جواد : غانبقا انا كانلعب معاك هنا دابا
دخلات ليه الشك بهاد الإصرار ديالها ... ماباغاش تعطيه و باغا غير تسلت كانت بااينة تاني دايرا شي موصيبة
بدا كايجر يديها للقدام باش يفكهم ليها و واالو مزيرااهم تزييرة بحالا سادة عليهم بقفل .. عصصباتو حتى نطرها لها يديها نطرة وحدة حتى صدق مطيح لها واحد و الثاني بقا فيديها .. بقا كايحقق فيه واش جوان جوااان نييت ولا غير جاب ليه الله و مع التخبيعة و العكس لي شداات صااافي حصلات حصلة وحدة
جواد : [ حممر فيها عينيه ] اش كايديرو عندك الجوانات؟؟؟
فيروز : [ بدات كاتبعد يدو عليها ] ماشي دياالي وربي الحبيب ما ديالي
تنطرات ليه من يديه و مشات كاتجريي تقلب على جدها هو لي يفكها و يشرح ليه كلشي ... خلااتو موراها كايشوف فداك الجوان لي طايح فالأرض ، تحدر هزو و بدا كايسررح فالتكميشة لي كمشاتو ... مشا تابعها كايقلب عليها فالدار محللف فييها حتى لقاها فالصالون مخبعة حدا جدهم
جواد : [ حممر فيها عينيه ] وليتي كاضربي الجوانات؟؟؟ [ زاد دخل للداخل و شاف فجدو ] شوف الزطايلية ديال بنت ولدك ا جدي اش لقيت عندها شووف [ ورّاه الجوان لي فيديه ]
خشات يديها فدراع الحاج الرحماني لي بدورو حاوطها بدراعو كايدوز لها على راسها حاميها من خوها
الحاج الرحماني : شداكشي تما؟ مالك مع ختك؟
فيروز : [ نطقات بشوية ] هداك عدلتو لبّا سيدي ماشي ليلي
شاف فيها مامتيقش و عاود شاف فجدو لي مانكرش بمرة هضرتها
جواد : [ بصدمة ] بّا؟ وليتي كاتتكيف؟
بعدها عليه شوية و شاف فحفيدو مواݣض ليه
الحاج الرحماني : غا نتوما لي كاتعرفو للطفّاية؟
جواد : وا صحتك ا جدي شمن طفاية واش نتا عندك الصحة للجوانات ما ݣلتي ݣارو ماݣلتي نفحة دزتي ديريكت للحشيش اش غايݣولك الطبيب؟؟ واش عوّال تسككت المااطر قبل الوقت؟؟
الحاج الرحماني : ݣابل غا راسك و سير شوف ديك البلاد شغادير فيها ربيتي الموسطاج وليتي تتحاسب معايا وتݣوليا اش وصلني للحشيش؟
جواد : وا ماشي هادشي ا جدي واش انا نقد نتحاسب معاك؟ راني كاندوي على صحتك [ شاف فختو ] و على بنت ولدك منين جابت الحشيش باش تبرم؟؟
مشا لجهة الباب ديال الصالون بدا كايعيط للحاج قاسم بصوت مسموع
جواد : وا الواليد اجي تشوف هاد الزطايلية ديال بنتك [ عاود شاف فداك الجوان فيديه ] و معلمة تبرمي بعدا ماعندي مانتسالك
طارق : [ دخل للصالون ] اش كاين ا جواد؟
جواد : زيد تشوف اش عندنا فالدار [ عطاه الجوان ]
شدو من عندو و هو مافاهمش مالو ... قربو لنيفو شمو لقا فيه شي ريحة معطرة و فشكل
طارق : مال هدا؟؟
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
