مع نوات توقف لهم على راسهم حتى تسمع اش غايقولو و هي تحس بالڤيبرور ديال التيليفون كايڤيبري فيها ... فالبلااصة بعدات من حداهم و مشات مخلياهم كايهضرو مع بعضياتهم دايرا السبة بصاك الرافيا لي غاتمشي تجيب
فيروز : [ نطقات بإنفعال و فنفس الوقت بصوت منخفض لايسمعها شي حد ] يانا قوليا غي ماالك ماكادجاوبش؟؟ مخلياني كي الحنش لي مقطوع لو راسو ماعرفت فاين وصلتي ولا شكادعمل ياك قولنا ايبقا بيناتنا التيليفون؟؟
غزلان : هانا فالطريق دابا راني قبيلا ماشفتش التيليفون كنت كانهضار مع المرا لي جيت نشوفا و دابا صافي هانا ساليت
فيروز : كادهضار معاها واخا فهمنا بالحَق مادجاوبش و تخليني كي الحمقة كانقول ياكما وقعات لك شي حاجة و نتينا ماشا غا بوحديتك مع 2 رجال؟؟؟ على الاقل خسر عليا ميساج واحيد قوليا فيه راكي شوفتي المرا
غزلان : وا يانا قولت ا فيروزة راك فهمتي فاش قولت لك صافي وصلت
سكتات لثواني كاتشوف جهة الدروج .. ماكان فيها ماتزيد تتجاحد هي وختها فالهضرة
فيروز : المهم نتينا خف رجليك و رجاع ندّار دغيا مادعطلش المرا باغا درجع ندارها دابا
غزلان : صافي صافي هانا شوية و نكون فالدار
فيروز : غي توصل عيّاط لي فالتيليفون باش ندخلك ندّار لاتصدق واحلة مع دوك الحلالف على بارّا
غزلان : صافي كوني هانيا
قطعات معاها و مشات هزات صاك ديال الرافيا ورجعات لعند لالة فخيتة لي كانت باقا واقفة مع السيدة كايهضرو ... مع بانت لها مع نطقات بتأنيب مأنبة بيه بنتها
لالة فخيتة : الحاجة جات معدبة تا لعندنا و ماعطيتيها تشروب تا كاس دالما؟؟ ماشي عيب؟؟
فيروز : يلااه كونت انضايفها ا مّا [ وراتها الصاك ديال الرافيا ] غي قولت نعطيها بعدا شي حوايج عندي قبل ماننساهم
لالة فخيتة : [ شافت فالمرا و نطقات بتأسف ] عا سمح لي الحاجة و ماديراش مني من قلة الصواب عارفة راسي دايرا معاك الفالطة اليوما جايينا شي ضياف بحال وجهك راني مربجة معاهم خليها تا لمرة خرا ان شاء الله دجي و دلقاني جمعت لك شي
جلسات السيدة كادّاعا و تعاود معاها حتى مشات تقضي شغالها و بقات مخليياها مع فيروز لي حتى هي شدات فيها شدة العمى فالضلمة حلفات ماتطلقها قبل ماتشرب شي حاجة عاد تخرج ولا كانت شي حاجة تقيييلة فهاد الدنيا كانت غاتكون فيروز مع داك البراد ديال اتاي لي تقلااات فيه و جلسات كاتماطل حتى ولّا طالب منها الشرع
أميمة : الله يهديك ا فيروز دي اتاي للمرا واش غانشحفوها على كاس ديال اتاي
فيروز : و شني ا مرات خاي نعطيها الما و الزغارت باش من بعد ديع الخبار بين الناس و يقولو بنات الأنصاري فنيانات ماكايعرفو يطيبو تا كاس داتاي مقاد؟ ايوا صبار يتشحر صبار
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
