدو بوبكر
العروقة تطراساو ليه فعنقو بالاعصاب على ديك الفيرمة لي ماكانتش أي فيرمة عادية
بوبكر : راجل بنتك جهـــل لربو؟؟؟؟ فييييرمة؟؟؟ حرق الفيرمة؟؟؟؟ [ زااد غووت ] على هادشي رجع تكمش فالحسيمة؟؟؟
الحاج الرحماني : [ نطق بصراامة فارض هيبتو ] حط داك التيليفون [ نعت ليه فوق السداري ] شد لرض ݣدامي ، الدبيـ/ـحة؟ ݣدك ݣد الدبـ/ـيحة نتا؟ غا ياجي و دبـ/ـح و دوز
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
