رد البال لولدو كان شاابك يدو و مزيير على صبعانو حااابس فيهم الدم و بداا كايزعزع ركبتو دَليل على نفاذ الصبر
الحاج المرتضى : هداك كايبقا مشكل و هدا مشكل ا قاسم
الحاج قاسم : مشكل جاار مشكل المُرتضى الصباط كايتهزز و كاتبقا زطمتو وانا ماباغييش تبقا معانا شي زطمة مطولة من هادشي لي طرا ، هنا غانفكو هادشي
عِز : عرفتي الحاج شغايجيك مليح؟ [ ديك نقطة الصبرر لي كانت عندو طااارت ] ها بنتكم عندكم [ وقف ] هادشي ديالكم و ديالها ݣهمني
الحاج الرحماني : [ شاف فيه و نطق كايتحداااه ] ولا كنتي راجل ا ولد المُرتضى طلقها
عِز : و شحال عزيز عليك تييري فالهضرة [ خشا يدو فجيبو جبد سوارت الطوموبيل ] حفيدتك؟ مامطلقهاش [ وقف قدام الباب ولا لهم هضرتو اللخرة ] ومامرجعهاش
ناض من بلاصتو مضهشررر فيه
الحاج المُرتضى : عِز...!!!!
عِز : الهضرة سالااات هنا الحاج [ خرج صوتو بارد و جاف بتعابير خاوية ] لي خلقها خلق غيرها الدنيا ماخواتش من العيالات هاني مشيت
خرج من البيت مخلي الحاج قااسم كايعيط لو من موراه و هو عاارف بلي الورقة ديالو الرابِحة تحرقااات ومابقا فيها نفع
الحاج قاسم : [ تابعو فالكولوار ] عِز اجي ندويو باقي ماساليناش
ماجاوبوش ... خرج من الباب ومشا قاصد الطوموبيل مخلي باه حتى يجي باش يرجعو أدراجهم للحسيمة
الحاج قاسم : دوي مع ولدك المُرتضى
خرج من البيت جامع يدو مور ضهرو
الحاج المُرتضى : [ بهُدوء وعقلانية ] ماعندي مانݣوليه ا قاسم كترتي عليه وراك عارف شكاين داروه ولادك ماشي قليل
الحاج قاسم : ولي دار ولدك قليل؟ [ حاول يبرررد الطرح ] وا غير دوي معاه
الحاج المُرتضى : شغانݣوليه؟؟ الله يهديك ا قاسم غانݣولو جي دي مرتك صحة عليك؟ ماراهش صغير الربعينات ها هو داخل ليها عارف شباغي وشنو ماباغيش
الحاج قاسم : ياودي عيط لو غير ندوي معاه المُرتضى هادشي مافيهش الملاغة
الحاج المُرتضى : شغانݣولك هاني غانشوف شكاين واخا مابقا مايتݣال فهادشي
خلاه وخرج من الفيرمة لقا ولدو راكب ومخدم الموطور .. مخرج يدو من الشرجم و شاد فيدو جوان كايبررد بيه و كايتسناه غير هو يجي و يتحركو
الحاج المرتضى : [ طل عليه من الشرجم ] دابا شنو؟ واش غاتخلي مرتك فدار واليديها؟
عِز : وانا مسالي نبقا غادي جاي؟ ماعندي مايدار؟ نبقا غير مقابلها هي وياهم؟!
الحاج المرتضى : هادشي ݣاع لي طرا وتخليها عندهم؟ [ حل باب الطوموبيل عليه وتقاد فالوقفة ديالو ] دوز رجع دوي مع السيد ، مابانش ليا باغي يخليها عندو راك شايف شواقع غير كايضرب لمصلحة ولادو
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
