خلااتو غايفݣسسسهم .. غايبخخخ الدممم حتى صدق مخلي السيد و ولد عمو يتسناوه و مشا تابعو فين غايطيح بلهلا يݣزيه يهز داك الفايبرايتور لي كانت لابساه من تحت السليب على اللحم و لاحتو بلاا حشمة بلا ماضورها واخا غيير جوج ثواني فراسها ايلا طاح فيد شي واحد مكبوت كفااايتي مع راسو اش غايدير بيه ... هزو من لرض و خشاه فجيبو و رجع طلع راسو للفوق لقاها بااقا معلقة و كاطل على عباد الله
تحرك من تما دايز من بين عباد الله مخلي جواد من موراه كايعيط لو و هو باغي يعرف اش داكشي تلاح ، اما هي فييين و الخلعة من شنو جاي فييين ايلا غير العرس لي كان غايجمعهم ها هو سالا و مابقا لا عيد لا مناسبة لا هم يحزنون.
بردااات شهوتها و فرحتها فديك الباراشوت واخا زݣلاات التوديع ديال أسماء لواليديها ولكن كانت عاارفة كون بقات تما كون راها شااادة الطريق دابا لدارهم اما عند اسماء كان فِعلاا فراق العائلة صعييب و الأصعب ماتبقاش محسوبة عليهم ولكن لي مهوون عليها هو غايكونو ساكنين فسيكتور واحد
عاودات ركبات هي و مُراد و هاد المرة شدو الطريق للبلاصة لي غاينفاردو فيها بجوج ولي توقعاتها تكون الدار.
• عـنـدو •
كان واقف حدا الطبلة و شاد فيدو القرعة ديال الما كايجغم منهاا لعل و عسى طفي ديك جهنم لي شعلاااتها فيه بفعاايلها .. ها البعرر لي لاحتو ها الباراشوت لي تعلقاات فيه و كل مرة حااضي معاها يشوف فين وصلات ، ماكانش ناقصو طير فالسما خصووصا هاد الليلة لي كاينين فيها الكولومبيين .. واش غايحضي لي كاينين فلرض ولا يحضيها هي لي طايرة؟ على الأقل اسماء كان معاها مُراد و ختيمة كان ركب معاها مُصعب اما هو ماكانش عندو الوقت فين يركب فهادشي والا فين يشارك فهاد التخربيق ... عاود جغم من ديك القرعة و عينو معاها فالسما حتى جات الحاجة هنيّة لعندو معكزة بعكازها و فجنبها أفنان شادة فيها و معاوناها تمشي ... حتى كانت باغا تهضر معاه و هي ترد ليه البال ماشي هو هداك ، عقدات حواجبها و نطقات بصوت مرمدو الزمان حتى شرف و شاب
الحاجة هنية : وليدي حبيبي مالك؟
عِز : والو الحاجة [ حط القرعة ] صافي نجيب الطوموبيل نوصلكم؟!
الحاجة هنية : لا ا ولدي حبيبي مزال ماسخيت بالهوا دالبحر باقا باغا نجمع الما ديالو فشي قريعة وبيدما جمعتو عافا ولدي ما سير مع بنت عمك طلعها فداك العجب لي طاير راها مسكينة شهوتها فيه وماعندها جهد ليه كاتخاف ومالقيت معامن نأمن عليها انا ورقية غا معاك
هز راسو وبدا كايقلب بعينيه على شي واحد وسط الناس لي كانو باقيين حتى بانو ليه ... حدر عينيه لحناه ونطق بصوت خَشِن
عِز : تريح مع مريم يتسناو هي وياها شي واحد يخوا حتى يجي سماعيل وطلع معاهم [ هز القرعة معاه ] هاني غير هنا الحاجة فاش تبغي نوصلك عيطي لي
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
