عقدات حجبانها مسطراهم فسطر واحد و نطقات
فيروز : دابا علاش كاتزبل فيا؟ شني زعما بةغي دقول عمرني حطيت جبهتي فلرض فاش كونت فالحسيمة؟ [ سكتات لثواني و فضلات تسد هاد الموضوع و تسالي الهضرة معاه ] المهم هانا ماشا نهضار مع بّا سيدي و باش ما كان ا نرود عليك
تحرك من البلاصة لي كان واقف فيها و تم غادي جهة الطوموبيل
عِز : تسالي صوني يلا ماجاوبتكش غانعاود نعيط لك فالليل
تحركات من بلاصتها حتى هي باش تخرج
فيروز : واخا إن شاء الله
قطع معاها و حل الكوفر ديال الطوموبيل و هو يبان ليه واحد السلك الرولو ديال سلك الضو عرييض
× فـي الـكـويـت °
كانت نورة كالعادة كادير خدمتها بحال ديما ولكن هاد المرة عينيها كانو على البنت المغربية لي كانت ردّات لها البال عيانة هاد المرة و كتر من القياااس ، تمّات غادا لعندها حتى وصلات لعندها
نورة : [ حطات يدها على كتفها ] كاتباني مريطة بزاف ، ماشوفتيشي الطبيب؟
- راكي عارفة ا ختي نورة لي كاين مانحتاجش نقوليك
نورة : و قوليا بعدا غي واش ديك الحساسية نقصات شوية ولا باقا؟
- [ تبسمات لها بزز من تحت الكمامة ] شوية شوية راني بديت كانحس براسي كانصح و نولي حسن من اللول
مابانش ليها فهضرتها و ماعرفاتش علاش البنت كاتكدب واش حيت ماكاتيقش فيها ولا ماكاتبغيش تعاود للبراني؟ .. من واحد الناحية حسّات بالتعاطف من جِهتها
نورة : شوف انا موالفة نتغدا انا و اية و فاتي ادا بغيتي تقدر تجي تتغدا معانا عدلت شهيوة مزيونة و فيها شويش دڤّيتامينات ايعطيوك جهد لي توقاف بيه و منّا نيت نتوانسو [ تبسمات لها ] نتينا راك بنت بلادي و حنا العربيات هنا كي بحال الخواتات
- لهلا يخطيك والله ماكدبتي [ تنهدات ] انا نيت هنا حاسة براسي مقطوعة من الشجرة
نورة : ايوا صافي ها حنا معاك دابا و... [ قاطعها صوت الغوات موراها ]
ضارت تشوف اش واقع حتى بانت لها فاتي جالسة على ركابيها فالارض حدا شي حد فاقد الوعي .. خلات البنت و مشات بزربة تشوف شكون طايح ، مالقاتها غير أية لي سخفات ماعرفات ݣااع بااش تبلااات
نورة : [ بقلق شديـد ] اواعدي مااالها؟؟
تحدرات و جلسات على ركابيها حيدات لها الكمامة بانت لها واالو السيدة لا حس لا نفس .. الدم مابقاش فوجهها ݣاع
فاتي : [ حسات بالتلفة ضرباتها و الخلعة شداتها على صاحبتها ] ماعرفتش درك كانت صحة سلام ، سقسيتها الصباح على روحها قالت لي سي بون نقدرو نروحو للوزين ميم پا كان يبان عليها المرض
أنت تقرأ
زوجة الكولونيل / COLONEL'S WIFE
عاطفيةهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
