حيداتو معصصبة من صبعها و حتى بغاات ترجعو للبواطة وهي تحبس ... متوقعة و عاارفاه غيير غايشوفو فالبواطة غايبزز عليها تلبسو تاني .. كايعرف يشري الجديد غير للاخرين و هي عاطيها هاد الجالوقة وكون غير كانت نقرة ولا ذهب بيض بعداا ، جايب لها ذوق مرا خرا و مركبو لها هي بحال شي مونيكة.
° فـدار عـائـلـة بـلـحـاج °
جالس فبيت الجلوس مع بّاه و حناه لي كانت واخدة مقام العكوزة من مور ماماتت مرات الحاج المرتضى.
الحاجة هنية : ومراتك كي دايرا؟ ݣاعما سولات فينا لا ببرية لا بتيليفون هاد النهار؟ مقاطعة معانا ا وليدي؟ ولا صافي جرات راسها علينا
هز عينو فحناه كان عارفها ماشي معزة منها سولات فيها و ماكانش خافي عليه باش كاتحس من جهتها وفنفس الوقت ماكانش عندو الحق اساسا يقولها علاش كاتكرهيها وكان محتاارم شعورها من جهتها ومخليها فراحتها دامها عاطية التييساع ليها.
عِز : لا هادي لا هادي عيانة الحاجة
الحاجة هنية : [ رجعاات راسها اللور مكمشة عنقها و عاقدة حجبانها ] ايااو اياااو ماعندها صحة ݣاع ا وليدي كولّا مرة طايحة لك فالفراش
عِز : المرض والموت ماكايعلموش الحاجة اش غاديري
الحاجة هنية : [ حطات يد على يد ] يوا شغانقولك مايكون معاها باس الله يشافيها شغادير ا وليدي هادو هما بنات هاد الوقت ماعندهم صحة
بدا التيليفون كايصوني عليه ... كانت باااقا تابعاه شلااا خدمة هاد الليلة ، رجعو لجيبو بلا مايجاوب و نطق بصوت أجش
عِز : انا عارفك مارجعتينيش من نص الطريق باش تسوليني عليها فين غابرة ياك الحاجة؟!
نطقات بصوت كُهوولي متخللينو ذبذبات الشيخوخة مع الرنة الأمازيغية فيه
الحاجة هنية : اييه عندك الحق عيطت لك ا ولدي على بنت عمك أفنان واش ا وليدي مزال ما هداك الله تكمل على الهضرة لي خرجات وتخطبها من واليديها؟ الهضرة ا وليدي ماكافياش وهاد العرس لي درتيه لمراتك الله يباارك غا ما خلّا عمك يشك فيك سحابلو غا صافي رجعتي مراتك ورجعتي فهضرتك
شبك يدو وعلى مابان ليه باااقا حناااه باغا تهضر و تزييد تطوول فالهضرة فهادشي وهو حَقيقَةً ماكانش أساااسًا عندو مع تطوااال الهضرة ... ماكايطولها غير مع جوج ديال الناس يا كايكون عندو شي مكانة عندو يا كايكون كايحتارمو وحناه ببساطة كانت جامعاهم بجوج
عِز : ما شاك ماهاز فخاطرو من جهتي دوينا انا وياه ماكاين والو من هادشي ݣاع الحاجة غير جاب لك الله
الحاجة هنية : يوا و مرت عمك رقية ا وليدي؟ مرت عمك بقا فيها الحال و عاد هاد الصباح مسكينة هضرات معايا و من حقها ا ولدي عِز ماخااصها والا ناقصها يتحلو فام الناس على أفنان ، بنت عمك بنت زوينة و ضريفة ولسانها يقطر بالعسسل حلاوة و شهوة منها الله يعمرها داار ماتستاهل غير الخير ، ماتستاهلش ا ولدي هضرة الناس فيها
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
