حط الݣارو فوق الطوموبيل و ميل راسو ، شاف فيه بشوفات لي كان سعد كايعرفهم مزيااان ... زاد حتى هو ميـل راسو و بادلو نفس الشوفات غير شوفاتو هو كان بااين فيهم الغدر .. مع بغا يزرب عليه ويخشي راس فاروق تحت باطو لايزرب عليه و يحكمو كي موالف كايدير لو حتى لقاه سبقووو و شنق عليه بدراعو
فاروق : كبرتي و ربيتي الريش وليتي حتى نتا ماكاتتواضرش ݣالك
زااد زيير بدراعو على عنق خوه و طل عليه لقا وجهو بدا كايحماار بالشنقة لي شانق عليه .. زاد ضحك و نطق فالوقت لي كان باغي يتفك من يدين خوه
سَعد : الريش غير نتا لي كاتربيه خوك ديب
هز المرفق ديالو حتى هزو و ضربو بالكو لكرشو زواه حتى رخف عليه دراعو .. مع فلت من يدو و هو يتقلب عليه ضار لعندو باغي يهزو و يردخو مع الأرض على ديك الشنقة و مع هزو من لرض ما جا فين يردخو حتى كان فاروق هزو من ضهرو و شقلبو حتى جا مزدووح مع الأرض
طل عليه لقاه فالأرض بان ليه مجبــد و شاااد فضهرو بديك الزدحة لي زدحو
فاروق : بــاقي دويـب باغي تكبــر راسك صحّة ولّا
كان حاط يد على ضهرو و يد ساد بيها عينيه و باين فيه كلااااها نيييت فضهرو ... مد لو فاروق يدو باش يعاونو ينوض و على مَعالِم وجهو واحد الخط خفيف ديال ضحكة رجولية مابايناش ... شد فيه سعد باش ينوض و مع تݣعد و هو يهز خوه من كرشو و شقلبو حتى جا مردووخ رجع لو صرفو كيما كانو موالفين يديرو فالصغر و حتى قبل مايخوي المغرب
كانت المصاارعة الحُرّة كاتنوض بيناتهم و فاللخر كاتسالي بيهم ب2 شادين لرض
سَعد : [ ضحك ضحكة رجولية ] ݣلت لك ديب ا بّا فاروق 31 عام و شرفتي
كان متكي فالأرض ديال الزنقة و حاط يدو على عينيه
فاروق : هي فيها شي كومبا هاد الليلة [ شاف فخوه ] نوري للشارف لي ولدك
تحدر للأرض و جلس حدا خوه ... جبد ݣارو من جيبو شعلو و نتر منو نترة عاد مدو ليه و هو كايضحك
سعد : مانعزهاش فيك
شد منو الݣارو كايتكيف منو و مشا بالو لداك المشروع و الجيست لي بغا يدير معاه خوه و كيفاش ناوي يريسكي معاه بلي عندو غير حيت شافو باغي داك المشروع و حاط عليه العين ... كان بينو و بين سعد واحد الأخوة فشكل ماشي غير خوه و إنما صاحبو و هو الأقرب ليه بين خوتو
سَعد : اش ناوي دير فداكشي؟ فوقاش ندويو مع داك خونا؟
سكت كايبلاني للسفر ديالو لداك القنت كان عارف بلي الإجراءات القانونية كاتاخد الوقت ... ماكان عندو حتى شي حل قدامو من غير يشوف شي واحد يزور لو الوراق
فاروق : خاصني نضبر فشي واحد يريݣل ليا الوراق ، الڤيزا كاتتعطل
سَعد : كاتعرف شي واحد يريݣل لك الأتاويش ولا نشوف نضبر لك؟
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
