دازت 3 أيام بالضبط ... 3 أيام كانت كافية و وافية تقلب عائلة بلحاج من ساسها لراسها بسباب كارطوشة ديال القرطاس ماكانوش ضاربين لها الحساب .. داكشي لي خافو منو هو لي بداو كايطيحو فيه ، وفبلاصة ما العين تتحط غير على عِز و مُراد لي مشدودين صدقات محطوطة على عائلة المُرتضى كاملة.
× عند فاروق ×
وسط دار فراشها مغطي بليزور و سدادرها مجموعين واحد فوق واحد كان بااين فيها شحاال مابقا جا ليها شي حد ... كان جالس هو و خوه و حاطين قدامهم الفلوس لي دّاو و معاهم النص ديال شحنة الكوكايين لي دّاوها قبل ماتوصل لعِز
واحد منهم كان جالس فوق الكرسي و الثاني جالس جلسة القرفصاء و شاد بين يديه بلاكة ديال الكوكايين
سعد : اش غانديرو فهادشي؟ شحال قدو يبقا هنا
فاروق : [ حط البلاكة ديال الكوكايين و وقف ] غانضبر على الشاري ليها عطا الله لي باغي يشري ماغاتبقاش لينا فراسنا
مشا للجهة لي كان حاط فيها الفلوس ... كان ديجا قسمهم على 2 صيكان كبار من مور ماحيدو منهم الفلوس لي رجعو للحاج قاسم ، هز صاك و دفعو لخوه
فاروق : شد فلوسك
بغا يدفعو لو بيديه ولكن كان بااقي مقصصح بسباب الدقة لي جاتو فالضهر ... دفعو ليه برجلو و نطق
سعد : فك الرهين لي راهن عاد نشوفو داكشي لي شاط اش نديرو بيه
فاروق : [ عاود دفع لو الصاك ] شد زوالغك عندك دابا تحتاجهم
سعد : أش غانديرو دابا مع ديك البيعة و شرية؟ غاتبقا معلقة لينا فالعنق؟ عرفتي الضريبة ديال داك السخط شحال ولا ماعارفش
مسح وجهو بيديه و تحرك من بلاصتو مشا جهة الكوكايين و بدا كايعمر فواحد الصاك
فاروق : ماكاين مايدار عاود فيها البيع ماغانبقاش محمق كري معاها ا سعد عطا الله مايدار [
حبس من داكشي لي كايدير فيه و هو حااس بيها ماتسرطااتش ليه ... رجع كايكمل التعمار و ستأنف هضرتو مكملها
فاروق : هادي دير لينا العقل
سعد : دابا ندوي مع المحامي على هادشي
فاروق : وانا غانضبر على الشاري للسلعة
° عند فيروز °
واقفة قدام الفيكس و كادووز نمرة أسماء و لالة فخيتة واقفة حداها
لالة فخيتة : باقا ماجاوباتك؟
فيروز : [ حركات راسها بالنفي ] باقا مسكينة ادكون مقلقة دابا
لالة فخيتة : خاها هداك من صلبا ا بنتي الله يحسن العوان و خلاص
أسماء : الو ختي فيروز؟
فيروز : هايا جاوبات ا مّاا ، الو أسماء كيف نتيناك لاباس عليك؟؟
أسماء : الدار عندنا مرونة ا ختي فيروز خويا نقلوه من طنجة للحبس المركزي فقنيطرة اليوم مع الظهر [ تنهدات بتحَسُّر ] و كايعاودو عليه خااايب و صعييب ، يما حنو مسكينة غا ساقت الخبار هزوها نيشان للسبيطار راه معاها دابا بابا و مريم
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
