° عـنـدهـا °
هازّة جلايلها بيد و جارّة الڤاليزا باليد الثانية و كادور فالڤيلا تستكشفها و تستكشف البيوت لي فيها .. كانت قادرة تلمس بوُضوح ذوقو فيها فبحال هاد المسائِل تقريبًا ولات عارفاه ..حتى بغات دوز من حدا الصالون و هي تلمح نفس الشكل ديال الساعة لي كانت عندهم فالدار القديمة كاينة حتى هنا.
تحركات من تما كاتزيد تستكشف الركاني ديال الدار و كاتتمعن فديكور الدار لي كان ميكس بين تقليدي مغربي وبين المُعاصِر بلمسة وااضِحة ديال واحد صيّاد بِحيث كانت فشحال من ركنة فالدار ديك اللمسة الخفيفة فشحال من حاجة و بلاصة بَعِييدًا على الخشب الطّاااغي على أثاثها و ديكورها الداخلي و إبتداءً بالطـابـلـو المعلق فحيط الكولوار كايحتاوي بوُضوح على منظر ديال الأدغال و البريّة ومن تحتو محطوطين مجورة ب3 طبقات مصنوعين من خَشب الكورديا الغالي ... مُرورًا بالفَرو ديال الدب البُنِي السيبيري المحطوط فوق واحد الكناپي كاينة حدا الحائط الزجاجي لي كايطل على الجردة وفالخِتام كانت ديك الهيضورا ديال الجاغوار الأسوَد لي لقاتها فواحد من بيوت النعاس ، ماكانتش عارفة ديالاش دوك جوج هيضورات ولكن توقعات يكونو ديال شي عتروس غالِبااا... وفالأخير كان واخا هكاك الديكور المغربي العتيق حاضر بقووة خاصة فالصالون المغربي و طوابل العود مع الزرابي المخدومين باليد.
حلات الڤاليزا و خشات يدها من تحت الحوااايج فالجهة لي مخبعة فيها الكتوبة كاتشوف واش باقيين لقاتهم باقيين فبلاصتهم ، خلاتهم فبلاصتهم وهزات غير ماتلبس على ماتدوش و تحيد عليها العيا ديال هاد النهار عااد تكمل تبرݣيݣها للدار و تعرف نييت الركاني و القنات ديالها حتى تلقا فين تخبعهم عليه.
دخلات دوشات بالخف قبل مايجي وخرجات لبسات عليها ، تكبطااات من ديك البرودة ديال الدار عاد خرجات من البيت كاتزيد تستكشف أركان الفيلا حتى طاااحت فواحد الباب.
مع الدخلة لداك البيت طاحت عينيها دييريكت على واحد الراس ديال الأيل كان لاصق فحيط محنط ، زاادت تقدمات و دخلات للداخل غيير كادوور و تشووف ضارت لليمن تلقا حلوف بَري ضارت للشمال تلقا وَشق و فبلاصة خرا يبانو لها مجموعة ديال الطيور محنطين مابين النسر و الصقر و البوم و العدييد و العدييد من الحيوانات و الطيور محنطين و مستفين بواحد التنظيم رَهيييب ، زادت هزات راسها للفوق بانو ليها جوج سلاحات ديال الصيد معلقين فالحيط.
كان داك البيت بحال شي معرِض صغير ديال الحيوانات المحنطة ... بلاصة فيها الطيور و بلاصة فيها الزواحف بحال الحناش و اللفاعي وبلاصة خرا فيها الحيوانات العاديّة و فوااحد الجزء مخصص بعيد على هادوك كانت محطوطة واحد الطبلة و كرسي بحال شي مكتب صغير محطوطين من فوقو الأدوات لي كايستعملهم فالتحنيط و حدا داك البيرو كانت واحد الڤيترينة ديال الزاج المُضاد للرصاص مسدودة بالساروت و محطوطين فيها قريعات صغااار كل قريعة مكتوبة من تحتها سمية ديال شي حنش ولا عقرب... هادشي مافكرها غير فالنهار لي حيد سم ديك اللفعة ولا الحنش ولا مانعرفت ݣاع اش سميتو.
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
