ماجاوباتهاش بحالا كانت كاتحاول تفهم اش كاين و العافية لي شاعلة فيها كاتݣدي فقلبها ما رداتش البال لمريم لي حتى هي جات و بدات كاتسنط لهضرة ختيمة و هي كاتعاود لها .. تصدمااات صدمة ماعندها لا حد والا قد كانت الخبار بحال شي صاعقة صعقات فيهم .. الجو فالدار تكهرب
مريم : النهار اللول قلت لكم راه ماتصلاحش ا يما حنو و حد ماداها فيا ، واش حنا الفلوس كايطيحو عندنا كي الشتا؟؟
بقات غير كاتشوف و تبلق فعينيها باقا مامستوعباش الفلوس لي ضاعو فيهم تخلط عليها كلشي ها الصدمة ها الفقصة و الاعصاب
ختيمة : وييييل الشيطان على 180 مليون لي مشات ، الله ياا ربي الله 180 مليون مايجمعها غير الفم
مريم : [ شافت فحناها ] وا هااا الخطية الجامدة لي جاب لينا خويا فين خرجات
ختيمة : و دابا شنو غايدير معاها؟ يعلم الله حريرتها فين تاليتها هادي هي لي غاتجيب لها طلاقها حتى للدار
مريم : وعلاش باقا عندها شي رجعة لهاد الدار؟ ا ربي قلبي و على الخطية لي نزلات علينا وا معدروو معدرووو مايجيو عمامي
ختيمة : غير الله يخرج هادشي على خير و خلاص [ ناضت من بلاصتها ] نوض انا نمشي نشوف داك اللحم فين وصل [ شافت فالحاجة هنية ] يما حنو ياكما نجيب لك شي حاجة؟
نطقات بصوت باين فيه حتى هي مااشي فبرجها
الحاجة هنية : والو ا بنتي الله يرضي عليك ، ماخاصني والو خاصاني غا الهنا و راحة البال
هزات عينيها للسقف و تنهداات تنهيدة هازة فيها هم عائلة على قدها حاسّة بحالا بقاو على عنقها من مور ما مات راجلها و خلاهم صحاح فصاح واقفين على رجليهم كايتجمعو وقت الحزة ووقت الفرحة و ها الحزة جات .. الحزة لي خلات قلبها يهز عم ولادها و حفايدها وولاد حفايدها كان قلبها مزير و ماقادة ݣاع على شي جنازة يمشي فيها واحد من ولادها لي كانت كاتشوفهم بحال صبعانها ب10 ماتقدرش على الكية ديال شي واحد فيهم
ناضت من حدا حفايداتها و ختيمة و مشات لبيتها اما هما رجعو قصدو الكوزينة
ختيمة : والله مابغات تتسرط ليا ديك ل180 مليون [ حلات الفرّان خشات فيه الخبز ] الله يا ربي و على 180 مليون
مريم : وا ماتفكرينيش ا ختيمة الله يرحم الواليدين كاتشدني السخفة عليها [ شافت فأسماء ] شفتي شنو خرج من تحت راس ديك اللفعى الݣرطيطة لي تضلي مجمعة معاها؟ طلية كحلة و تطلينا بيها [ مدات لختيمة المطرح ] شدي ها المطرح طرحي بيه الخبز
خرجها هاد المشكل لي وقع من التفكير فالمشكل لي عندها ولكن الرنة الباهتة بقات متشبثة بحِبالها الصَّوتية
أسماء : ياك ماشي بزاف باش كانو معروضين عندنا؟ مابقيت فاهمة والو فهادشي
مريم : ايوا داكشي لي كان ها هو بان لينا السيدة ، عييتي ضلي مجمعة نتي وياها كاتتحتتو نهار بغات تمشي ماخسرات عليك تا الله يعاون [ وقفات قدام باب الكوزينة ] سماعيل و عِز جاو قبيلا يعلم الله خويا شنو كايقول فهادشي
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
