🥂 زوجـــة_الــــكــــولــــونــــيــــل 🥂
ㅤㅤㅤㅤㅤㅤللـعشـق قـوانـيـن خـاصة
_____________𝐏 𝐀 𝐑 𝐓 706_____________
𝐁𝐘 : كـاپـيـطـوسـة _ مـيـدوسـا
بعدات وجهها عليه بنُفـور ونطقات بصوت منخفض مخنوق
فيروز : وعلاش انتشاور فشعري
رجع كلينيكس لجيبو و نطق
عِز : الخطرة الجاية لي غانجي فيها , نشوفو نلقاه كي كان
بعدات منو و وقفات كاتنفض حوايجها و مع شافتو ناض نطقات بداكشي لي فقلبها ... قلبها لي تزييير عليها و هي كاتشوفو ماناويش يطلق سراحها
فيروز : واش تينا ماكادشوفش هادشي؟ [ مسحات عينيها من أثار الدموع و عينيها فعينيه ] ماكادشوفش بلي حنا انطلقو؟؟ علاش دابا باقي كادقوليا ادجي علاش انشاورك فشعري و حنا مابقات بيناتنا حِتة حاجة؟؟ [ رخات كتافها بإنهزامية و نطقات بشوية و وجهها بااين فيه العيا ] حنا ماش نطلقو
شافتو سكت و كان باين فيه متبع معاها هضرتها و على ما كايبان واخدها بجدية كيفما حتى هي هضرات بجدية ... و يمكن ݣااع يكون حس بيها تجرعات السم من ديك العلابة المسمومة ديالهم حتى مابقات قدات ... بسكاتو و شوفاتو يمكن حس بيها و يمكن فهمها و تفهمها " على الأقل هادشي لي كان كايسحابلها " قبل ماتحس بيديه تمدّات لوجهها ، حطها أسفل الذقن ديالها و طلع راسها لعندو حتى طلاقاو زبرجديتيها بعيون الغراب المتربصين بعينيها و بكل بلاصة فلحمها مكشوفة
زاد قرب لعندها و مع بغات ترجع بخطوة اللور تبعد منو لقاتو مد لمور ضهرها مامخليش ليها فين تبعد .. بالعكس زاااد قررب جسدها الأنثوي ليه حتى ختاصر المسافة بينو و بينها و نطق بصوت هالكاه البحة ديال الݣارو ولكن هادئ
عِز : و من هنا لداك الوقت [ طلــع صبعو لشنوفتها التحتانية وعطا راسو الحرية يتلمس الملمس ديالها ] أري ليا داكشي لي كانتسال فيك
مع رجعات راسها اللور مبعدة يدو على شنايفها مع حسّات بقبضة يديه تطلقات على ضهرها دايرا لها حااجِـز ماخلّاش ليها فين تململ بل زااد قربها منو فصَمت بواحد القرب كان كفييل يخلي قلبها علااين يسكت ماكاتيقش فيه و هاد الهدوء لي تقلب ليه بزرربة دخل لها الشك و خلاها تخاف كتر و كتررر من فاش كان كايهضر معصب على الأقل تما كاتعرف راسها خاصها تحضي لايغفلها بشي دقة اما داابا ماعرفاتش ݣاع علاش تقلب هاكا و ولا مهدن بواحد الشكل ماكايرتاحش ليه القلب
فيروز : [ حطات يدها على صدرو باغا تبعدو و بنبرة منخفضة بزاااف و رقيقة نطقات ] مابقا بيناتنا والو علاش ماباغيش دفهم هادشي؟
خلاها كاتهضر و تسول علاش و كيفاش و ماجاوبهاش .. عينيه لي كانو كايفتارسوها إنش بإنش هما جوابو ليها فهاد الساعة كانو كافييين و وافيين يخليوها تعرف خطورة الموقف لي هي فيه ... خطورتو عليها و خطورتها حتى هي عليه و على غرائزو لي بدون أدنى مجهود منها بدات كاتسرجهم كَراكِبَة خَيل مُبتدئة مع خيل عَربي أصيل
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
