تعجبات علاش ماصوناش واخا ردات ليه البال بلي كايفضل ليزابيل ولا المُباشِر ... شنو زعما يكون دابا مشغول؟ ... رجعات لمسألة الشرط و عقدات حجبانها و هي مافاهماش علاش خاصو يتشرط؟
" وعلاش اتشرط؟ يانا لي خاصني نتشرط تينا لي قولتي باغي دهضار معايا اما يانا ماقولت لك حِتّة "
سيفطاتو ليه و طفات التيليفون خبعاتو و مشات تخشات فبلاصتها .. ماكان فيها مايقولها شي هضرة تاني تطير لها النعاس باراكا غير ماقالت لها غزلان و تصويرة التمثال لي باقي فتيليفون مرات خوها ... هاديك التصويرة نيت خاصها تشوف كي تمسحها لها و تتهنا من هاد الويل الكحل ... غمضات عينيها و هي كاتوجد راسها لغدا ان شاء الله فاش يجي بديك البصلة و كاتوجد لشنو غاتقول بلا ماترد البال للميساج لي وصلها فتيليفونها
• الـسّـاعـة 1:30 ديـال اللـيـل •
صوت الموسيقى ديال الراي و الضحكات الرّنانة الأنثوية كايتسمعو من لداخل حتى لبرّا لا هما لا صوت الضحكات الرجولية أمّا واحد دخّان الشيشة ديال التفّاح كان مغطي داك الصالون لي مضوياه غير إضاءة خافِتة بزز باش مخلية لي جالسين فيه يبانو
• مع حل الباب و دخل طاح على مَسامِع ودنيه صوت هضرة هناء و مُصعَب لي كان جالس معاه حتى ولد عمهم موحا أما دوك لصوات ديال البنات لخرين ماعرفهمش كانو غَير مألوفين .. حدو بغا يزيد يخطي للداخل و هي تتعرض لو الخدّامة لي كان باين فيها بااقا فايقة واخا الوقت معطل
[ الـحـوار بـالـريـفـيّـة ]
الخدّامة مرحبا بسيدي واش نوجد لك الدوش تدوش؟
عِز : ماكاين لاش [ مشاو عينيه جهة الكولوار ] شكون كاين لداخل سامع صوت الزّايد
الخدّامة : غير سيدي مصعب و موحا و شي بنات معاهم ماعرفتهمش ا سيدي
شير لها بيديه باش تمشي في حين هو تم داخل قاصد الصالون لي كان خارج منو دخّان ريحة الشيشة و الݣارو حتى وقف فالدخلة ديالو مع الوقفة لي وقف بانو ليه جالسين 3 ديال البنات غير القرطاسة لختها وحدة جالسة فوق حجر موحا لي كان جالس فوق الفوتوي .. و فالجهة لي مقابلة معاه جالس مُصعب وسط هناء لي لايح يدو من مور ضهر هناء لي جالسة حداه و حاطّة حداها واحد الشيشة كاتشيش و تدوز ليه يشيش و وسط بنت خرا كان جايبها سوكور لهاد الليلة باش ايلا ماصدقاتش ليه مع هناء مايخرجش بلاش أما فوق فوتوي اخر كانت جالسة بنت خرا حاطّة حداها واحد الشيشة كاتشيش منها و عايشة مع الموسيقى مرة مرة كاتنقب من واحد الطبسيل كانو فيه عويدات ديال الفرماج والزيتون محطوطين فوق الطبلة مع التقاوت
مُصعب : [ قشع خوه داخل و وقف و هو كايضحك ] شفتك ماجيتيش ݣلت موحال واش باقي غاتجي
جلس فوق الفوتوي لي خاوي مفرݣ رجليه و سند ضهرو مرجع راسو اللور كان باين على وجهو العيا .. لاح يدو من فوق اليد الجانبية ديال الفوتوي و نطق بصوت مبحوح ببحة الݣارو و عينيه مع خوه
عِز : كان عندي مايدّار ، عاد تفكيت
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
