شافو شاد رشيشة فيديه كايوريها لو [ سلاح رشاش ] دابا عااد فهم علاش هاد الهايلالا كاااملة نايضة ... كان عارف مزياان موقف دولة المغرب من ناحية السلاح و عاارف ماكايتواضروش و مدام تدخلات حتى فرقة مكافحة الإرهـ/ـاب إلا و غايكونو شاكين فيه مدخل السلاح للبلاد يا حيت كايدعمهم و يقدم ليهم باش يثورو على البلاد يا غايكونو شاكين فيه هو منهم
ضرب الڤولون بيدييييه و هو مزييير على سنانو حتى تطراسا ليه عظم الفك فوجهو ... مسح لحيتو بيديه و ضوور وجهو لجهة الشرجم بانو ليه وصلوو عليهم و كايقولو ليه يوقف ... كان عاارف بلي مابقا والو و غايسبقوه باش يسدو عليه الطريق
مُراد : اش بان لك نجروهم لطريق طنجة البالية؟؟ على ليمن كاين واحد الخلاا فيه واحد الهبطة بحال الكاريان نتا لاهيهم و انا نلوح هاد القلا/وي تم [ بان ليه هز عينو فالمرايا كايشوف فيه و ستأنف هضرتو ] ديك الساعة ا صاحبي نزيدو نجرو بيهم الطريق نخليوهم مبرزطين معانا و على ما نعيط للدراري يمشيو يجمعو السلاح مايجيو فين يرجعو لداك القنت حتى يلقاو غير يدهم و الريح تا لاتشدينا مايشدوناش مع هاد السلعة رااني يا ديينك كانشوف الإعدام قدام عيني
عِز : مامسلكش هادشي الطريق لي راك داوي عليها بااقا ليها جبدة ديال الطريق [ عاود مسح لحيتو كايبلع ريقو و صهد الأعصااب ديال هاد الفورݣو طلع معاه ] هاد القزدييرة تقييلة ماغاضربش بينا حتى نص الطريق و غايلقفونا بيها و بالقلا/وي لي فيها
ضوور عينيه لجهة الشراجم بانو ليه بدااو كايضيقو عليهم الطرييق ... قلب وجهو لعِز ونطق
مراد : و اش غانديرو؟؟ نقلبوها مع الروح دمهوم شلاضة؟؟ نتا صوݣ وانا عندي السلاح بقرطاسو هنا
عِز : شمن تييري ولا ز/بي سحابلك راك فكولومبيا؟؟؟
زاادو ضييقو عليهم الطرييق من ليمن و لييسر حتى بان ليه واحد من فرقة التدخل السريع حل الباب ديال الطوموبيل لي راكب فيها ... خررج النص الفوقاني ديال كسدتو وماال لجهة الفورݣو و مد يديه باش يحل الباب الثانية ديال الفورݣو ومع باان لعِز ناوي يحلها عليه باش يركب فيه طلق من الڤولون و مال لجهة الكرسي لي حدا كرسي الشيفور شدهاا و رجع تاني شد فالڤولون ... كسيييرا حتى بدا الفورݣو كايمييل وسط الطريق مابين الطوموبيلات لي مضيقين عليه الخناق من يمينو و شماالو كايتحااكو مع الفورݣو حتى بدا كايمييل مراد اللور مع مَيَلاان الفورݣو
نطق بجهد باش يسمع عِز صوتو من بين أصوات عناصر الشرطة لي كايهضرو معاهم ومن بين الأصوات المتقطعة لصفّارات طوموبيلات البوليس
مراد : اش غانديرو؟؟؟
هز عينو فالمرايا القدامية كايشوف فمُراد و نطق بلا مايطلق يديه من الڤولون
عِز : كاتعرف تدررع؟؟
[ تدرع : تعوم ]
عرفو و فهمو اش كايقصد .... قلب عينيه لجهة الشراجم و عاود شاف فعِز
مُراد : الصيف طار و شي تبحار ما تبحرناه يلا كانت شي تبحيرة على حسابك ماكرهنااش
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
