أسماء : [ بتاسمات ليه بإمتنان ] ماتزيرش راسك بزاف بالعكس انا مرتاحة والله الحمد الله ها ختي وعائلتي غي حدايا ماحاساش براسي بوحدي
كانت التعابير ديالو ليها فيها طابع الصلابة الرجولية ممزوجة مع همسة من الدفء
مُراد : الݣلاس فالدار كايطلع فالراس ضروري مرة مرة بنادم كايبغي يبدل الحيوط ها الشهر غادي طااير من هنا لتم فكري و ݣولي لي فين باغا تسافري
مابغاتش تزيدو بشي حاجة خرا و تعييق عليه
أسماء : والله ما...
قاطعها بحشرجة صوت ممزوجة بطابِع الدفء لي عاطيه لها مع شويية ديال المشاكسة
مُراد : ولا مابغيتيش غانشوف انا شي قنت من عندي وفبحال هادشي ماتعوليش عليا غاتولي طالبة سلة بلا عنب باغا غير نرجعك منين هزيتك
عرفااتو مُصِر وفالحقيقة حتى هي مااكرهاتش تسافر و تبدل شوية جو الحسيمة
أسماء : ايلا كان هاكا صافي غير خليني تا نفكر فشي بلاصة ونقولك [ شافت فالسوارت ديال الطوموبيل لي فيديه ] واش خدام؟
حدر عينو حتى هو للسوارت لي فيديه
مُراد : هاد الساعة باقي غير خوك عارض علينا
أسماء : [ قطبات حجبانها بإستغراب ] واش خويا عِز؟
كان عاارفها علاش تعجباات وبجووجهم عاارفين خوها عِز بالضبط بنادم مايعولش عليه فشي عراضة ديال النشاط ولا يبدل الجو .. قليييل فين كايعرض من غير ايلا كانت شي مناسبة رسمية ولا شي خدمة
مُراد : مُصعب هو مول العرايض [ ضحك ضحكة رجولية ] اما كون جينا نعولو على عِز ماغانشوفو عراضتو حتى ليوم البعث
ضحكات ضحكة خفيفة لابااس منين عارفو كي داير حتى هو
أسماء : داكشي باش تعجبت [ مشاو عينيها ديرييكت لعنقو ] الجو بارد برا والدار سخونة ايلا خرجتي هاكا غايضربك البرد ، لبس عليك شي حاجة
اشار لها بالإبهم ديالو لمور ضهرو
مُراد : الطوموبيل سخونة ماتخافيش
ناظراتو بعويناتها الكبار كانت كاتبث ليه الهدوء والسكينة منهم طالقة ليه لمعان من العاطفة
أسماء : ولكن ماغاتجي فين توصل للطوموبيل حتى يكون جمعهاا معاك البرد [ تحركات من بلاصتها ] تسناني هانا غانطلع نجيب لك شي حاجة تلبسها عليك
خلاتو و مشات تجيب لو مايزيد عليه من الفوق مخلياه متبع لها العين و رااد البال للإهتمام ديالها حتى غبرات شوية و عاودات رجعات هازة فيديها شال خفيف يغطي بيه عنقو ... عطاتو ليه و رجعات خلفة اللور
مُراد : [ بدا كايقادو على عنقو و كايضحك معاها ] هاني غانبدا نولف هاد الضرافة ديالك [ تحرك قاصد الباب ] هانا مشيت ردي البال لراسك و سدي معاك الباب مزيان
أسماء : [ وقفات قدام الباب ] رد البال حتى نتا مع الطريق و صوݣ بشوية
حتى كان غاادي و هو يوقف كايشوف فيها شوية بان ليها راجع كان كايسحابلها غايكون نسا شي حاجة وراجع يديها وما هي الا لحظات حتى فاجئها بديك القبلة الدافئة لي طبعها فجبهتها و بععد عليها شوية ، كانت شوفتو ليها كاتبث الراحة والأمان فالنفس
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
