مع قرات الميساج بتاسمات بشَقاوة ... ها هو عرف الجواب و هادشي لي كانت باغا اصلااا ولكن واش جابها معاه؟؟؟ .. جمعات تبسيمتها و هي كاتتفكر هضرة غزلان مدام هي قالت بلي باهم يقدر يكون ناوي يرجعها خاصها نيييت ماتخلي ليه فين يزيد يفكر يرجعها ليه
°° " بالحَق يانا قولت لك جواب اللغز باغا نشوفو بعيني دجيبو ليا ، جيبتيه؟ "
مسح وجهو بظهر اليد لي باقي شاد بيها الجوان و رجع كتب لها ميساج
•• " جبتو "
كيفاش جابو؟ تعجبااات ... مايمكنش يكون جاب البصلة و الدعوة باااقا مهدنة ماكاين لا هضرة مجهدة لا والو و من الفوق باااقي جالس وسطهم , ماااايمكنش...!!
جاوباتو پاغ SMS بزربة و هي مامتيقاش
°° " حلف بالله تا جبتيه؟؟؟ "
ماجات فين تتسناه يجاوب حتى لقاتو كايصوني لها .. فالبلاااصة قطعااات ماعاطياهش الفرصة فين يسمعها مرارة هضرتو ولكن غير من دييك المصونية عرفات بلي بااينة غايكون ماكايكدبش .. دابا بقات فكيفااش غاتتفك؟؟ حسابها تضرب فزيرو و هاد رد الفعل ديال عائلتها ماكانتش ضاربة ليه الحساب ... نورمالمون فاش شافو البصلة كان خاصهم يقودو معاه السوايع و يجريو عليه و بهاكا هي اصلا ماغاطلاقاهش ولكن دابا؟؟
جلسات كاضورها فراسها مزيااان و كاتفكر فشي حل لموصيبتها ... عاودات حدرات راسها للتيليفون و بدات كاتكتب فالميساج
°° " ايوا منين جبتيه عطيه لبَابَا و قوليه هداك كادو ليلي وهو ايعطيه ليا "
ثانية و ثواني دازو و هي كاتتسنا فجوابو حتى لاح لها جواب خلّا يديها يزييرو على التيليفون لا إرااديًا
•• " نعطيه لباك بوحدو ولا نعطيه معاه حتى التيليفون يقرا الميساجات؟! "
هاا لي ماكانتش باغا و هااا لي ماكانتش كاتتسنا منو ياك هو ماشي شكاام؟؟؟ علاش دابا باغي يشكم ييها؟؟؟ حتى هو صدقو فيه هاد الفعايل؟؟ ... ماجات فين تجاوبو حتى كان زاد لها ميساج اخر
•• " يتحط العشا غاتلقايني كانتسناك فالكوري "
لاحت التيليفون فوق الناموسية وقلبات وجهها للجنب و هاد المرة هي لي بدات كاتعاير و تدعي من تحت سنانها معصصصبة من هاد الموقف لي ناوي يحطها فيه ... اش غايوقع ايلا جدها عرفو عطاها التيليفون وكدبات عليه؟؟ اش غايوقع ايلا عرفها كانت كاتهضر معاه بالتخبيعة؟ حتى ليزابيل لي هضرو فيهم ماكاينش شي تسجيل يوريه بلي مافيهم والو باش مايمشيش بالو بعيد و الطامّة الكبرى كاينة ابيل طولااات معاه فيها الهضرة ... و باها؟؟ باها لي فاش غايشوف الميساجات غايعرفها هي جبّادة البلا يا غايقول عليها صغيرة و ماعارفاش مصلاحتها يا غايعرف نَواياها لي جايين من مور البصلة يا ببساطة غايسحابليه هي باغاه و غير كاتتفشش عليه و عليهم
عاودات هزات التيليفون و بدات كاتكتب لو ميساج باغا غيير تسلك و تتجنبو ندمات كاااع لاش جاوباتو
°° " اهاااا يااك؟ و ادا شافنا شي واحد و شك فشي حاجة قبيحة واقعة بيناتنا؟ "
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
