بلعات ريقها و زاادت زيراات على الطبسيل ماعارفة باش تجاوب وسط هاد السطريس كاامل لي عليها و زادوها الشوفات ديال خوها و هو عاقدهم
فيروز : [ ضحكات ليه ضحكة صفرا بزز بيناات سنانها فيها ] وهادشي علاش كنت كانفتش على غزلان
طول فيها الشوفة نيييت و فحناكها و نطق
طارق : رجعي للفوق ها جواد غايجيب داكشي لي بقا فالكوزينة [ مد لها الطباسل تديهم معاها ] ديك الساعة علموني نجي ندي اش باقي تم [ بتنبيه ] شدي بجوج يدين
ماجات فين يكملها حتى تتسمع غير التشخشيخ ديال الطباسيل لي كااانو هادو ثواني فيديها اما دابا غير داكشي لي بقا منهم هو لي كاين فالأرض ... هزات عينيها فخوها لقاتو حط يدو على محاجر عينيه
طارق : غير طلعي للفوق الله يرحم الواليدين
دخل للصالون يدي الطبسيل اما هي غير شافت ديك الروينة لي دارت .. تحدرات للأرض و جلسات كاتجمع فالزاج داكشي لي قدات عليه مم الطروفة الكبار على الله تنقص لهم من هاد تمارة لي زادتهم بيها
- فـالـصـالـون -
كان يوسف جالس فبلاصة قريبة شوية لعِز باش يتجمعو على ود العشا ... فواااحد الوقت من هاد الأمسية كان شغلو و همو راجل بنت عمو لي هو نفسو الراجل لي حرق الفيرمة ديال جدو اما فاش جات خدات كامِل الإنتباه ديالو بحال كي موالفة دير ديما ... داك اللون جا معاها و واخا ماكانتش قريبة بداك القرب لي يخليه يشوف كيفاش جا حتى مع عينيها لي كانت الكسوة لي لابسة بحال الإنعكاس لعويناتها فداك اللون ولكن و هكاك و قدرات تخطف ليه أنظارو بقا جالس مفيكسي عينيه فيها من فاش وقفات تما و هو غاافل على العينين لي حداه مفيكسيين فييه و مفيكسيين على هاديك لي مفيكسي هو عينيه فيها مخلي داك لي حداه غاااايبخ الدم واش ينوض يقبرو؟؟؟ واش ينوض يجبد ليه البلااابز ديال عينيه يوكلهم ليه و يديها من دارهم صحة عليييهم و قداام عينيهم لهلا يݣلب ݣاااع فقضية هماا لي يردوها لييه بخاااطرهم
" نوض تبعها الشوف ماكايبرد الجوف "
قلب عينيه لجهة الصوت و حتى هو بااين فوجهو ناوي على خزيت
يوسف : كيفاش؟
كان جوابو بحال الرابوز ديال العافية لداك لي جالس فبلاصة مابعيداش عليه ... مع جاوبو مع بغا ينوض
الحاج المرتضى : [ حط يدو على كتف ولدو و وررك عليه باش يجلس ] بررد و نعل الشيطان ماشي وقت هادشي
عِز : أش غانبررد؟ كايعرري فيها بعينيه قدامي بحالا ݣالس حدا زامل و كاتݣوليا نبررررد؟؟؟!!!!
جواد : [ شاف فجدو لي جالس حداه و مييل راسو لجهة راس جدو ] ها الفراجة بدات [ تكا ضهرو على الحيط و ربع يديه ]
طبطب ليه فوق ركابيه بيديه و غمض عينيه مهزهز راسو ليه برِضى و بين ثنايا تقاسيم وجهو مرسومين بإتقان تعابير الخبث ... شبك يديه فوق ركابيه و سند ضهرو حتى هو كايتفرج فنسيبهم باااغي يتفرݣععع
أنت تقرأ
زوجة الكولونيل / COLONEL'S WIFE
عاطفيةهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
